ហុងកុង​អាច​នឹង​លើក​ថ្ងៃ​បោះ​ឆ្នោត ដោយសារ​តែ​កូ​វី​ដ​១៩


ហុងកុង ៖ ប្រព័ន្ធ​ផ្សព្វផ្សាយ​សាធារណៈ RTHK បាន​រាយការណ៍​កាលពី​ថ្ងៃ​ពុធ​ថា រដ្ឋាភិបាល​ហុងកុង អាច​ពន្យារពេល​មួយ​ឆ្នាំ​នូវ​ការ​បោះ​ឆ្នោត​សម្រាប់​អាសនៈ​ក្នុង​នីតិកាល​របស់​ទីក្រុង ដែល​គ្រោង​ធ្វើ​នៅ​ថ្ងៃ​ទី​៦ ខែកញ្ញា ចំ​ពេល​មានការ​ភ័យ​ខ្លាច​ចំពោះ​ការ​លេច​ចេញ​ជា​ថ្មី​នូវ​ករណី​ឆ្លង​កូ​វី​ដ​១៩​។

ការ​ពន្យារពេល​នឹង​ក្លាយជា​ការ​ខកចិត្ត​មួយ​សម្រាប់​ក្រុម​អ្នកគាំទ្រ​លទ្ធិប្រជាធិបតេយ្យ​របស់​គណ​បក្សប្រឆាំង ដើម្បី​ទទួល​បាន​សំឡេង​ភាគច្រើន​ជា​ប្រវត្តិសាស្ត្រ​នៅ​ក្នុង​សន្និបាត​ទីក្រុង បន្ទាប់​ពី​ទីក្រុង​ប៉េ​កាំ​ង បាន​ដាក់​ចេញ​នូវ​ច្បាប់​សន្តិសុខ​ថ្មី​មួយ ដែល​ត្រូវ​បានការ​រិះគន់​យ៉ាង​ខ្លាំង​ពី​បណ្តា​ប្រទេស​លោក​ខាងលិច​ថា កំពុង​បំផ្លាញ​សិទ្ធិ​របស់​ពលរដ្ឋ​។

របាយការណ៍​របស់ RTHK បាន​ដកស្រង់​ប្រភព​មិន​ស្គាល់​អត្តសញ្ញាណ ហើយ​មិន​បាន​ផ្តល់​ព័ត៌មាន​លម្អិត​បន្ថែម​ទៀត​ទេ​។

ប្រជាជន​ប្រមាណ​៦០​ម៉ឺន​នាក់ បាន​បោះ​ឆ្នោត​ក្នុង​ការ​បោះ​ឆ្នោត​បឋម​ក្រៅផ្លូវការ សម្រាប់​ក្រុមប្រឆាំង​នៅ​ហុងកុង​ក្នុង​ខែ​នេះ ដោយ​បញ្ជូន​យុវជន​វ័យក្មេង​ដែល​មាន​និន្នាការ​ប្រឈម​មុខ​កាន់តែ​ច្រើន​ឡើង​ៗ ដើម្បី​ចូលរួម​ក្នុង​ការ​ប្រជែង​ដណ្តើម​អំណាចនីតិប្បញ្ញត្តិ​។

ការ​បោះ​ឆ្នោត​ជ្រើសរើស​ក្រុមប្រឹក្សា​នីតិកម្ម​រឺ​ហៅ​ថា Legco គឺជា​ការ​បោះ​ឆ្នោត​លើក​ដំបូង នៅ​ក្នុង​អតីត​អាណានិគម​អង់គ្លេស ចាប់តាំងពី​ការ​ណែនាំ​អំពី​ច្បាប់​សន្តិសុខ​ជាតិ នៅ​ក្នុង​ទីក្រុង​ពាក់កណ្តាល​ស្វយ័ត​។

ហុងកុង បាន​រាយការណ៍​ថា មាន​ករណី​ឆ្លង​ជំងឺ​កូ​វី​ដ​១៩ ប្រហែលជា ៣,០០០​ករណី ចាប់តាំងពី​ខែមករា និង​មាន​អ្នក​បាត់បង់​ជីវិត​ច្រើន​ជាង​២០​នាក់ ដែល​វា​ទាប​ជាង​ទីក្រុង​ធំ​ៗ ផ្សេង​ទៀត​នៅ​ជុំវិញ​ពិភពលោក​។ ប៉ុន្តែ​រដ្ឋាភិបាល​បាន​ព្រមាន​អំពី​ការ​កើនឡើង​នៃ​ការ​ឆ្លង​ថ្មី នៅ​ក្នុង​សហគមន៍ និង​បាន​ហាមឃាត់​ការ​បរិភោគ​អាហារ​នៅ​តាម​ភោជនីយដ្ឋាន​និង​ការ​ជួបជុំ​ជា​ក្រុម​លើស​ពី​ពីរ​នាក់​៕ ដកស្រង់​ចេញពី​វេ​ប​សាយ ៖ bangkokpost (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