ADផ្ទាំងផ្សព្វផ្សាយពាណិជ្ជកម្ម

Picture

ប្រជាពលរដ្ឋ​ក្រីក្រ​៥​គ្រួសារ​លើកដៃ​សំពះ សុំ​ការ​អន្តរាគមន៍​ពី​អាជ្ញាធរ និង​ថ្នាក់លើ

3 ឆ្នាំ មុន
  • ប៉ៃលិន

ខេត្ត​ប៉ៃលិន ៖ ក្នុង​កំឡុង​ពេល​ជំងឺ​កូ​វី​ដ​-១៩ កំពុង​តែ​វាយលុក​ពិភពលោក ក៏​ដូច​ជា​ប្រទេស​កម្ពុជា ធ្វើ​ឱ្យ​ប្រជាពលរដ្ឋ​ជា​ច្រើន​មានការ​លំបាក​ក្នុង​ចេញ​ទៅ​ធ្វើ​ការងារ​សម្រាប់​ចិញ្ចឹមជីវិត ខណៈ​ប្រជាពលរដ្ឋ​ក្រីក្រ​កម្ពុជា​ជា​ច្រើន​ទទួល​បាន​ប័ណ្ណ​សមធម៌​ពី​រាជរដ្ឋាភិបាល ដើម្បី​ជួយ​ដោះស្រាយ​បញ្ហា​លំបាក​ក្នុង​ជីវភាព​ប្រចាំ​ថ្ងៃ​។ ដោយឡែក​មាន​ប្រជាពលរដ្ឋ​មួយ​ចំនួន រស់នៅ​ក្នុង​ក្រុង​ប៉ៃ​លន​បាន​អះអាង​ថា…

ខេត្ត​ប៉ៃលិន ៖ ក្នុង​កំឡុង​ពេល​ជំងឺ​កូ​វី​ដ​-១៩ កំពុង​តែ​វាយលុក​ពិភពលោក ក៏​ដូច​ជា​ប្រទេស​កម្ពុជា ធ្វើ​ឱ្យ​ប្រជាពលរដ្ឋ​ជា​ច្រើន​មានការ​លំបាក​ក្នុង​ចេញ​ទៅ​ធ្វើ​ការងារ​សម្រាប់​ចិញ្ចឹមជីវិត ខណៈ​ប្រជាពលរដ្ឋ​ក្រីក្រ​កម្ពុជា​ជា​ច្រើន​ទទួល​បាន​ប័ណ្ណ​សមធម៌​ពី​រាជរដ្ឋាភិបាល ដើម្បី​ជួយ​ដោះស្រាយ​បញ្ហា​លំបាក​ក្នុង​ជីវភាព​ប្រចាំ​ថ្ងៃ​។ ដោយឡែក​មាន​ប្រជាពលរដ្ឋ​មួយ​ចំនួន រស់នៅ​ក្នុង​ក្រុង​ប៉ៃ​លន​បាន​អះអាង​ថា ខ្លួន​ស្ថិត​ក្នុង​ជីវភាព​ខ្វះខាត តែ​អត់​ទទួល​បាន​ប័ណ្ណ​សមធម៌ អ្វី​នោះ​ទេ ទើប​នាំ​គ្នា​លើកដៃ​សំពះ​សុំ​ការ​អន្តរាគមន៍​ពី​អាជ្ញាធរ​ខេត្ត​ក៏​ដូច​ជា​ថ្នាក់លើ​តែ​ម្តង​។

ជា​ស្តែង​កាលពី​ព្រឹក​ថ្ងៃ​ទី​៣០ ខែកក្កដា ឆ្នាំ​២០២០ មាន​ប្រជាពលរដ្ឋ​ក្រីក្រ​ចំនួន​៥​គ្រួសារ រស់នៅ​ចំណុច​សួស្តី ក្នុងភូមិ​ប៉ា​ង​រលឹម សង្កាត់​អូរ​តា​វ៉ៅ ក្រុងប៉ៃលិន ខេត្ត​ប៉ៃលិន បាន​ដាច់​ចិត្ត​នាំ​គ្នា​ទៅ​ជួប​ភ្នាក់ងារ​សារព័ត៌មាន ដើម្បី​រៀបរាប់​ឱ្យ​បានឮ​ដល់​អាជ្ញាធរ​ខេត្ត ក៏​ដូច​ជា​ថ្នាក់លើ​ជា​ពិសេស​សម្តេច​តេ​ជោ ហ៊ុន សែន នាយក​រដ្ឋមន្ត្រី ខណៈ​ពួក​គាត់​មានការ​លំបាក ក្នុង​ជីវភាព​រស់នៅ​ប្រចាំ​ថ្ងៃ​។

