ឈ្វេងយល់ពីវិធីសាស្ត្ររៀនជិះម៉ូតូដំបូងឱ្យឆាប់ចេះស្ទាត់
ការបើកបរទោចក្រយានយន្ត ឬម៉ូតូថ្វីដ្បិតតែមានភាពងាយស្រួលសម្រាប់មនុស្សមួយចំនួនក៏ពិតមែនតែចំពោះអ្នកថ្មីថ្មើងទើបនឹងសាកល្បងកាន់ចង្កូតពិតជាកិច្ចការលំបាក ។
ការបើកបរទោចក្រយានយន្ត ឬម៉ូតូថ្វីដ្បិតតែមានភាពងាយស្រួលសម្រាប់មនុស្សមួយចំនួនក៏ពិតមែនតែចំពោះអ្នកថ្មីថ្មើងទើបនឹងសាកល្បងកាន់ចង្កូតពិតជាកិច្ចការលំបាក ។
ខាងក្រោមនេះគឺជាវិធីរៀនជិះម៉ូតូឱ្យឆាប់ចេះនិងស្ទាត់ជំនាញ ៖
១-ឡើងអង្គុយលើម៉ូតូឱ្យស្រួលបួលហើយត្រូវដឹងពីទីតាំងនិងឧបករណ៍ផ្សេងៗស្ថិតនៅឱ្យបានច្បាស់ដូចជា ទីតាំងអំប្រាយ៉ា ហ្វ្រាំង ហ្គារ៍ស៊ីផ្លេ ។ ល ។
២-រៀនពីរបៀបដេរបញ្ឆេះម៉ូតូទាំងលេខអូតូ(ស្វ័យប្រវត្តិ) ប្រើចង្កឹះលេខ និងអំប្រាយ៉ា។ ចំណុចនេះគួរលោកអ្នក ក្រឡេកមើលថាតើកន្លែងចាក់សោម៉ូតូ នៅត្រង់ណា ហើយគេកាច់បើកវាយ៉ាងម៉េចដើម្បីបញ្ឆេះម៉ាសីុន ឬក៏គេធាក់បញ្ឆេះនិងអនុវត្តរបៀបណា ?
៣-ត្រូវច្បាស់ក្នុងចិត្តថា អ្នកមានគំនិតមួយតើគួរបើកវាយ៉ាងម៉េច ក្នុងនោះគឺតើកម្រិតហ្គារ៍ប៉ុនណាដែលអ្នកប្រើ ហើយអំប្រាយ៉ាគួរប្រើវាយ៉ាងម៉េចដែរប្រសិនបើជាម៉ូតូប្រើប្រព័ន្ធអំប្រាយ៉ា ។ បើអ្នកពុំធ្លាប់បើកម៉ូតូពីមុនមកទេនោះ អ្នកច្បាស់ជាភាន់ច្រឡំអំប្រាយ៉ា និងហ្វ្រាំងដៃជាមិនខាន ហើយវានឹងអាចនាំឱ្យបាត់បង់ម្ចាស់ការក៏ថាបាន ។
៤-បន្ថែមលើនេះក៏អ្នកចាំបាច់ត្រូវដឹងថាលេខនីមួយៗ របស់ម៉ូតូខ្លួនខុសគ្នា ឬដំណើរការយ៉ាងម៉េចហើយគួរធ្វើបែបណា និងពេលណាទើបអាចបញ្ចូលលេខបាន ។
៥-កុំតក់ក្រហល់ក្នុងការរៀនបើកវាឱ្យសោះគឺធ្វើតាមសម្រួលក៏គង់នឹងសម្រេចបំណងដូចគ្នានោះទេ ។
៦- ត្រូវតែចេះអត់ធ្មត់ដាក់ចិត្តដិតអារម្មណ៍ក្នុងការឈ្វេងយល់ពីវា ។ កុំបោះបង់់ចោលការសិក្សា ឬរៀនបើកនៅពាក់កណ្ដាលទីឱ្យសោះប្រសិនបើជាអ្នកមិនអាចធ្វើបានពេលសាកល្បងជាជំហានដំបូងនោះ ។
៧-ឧស្សាហ៍អនុវត្តរហូតទាល់តែអ្នកថ្នឹកជាមួយនឹងការឈប់ក្នុងស្ថានភាពប្រថុចញ៉ុចតាមដែលអាចធ្វើទៅបាន ។ អនុវត្តការគ្រប់គ្រងល្បឿនធៀបជាមួយនឹងបរិយាកាសជុំវិញ ។ ត្រូវចាំថាហ្វ្រាំងមុខនឹងបញ្ឈប់ល្បឿនបានលឿនជាងហ្វ្រាំងក្រោយ ។
៨-ទម្លាប់រក្សាម្រាមដៃរបស់អ្នកដាក់លើដៃហ្វ្រាំងនៅពេលពុំមានការបង្កើនល្បឿនព្រោះវាមានតម្លៃបំផុតអាចជួយសង្គ្រោះអាយុជីវិតរបស់អ្នកក្នុងវិនាទីដែលមិនអាចប៉ាន់ប្រមាណបាន ។
៩-បើកនៅតំបន់ណាមួយដែលពុំសូវមានស្ថានភាពចរាចរណ៍មមាញឹក ឬខ្វាត់ខ្វែងចុះឡើង ៕
ចែករំលែកព័តមាននេះ