រាជធានីភ្នំពេញ ៖ អ្នកនាំពាក្យក្រសួងយុត្តិធម៌ លោក ជិន ម៉ាលីន បានច្រានចោល ចំពោះការចេញផ្សាយរបាយការណ៍របស់អង្គការសង្គមស៊ីុវិលចំនួន៣ពាក់ព័ន្ធនឹងសិទ្ធិមនុស្សថា មានភាពមិនច្បាស់លាស់ គ្រប់ជ្រុងជ្រោយ ហើយមិនអាចយកជាការបាននោះទេ ។
លោក ជិន ម៉ាលីន បានឲ្យដឹងនៅថ្ងៃទី៣០ ខែកក្កដា ឆ្នាំ២០២០ថា បើផ្អែកលើទស្សន ទាននៃសិទ្ធិមនុស្ស និងវិធីសាស្ត្រនៃការស្រាវជ្រាវដែលមានលក្ខណៈជាវិទ្យាសាស្ត្រ ការ ចេញរបាយការណ៍របស់អង្គការទាំង៣នេះ មិនមានលក្ខណគ្រប់ជ្រុងជ្រោយ និងឆ្លុះបញ្ចាំងពីការពិតជាក់ស្តែងទាំងស្រុងនោះទេ ។ លោកបន្តថា របាយការណ៍នេះគ្រាន់តែធ្វើការប្រមូលបូកសរុបនូវព្រឹត្តិការណ៍ និងធ្វើការសន្និដ្ឋាន តែលើរូបភាពខាងក្រៅតែប៉ុណ្ណោះ ពោល គឺមិនបានសិក្សា លើមូលហេតុ និងមូលដ្ឋានលំអិតដែលនាំឱ្យកើតមានព្រឹត្តិការណ៍នីមួយៗ ទិដ្ឋភាព និងនីតិវិធីច្បាប់ អង្គហេតុនៃបទល្មើស និងអំពើដែលជាធាតុផ្សំនៃបទល្មើស ដែលនាំឱ្យមានការទទួលខុសត្រូវតាម ផ្លូវច្បាប់នោះទេ។
អ្នកនាំពាក្យបានលើកចំអកទៅកាន់ក្រុមអង្គការថា ជាទម្លាប់របស់អង្គការទាំងនេះកាល ណាអាជ្ញាធរអនុវត្តច្បាប់លើក្រុមគោលដៅដែលគេ មានរបៀបវារៈច្បាស់លាស់ក្នុង ការការពារ ដូចជា សកម្មជនអតីតបក្សប្រឆាំង សកម្មជន អង្គការសង្គមស៊ីវីលដែលមាននិន្នា ការប្រឆាំង គឺពួកគេតែងតែធ្វើការសន្និដ្ឋាន និងចោទប្រកាន់ថា ជាការរំលោភសិទ្ធិមនុស្ស ដោយមិនខ្ចីអើពើ និងធ្វើការពិចារណារទៅ ទិដ្ឋភាព និងនីតិវិធីច្បាប់ អង្គហេតុ អំពើដែលជាធាតុ ផ្សំនាំឱ្យកើត ជាបទល្មើស ហើយដែលនាំឱ្យ មានការទទួលខុសត្រូវតាមផ្លូវច្បាប់ និងការចោទប្រកាន់តាមផ្លូវ តុលាការនោះទេ ។
លោកបន្តថា ការធ្វើរបាយការណ៍ដោយដកស្រង់យកតែទស្សនមួយជ្រុង និងជួបសម្ភាសន៍ជាមួយមនុស្សមួយក្រុម និងអង្គការមួយចំនួនដែលជាបក្សពួករបស់ខ្លួន និងមាននិន្នាកា រប្រឆាំងនឹងរដ្ឋាភិបាលផងនោះ ដោយមិនមានការចូលរួមនិងធាតុចូលពីតំណាងរដ្ឋាភិបាល និងគ្រប់ភាគីពាក់ព័ន្ធដ៏ទៃទៀតដែលទទួលរងផលប៉ះពាល់អវិជ្ជមានពីរបាយការណ៍នេះនោះការស្រាវជ្រាវ និងកាសន្និដ្ឋានក្នុងរបាយការណ៍នេះ មិនមានលក្ខណជាវិទ្យាសាស្ត្រ មិនមានភាព ច្បាស់លាស់គ្រប់ជ្រុងជ្រោយ និងមិនអាចយកជាការបាន។