បើ​តាម​ការ​រៀបរាប់​ពី​បុរស​ចំណាស់​ម្នាក់​ឈ្មោះ គង់ ឈិ​ន អាយុ​៧២​ឆ្នាំ ប្រពន្ធ​ឈ្មោះ ជៀប យូ​រាជ្យ អាយុ​៦៧​ឆ្នាំ​, ឈ្មោះ ចៅ ង៉ា ភេទ​ប្រុស អាយុ​៣៤​ឆ្នាំ ប្រពន្ធ​ឈ្មោះ ខន កញ្ញា​រិ​ទ្ធ អាយុ​២១​ឆ្នាំ និង​ឈ្មោះ ឈៀង ប្រុស ភេទ​ប្រុស អាយុ​៤៩​ឆ្នាំ ប្រពន្ធ​ឈ្មោះ គឹ​ម សុខ អាយុ​៤៨​ឆ្នាំ ក្នុង​ចំណោម​៥​គ្រួសារ ដោយ​ទាំងអស់​គ្នា​រស់នៅ​ក្នុងភូមិ​ខាងលើ​បាន​រៀបរាប់​ឱ្យ​ដឹង​ដូច​ៗ គ្នា​ថា ពួក​គាត់​រស់នៅ​ក្នុងភូមិ​នេះ​ជិត​២០​ឆ្នាំ​មក​ហើយ ដោយ​មាន​សំបុត្រ​កំណើត សៀវភៅ​គ្រួសារ អត្តសញ្ញាណប័ណ្ណ ដែល​បញ្ជាក់​ថា ពួក​គាត់​គឺជា​សមាជិក​របស់​ភូមិ​ខាងលើ​ប្រាកដ​មែន​។

ប្រភព​បន្ត​ទៀត​ថា ជា​រៀងរាល់ថ្ងៃ​ក្នុង​ចំណោម​ពួក​គាត់​ខ្លះ​ជា​កម្មករ​ដើរ​ស៊ីឈ្នួល​ដាំពោត កាច់​ពោត និង​ដក​ដំឡូង​ឱ្យ​គេ ដោយ​ក្នុង​១​ថ្ងៃ​ទទួល​បាន​ប្រាក់​កម្រៃ ត្រឹមតែ​១៥ ០០០​រៀល ទៅ​២០ ០០០​រៀល ប៉ុណ្ណោះ ពេល​ខ្លះ​អត់​បាន​ចេញ​ទៅ​ធ្វើការ​ដោយសារ​មាន​ជំងឺ​ក៏​បណ្តាល​ឱ្យ​ខ្វះខាត​ផង​ដែរ​។ ចំណែក កូន​តូច​ៗ​របស់​ពួក​គាត់​ទាំងអស់​គឺ​អត់​បាន​រៀនសូត្រ​នឹង​គេ​នោះ​ទេ ដោយសារ​តែ​ផ្លូវ​ទៅ​សាល​រៀន ឆ្ងាយ ណាមួយ​ស្ថិត​ក្នុង​ជីវភាព​ខ្វះខាត​។ ពួក​គាត់​បញ្ជាក់​ថា កាលពីមុន​ខាង​អាជ្ញាធរ​ភូមិ ធ្លាប់​ហៅ​ទៅ​ជួប ខណៈ​ពេល​គេ​បើកប្រាក់​ឧបត្ថម្ភ​រដូវ​កាល​កូ​វី​ដ​-១៩ ឱ្យ​ប្រជាពលរដ្ឋ​ក្រីក្រ​សម្រាប់ ខែ​មុន​ដែរ តែ​រង់ចាំ​មើល​រហូត​អត់​ធ្លាប់​ទទួល​ប្រាក់​នឹង​គេ​នោះ​ទេ​។

