ADផ្ទាំងផ្សព្វផ្សាយពាណិជ្ជកម្ម

Picture

តើ​អ្នកមាន​មហិច្ឆតា​ខ្ពស់ ឬ​ក៏​គ្រាន់តែ​ជា​ភាព​លោភលន់​ខ្ពស់ ?

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ មុន​នឹង​យើង​ចង់​ក្លាយជា​អ្នកមាន យើង​ត្រូវ​សួរ​ខ្លួន​ថា យើង​ចង់​មាន​ទៅ​លើ​វិស័យ​អ្វី? ផ្នែក​អាជីវកម្ម ក្រុមហ៊ុន ឬ​អចលនទ្រព្យ​ជាដើម ? បន្ទាប់​មក​យើង​ត្រូវ​មានការ​គិតពិចារណា​ឱ្យ​មាន​ន័យ…

រាជធានី​ភ្នំពេញ ៖ មុន​នឹង​យើង​ចង់​ក្លាយជា​អ្នកមាន យើង​ត្រូវ​សួរ​ខ្លួន​ថា យើង​ចង់​មាន​ទៅ​លើ​វិស័យ​អ្វី? ផ្នែក​អាជីវកម្ម ក្រុមហ៊ុន ឬ​អចលនទ្រព្យ​ជាដើម ? បន្ទាប់​មក​យើង​ត្រូវ​មានការ​គិតពិចារណា​ឱ្យ​មាន​ន័យ មាន​មហិច្ឆតា​ឱ្យ​ធំ​ទើប​វា​អាច​ជំរុញ​ទឹកចិត្ត​យើង​ឱ្យ​បន្ត​នូវ​ក្តី​សុ​បិ​ន្ត​បាន ហើយ​ពាក្យ​ថា អ្នកមាន គឺ​រង់ចាំ​អ្នក​ទៅ​យក ហើយ​វា​មាន​ច្រើន​ណាស់​កុំ​ខ្លាច​អស់​ពាក្យ​នឹង ។

លោក ចេ​ង ខេ​ង អគ្គនាយក​ក្រុមហ៊ុន CPL អចលនទ្រព្យ​បាន​លើក​ឡើង​ថា «​ខ្ញុំ​គិត​ថា ខ្ញុំ​មាន​មហិច្ឆតា គិត​ធំ​ណាស់ ។ ប៉ុន្តែ​នៅ​ពេល​ខ្ញុំ​ចូល​ទៅ​ក្នុង​ក្រុម​អ្នកមាន​គាត់​មាន​មហិច្ឆតា​ធំ​ជាង​ខ្ញុំ​ទៅ​ទៀត ដូចនេះ​យើង​ត្រូវ​រៀន​គិត​ឱ្យ​ធំ​នឹង​ច្រើន ។ ហើយ​សម្រាប់​ខ្ញុំ ខ្ញុំ​បាន​គិត​ថា នឹង​ធ្វើ​ការងារ​ក្នុង​វិស័យ​អចលនទ្រព្យ​»​។

លោក ចេ​ង ខេ​ង បាន​បន្ថែម​ថា «​តួយ៉ាង​សម្រាប់​ខ្ញុំ ខ្ញុំ​កើត​ចេញពី​កូន​កសិករ ហើយ​ទំ​រាំ​មក​ដល់​ពេល​នេះ ខ្ញុំ​ពិតជា​បាន​ខំប្រឹង​ខ្លាំង​ណាស់ ដូចនេះ​ខ្ញុំ​យល់​ថា អ្នកមាន គឺ​ការ​គិត​របស់​គាត់​ខ្លាំង ទម្រាំ​បាន​ក្លាយជា​អ្នកមាន ។ ខ្ញុំ​អាច​និយាយ​បាន​ប្អូន​ៗ​ដែល​ចង់​មាន អាច​ទៅ​ឱ្យ​កៀក​ៗ​ជាមួយ​អ្នកមាន ដូចនេះ​យើង​ពិតជា​អាច​រៀន​តាម​គំនិត​របស់​ពួក​គាត់​បាន ។ ពាក្យ​ថា អ្នកមាន​មិន​អស់​ទេ មាន​ន័យ​ថា ពាក្យ​នេះ គឺ​រង់ចាំ​យើង​ជា​និច្ច ឱ្យ​តែ​យើង​មាន​ឳ​កាស សមត្ថភាព​អាច​យកឈ្មោះ​នេះ​បាន​» ។