លោកបញ្ជាក់ថា៖«របាយការណ៍មិនគ្រប់ជ្រុងជ្រោយ លំអៀង និងមានគោលដៅវាយ ប្រហាររដ្ឋាភិ បាលបែបនេះ អាចនឹងនាំឱ្យមានគ្រោះថ្នាក់ និងអស្ថេរភាពក្នុងសង្គម ព្រោះថា របាយការណ៍ នេះហាក់ដូចជាការពារនិងលើកទឹកចិត្ត ដល់ក្រុមប្រឆាំងដែលតែងតែធ្វើសកម្ម ភាពក្រោមរូបភាពផ្សេងៗ ដែលរៀបចំ ឧបត្ថម និងគាំទ្រដោយចលនានិងអង្គការចាត់ តាំងខុស ច្បាប់ នៅខាង ក្រៅ ឱ្យកាន់តែធ្វើសកម្មភាព បន្ថែមទៀត ដោយមិនខ្លាចច្បាប់ និងសមត្ថកិច្ច បង្ករភាពចលាចល ក្នុងសង្គម ដើម្បីសម្រេចឱ្យបាននូវមហិច្ឆតានយោបាយរបស់ខ្លួន ហើយ ដែលនេះមិនមែន ជាការអនុវត្តនូវសិទ្ធិសេរីភាពតាមផ្លូវច្បាប់នោះទេ។
តែផ្ទុយទៅវិញ របាយការណ៍របស់អង្គការទាំងនេះគួរតែធ្វើការអប់រំ និងណែនាំក្រុមដែលបំពានច្បាប់ទាំងនោះឱ្យគោរពច្បាប់ឱ្យបានភ្ជាប់ខ្លួនប្រើប្រាស់សិទ្ធិរបស់ខ្លួនឱ្យបានត្រឹមត្រូវតាមផ្លូវច្បាប់ មិនបំពានសិទ្ធិ សេរីភាព អ្នកដ៏ទៃ និងប៉ះពាល់ដល់សន្តិសុខសង្គមនិងសណ្តាប់ឆ្នាប់សាធារណៈ ដែលអាចនាំ ឱ្យពួកគេ ប្រឈមនិងទទួលខុសត្រូវតាមផ្លូវច្បាប់ជាយថាហេតុណាមួយ»។
លោកក៏បានលើកឡើងថា នៅក្នុងសង្គមប្រជាធិបតេយ្យនីតិរដ្ឋ ជាគោលការណ៍ សិទ្ធិ មនុស្ស “Human Rights” ត្រូវតែគោរព និងការពារ តែបើមនុស្សប្រព្រឹត្តកំហុស “ Human Wrong” ត្រូវតែប្រឈម និងទទួលខុសត្រូវតាមផ្លូវច្បាប់ ។
សូមជម្រាបថាការលើកឡើងរបស់អ្នកនាំពាក្យក្រសួងយុត្តិធម៌បន្ទាប់ពីអង្កការចំនួន៣បានថ្លែងការណ៍គ្នាពីរបាយការណ៍ឆ្នាំទី៤ នៃការឃ្លាំមើលសេរីភាពនៅមូលដ្ឋានកម្ពុជា កាលពី ពេលថ្មីៗកន្លងមក។ ថ្លែងការណ៍លើកឡើងថាចាប់ពីថ្ងៃទី១ខែមេសា ឆ្នាំ២០១៩ ដល់ថ្ងៃទី៣១ខែមីនា ឆ្នាំ ២០២០គម្រោងឃ្លាំងមើលសេរីភាពមូលដ្ឋាននៅកម្ពុជាបានបង្ហាះថាលំហសម្រាប់ការអនុវត្តសេរីភាពមូលដ្ឋាននៅតែបន្តរងការរឹតត្បិត។
ការវិត្តន៍សំខាន់ៗមួយចំនួនដែលមាន លើកឡើងថា ៖ ក្នុងរបាយការណ៍រួមមាន ៖ ការបន្តបង្ក្រាបលើអ្នកមានទស្សនៈនយោបាយផ្ទុយ, ការបំបិទ នូវការបញ្ចេញមតិដែលធ្វើឲ្យមានកើនឡើងនូវការចាប់ពិរុទ្ធដោយខ្លួនឯងនៅបេលបញ្ចេញមតិ, ការអនុវត្តក្រមព្រហ្មទណ្ឌពោលគឺបទរិហារកេរ្តិ៍ បទរួមគំនិតក្បត់ បទញុះញង់ឲ្យ ប្រព្រឹត្តិបទឧក្ត្រិដ្ឋ និងបទក្លែងបន្លំងព័ត៌មាន និងការថយចុះការយល់ដឹងរបស់សាធារណៈ ជនចំពោះសេរី ភាពមួលដ្ឋាន ៕
ចែករំលែកព័តមាននេះ