ប្រទេសវៀតណាម ៖ គណៈកម្មាធិការជាតិគ្រប់គ្រងការបង្ការនិងតស៊ូប្រឆាំងវីរុស COVID-19របស់វៀតណាម អះអាងនារសៀលថ្ងៃទី២៨កក្កដា ពីអ្នកឆ្លងវីរុសថ្មី៧នាក់ទៀត ។
អ្នកឆ្លងវីរុសកម្រិតជាតិនៅវៀតណាមពេលនេះបានឡើងដល់៤៣៨នាក់។ អ្នកឆ្លងថ្មីទាំង៧នាក់នោះ គឹនារី២នាក់ម្នាក់អាយុ៦៣ឆ្នាំនិងម្នាក់ទៀតអាយុ៦៧ឆ្នាំ ដែលរស់នៅក្នុងខេត្តក្វាងណាមភាគកណ្ដាលប្រទេស នារី២នាក់ទៀតនៅដាណាងនិងបុរស៣នាក់ដែលបច្ចុប្បន្ន កំពុងទទួលការព្យាបាលក្នុងមន្ទីរពេទ្យក្រុងដាណាង។
កាលពីថ្ងៃទី២៨កក្កដាបុរសអាយុ៥៣ឆ្នាំម្នាក់ដែលជាអ្នកឆ្លងវីរុសទី៣៧៣នៅវៀតណាម ត្រូវបានប្រកាសថា ព្យាបាលជាសះស្បើយនាំឲ្យអ្នកជំងឺព្យាបាលជា ក្នុងប្រទេសមានដល់៣៦៩នាក់ តំណាងឲ្យ៨៤,២%នៃអ្នកឆ្លងទាំងអស់។ មនុស្សជាង១៥.០០០នាក់ដែលប៉ះពាល់ជាមួយអ្នកឆ្លងឬមកពីបណ្ដាតំបន់មានការប៉ះពាល់ដោយការឆ្លងត្រូវស្ថិតក្នុងចត្តាឡីស័ក។
កាលពីថ្ងៃទី២៨កក្កដាក្រសួងសុខាភិបាលវៀតណាម បានចេញការប្រកាសបន្ទាន់តាមរកបណ្ដាមនុស្សដែលមានវត្តមាន នៅតាមកន្លែងដែលមានការឆ្លងវីរុស នៅដាណាងនិងនៅខេត្តក្វាងណាម៕ ដកស្រង់ចេញពីវេបសាយ ៖ lecourrier (កែសម្រួលដោយ ៖ បុប្ផា)
ចែករំលែកព័តមាននេះ