លោក ចេ​ង ខេ​ង បាន​បន្ត​ថា បើ​ក្រ​ឡែក​មើល ទៅ​លើ​អ្នក​មាននៅ​ឯ​បរទេស និង​អ្នក​មាននៅ​ស្រុក​យើង អ្នក​មាននៅ​បរទេស គឺ​គេ​មាន​សីលធម៌​ខ្ពស់ និយាយ​ទៅ​គ្រប់​អ្វី​ៗ​ដែល​គេ​ធ្វើ​បាន គឺ​គេ​ជា​មនុស្ស​គំរូ​សម្រាប់​ពិភពលោក​តែ​ម្តង មិនមែន​ធ្វើ​សម្រាប់​តែ​ប្រទេស​មួយ​ទេ ។ យើង​មើលទៅ​បុគ្គល​ជោគជ័យ​របស់​សហរដ្ឋអាមេរិក គេ​ធ្វើ​មិន​ត្រឹមតែ​ធ្វើ​ជា​បុគ្គល​គំរូ​ក្នុង​ប្រទេស​គេ​ទេ តែ​គេ​ធ្វើ​ដើម្បី​ពិភពលោក​តែ ម្តង​។ ការ​មានបាន​មិនមែន​ជា​ភាព​ចៃដន្យ ឬ​នរណា​ម្នាក់​យក​វា​មក​ឱ្យ​យើង​នោះ​ទេ ។ លោក​បាន​បន្ត តែ​វា​ជា​ការ​ចង់​មាន​ចង់បាន​ចេញពី​ខ្លួន​យើង​ម្នាក់​ៗ ។

ដូចនេះ​លោក ចេ​ង ខេ​ង បាន​ណែនាំ ៥​ចំណុច​ដែល​អាច​ជា​គំនិត​ខ្លះ​ៗ សម្រាប់​លោក​អ្នក​យក​មក​ពិចារណា ៖
១- ចំណុច​ទី​១៖ ធ្វើ​គឺ​ធ្វើ​ឱ្យ​លើស មនុស្ស​ជោគជ័យ គឺ​មនុស្ស​ដែល​ពូកែ​ធ្វើ ហើយ​អោយ​លើស​នូវ​អ្វី​ដែល​គេ​ដាក់​ឱ្យធ្វើ​ទៀត មាន​ន័យ​ថា បើ​មេ​ដាក់​ការងារ​ប៉ុណ្ណេះ យើង​ធ្វើ​លើស​ទៀត​ដោយសារ​តែ​ចង់​រៀន​នូវ​បទ​ពិសោធន៍​ថ្មី ធ្វើ​ឱ្យ​លើស​ហើយ​ធ្វើ​ឱ្យ​ល្អ​បំផុត​ជា​រៀង​រហូត មិនមែន​ថា​ថ្ងៃនេះ​លើស​ហើយ ចឹ​ង​ថ្ងៃស្អែក​មិនបាច់​លើស​ទៀត​ទេ អា​នឹង​ខុស​ហើយ​។