ចំពោះ​ជីវភាព​ប្រចាំ​ថ្ងៃ អ្នកខ្លះ​ដើរ​រើស​ខ្យង ក្តាម នៅ​តាម​អូរ និង​ជីក​ខ្នែង​ទំពាំង​ព្រៃ នៅ​តាម​គុម្ព​ឫស្សី​ក្បែរ​មាត់​អូរ ដើម្បី​យក​ទៅ​លក់ដូរ ក្នុង​១​គីឡូក្រាម​តម្លៃ​ត្រឹមតែ​១០០០​រៀល​។ តែ​រហូត​មក​ដល់​ពេល​នេះ គេ​ឈប់​ទិញ​ទំពាំង ទើប​លំបាក​ក្នុង​ការ​លក់ដូរ ទិញ​ម្ហូបអាហារ​ប្រចាំ​ថ្ងៃ​។ ដោយឡែក​គ្រួសារ​ខ្លះ មាន​ចៅ​ៗ នៅ​ក្នុង​បន្ទុក ខណៈ​ឪពុក​ម្តាយ​របស់​ពួក​គេ​ចេញ​ទៅ​ធ្វើ​ការងារ​នៅ​ប្រទេស​ថៃ ហើយ​មិន​អាច​ត្រឡប់​មក​វិញ​បាន ដោយសារ​តែ​ជាប់​គាំង​នឹង​បញ្ហា​ជំងឺ​កូ​វី​ដ​-១៩ ក៏​មិនសូវ​មាន​ថវិកា​ផ្ញើ​មក​ជូន​ពួក​គាត់ ដើម្បី​ផ្គត់ផ្គង់​ជីវភាព​ស្ថិត​នៅ​ក្នុង​គ្រា​លំបាក​ខ្លាំង​។

ពាក់ព័ន្ធ​នឹង​បញ្ហា​នេះ លោកស្រី ប៉ែន ចាន់​ថន សមាជិក​ភូមិ​ប៉ា​ង​រលឹម បានឱ្យ​ដឹង​ថា មូលហេតុ ដែល​គាត់ អត់​បាន​ហៅ​ប្រជាពលរដ្ឋ​ទាំងនោះ​ទៅ​សម្ភាសន៍​ធ្វើ​ប័ណ្ណ​សមធម៌ ដោយសារ​តែ​សង្កេត​ឃើញ​គ្រួសារ​ខាងលើ​មួយ​ចំនួន​មាន​ជីវភាព​ធូរធា ហើយ​អ្នកខ្លះ ពេល​ចុះ​ទៅ​យក​ព័ត៌មាន​ដើម្បី​ធ្វើ​ប័ណ្ណ​ពួក​គាត់​បែរជា​ជាប់​លេងល្បែង​ទៅ​វិញ​។ ចំណែក​អ្នកខ្លះ​ទៀត មាន​ប្រាក់ខែ​គ្រប់គ្រាន់ និង​មានកូន​ៗ​ចេញ​ទៅ​ធ្វើការ​រកស៊ី​នៅ​ប្រទេស​ថៃ ហើយ​មាន​ប្រាក់​ចងការ​ឱ្យ​គេ​។ អ្នកខ្លះ​ទៀត​មាន​ដី​ខ្លួនឯង​សម្រាប់​បង្កបង្កើន​ផល និង​អ្នកខ្លះ​មាន​លទ្ធភាព​ជួល​ដី​ជួល​ផ្ទះ​គេ​ស្នាក់​នៅ​ក្បែរ​ផ្សារ​ថែម​ទៀត​។

បើ​តាម​លោក ទឹម សុធី​ម ប្រធាន​មន្ទីរ​ផែនការ​ខេត្ត បានឱ្យ​ដឹង​កាលពី​រសៀល​ថ្ងៃ​ទី​៣០ ខែកក្កដា ឆ្នាំ​២០២០ ដែរ​ថា ខាង​លោក​អត់​ទាន់​ដឹង​រឿង​មាន​ប្រជាពលរដ្ឋ​ក្រីក្រ​អត់​ទទួល​បាន​នូវ​ប័ណ្ណ​សមធម៌​នោះ​ទេ ចាំ​ចុះ​ទៅ​ស៊ើប​មើល ចំពោះ​គ្រួសារ​ខាងលើ​ដែល​ឮដំណឹង​ថា ស្ថិត​ក្នុង​ជីវភាព​ខ្វះខាត តែ​អត់​ទទួល​បាន​នូវ​ប័ណ្ណ​សមធម៌​។ លោក​បន្ត​ទៀត​ថា ខាង​លោក​នឹង​ដឹកនាំ​ក្រុមការងារ​គណៈ​ក​ម្មា​ការ​ចុះ​ទៅ​ពិនិត្យ​នៅ​ថ្ងៃ​ខាង​មុខ​ឆាប់​ៗ​នេះ ដើម្បី​ធ្វើ​បទ​សម្ភាសន៍​ថា​តើ​ជាប់ ឬ​ធ្លាក់​៕ ដោយ ៖ នី​យ៉ា

អត្ថបទសរសេរ ដោយ

កែសម្រួលដោយ