២- ចំណុច​ទី​២៖ អភិវឌ្ឍន​លើ​ខ្លួនឯង​ជា​និច្ច មិន​មាន​ន័យ​ថា​ចេះ​ប៉ុណ្ណឹង​ហើយ​មិនបាច់​រៀន​ទៀត​ទេ ដូចនេះ​ការ​រៀន​បន្ថែម និង​ការ​អនុវត្ត​ទៀត​នោះ វា​ប្រាកដ​ថា​នឹង​អាច​ចេះ​បាន​ឆាប់រហ័ស​។ ៣- ចំណុច​ទី​៣៖ គឺ​អា​តិ​ភាព​ទៅ​លើ​ក្រុមហ៊ុន អ្នកខ្លះ​គាត់​គិត​ថា មិនមែន​ក្រុមហ៊ុន​គាត់ ចឹ​ង​គាត់​មិន​ខ្វល់​ទេ ធ្វើការ​ស៊ី​តែ​ប្រាក់ខែ មិន​ខ្វល់​ថា​ក្រុមហ៊ុន​រីក​ចំរើន​ឬ​អត់ តែ​គិត​ចឹ​ង​ខុស​ហើយ ការងារ​ត្រូវ​ខំប្រឹង​ពី​តូច​ទៅ បើ​យើង​នៅ​គិត​ចឹ​ង​យើង​មិន​មានការ​អភិវឌ្ឍន​ខ្លួន​ទេ​។ ការងារ​លើស​បន្តិច មាន​ន័យ​ថា បើ​គាត់​ធ្វើ​លើស​ការងារ​ខ្លះ​ៗ ហើយ​ចេះ​អភិវឌ្ឍន​ខ្លួន​ហើយ​ដូចនេះ អនាគត​របស់​គាត់​នឹង​ភ្លឺស្វាង ហើយ​។

៤- ចំណុច​ទី​៤ ៖ ត្រូវ​មាន​មហិច្ឆតា ត្រង់នេះ​សូម​បញ្ជាក់​ថា មនុស្ស​មាន​មហិច្ឆតា​ខ្ពស់​មិនមែន​ជា​មនុស្ស​លោភលន់​ទេ កុំ​មានការ​ភ័ន្ត​ប្រ​ឡំ មនុស្ស​ដែល​មាន​មហិច្ឆតា គឺជា​មនុស្ស​ដែល​ប្រឹង​ដោយ​ខ្លួនឯង ទៅ​យក​របស់​មួយ​ដែល​ខ្លួន​ចង់បាន រីឯ​លោភលន់​មាន​ន័យ​ថា មនុស្ស​ដែល​ចង់បាន​របស់​គេ​ដោយ​មិន​បញ្ចេញ​កំលាំង​។

5- ចំណុច ទី ៥៖ គឺជា​ការ​ជួយ​ទៅ​ក្នុង​សង្គម​វិញ ហើយ​ការ​ជួយ​នេះ​ដែរ គឺជា​ការ​ជួយ​ដោយ​ចិត្ត​ស្មោះស មិន​ត្រូវការ​អ្វី​ត្រឡប់​មក​វិញ​ទេ ជា​ពិសេស​ក​ទៅ​លើ​ការ​អប់រំ និង​ជួយ​ទៅ​លើ​អ្នកមាន​សមត្ថភាព ឬ​ធនធានមនុស្ស​។ ហើយ​បើ​យើង​ចង់​ជួយ​ឱ្យ​ប្រទេស​រុងរឿង ទាល់តែ​យើង​ធ្វើ​ឱ្យ​ខ្លួនឯង​រុងរឿង​ជា​មុន​សិន ទើប​វា​ជា​ឳ​កាស​ដែល​នាំ​ឱ្យ​យើង​ធ្វើ​អ្វីមួយ​សម្រាប់​ប្រទេស​ជាតិ ជួយ​បុគ្គលិក​យើង​ឱ្យ​រុងរឿង ដូចនេះ​បុគ្គលិក និង​យើង​គឺ​អាច​ជួយ​ប្រទេស​ជាតិ​ឱ្យ​រុងរឿង​ហើយ​៕

អត្ថបទសរសេរ ដោយ

កែសម្រួលដោយ