៤ គុណសម្បត្តិ​ចាំបាច់​ដែល​សហគ្រិន​គួរតែ​មាន


ពេល​ខ្លះ​ការ​ចាប់ផ្តើម​អាជីវកម្ម​មួយ​ពឹងផ្អែក​លើ​លទ្ធផល​ច្រើន​ជាង​ការ​មាន​ក្តី​សុបិន និង​មាន​ជំនាញ​បច្ចេកទេស​ដែល​ត្រឹមត្រូវ ។ ជាក់ស្តែង​សហគ្រិន​ជា​ច្រើន​ដែល​មាន​ក្តី​សុបិន និង​ជំនាញ​ដែល​ចាំបាច់​អាច​បោះបង់​ចោល​អ្វី​ទាំងអស់​បាន​យ៉ាង​ងាយ ។ ប្រសិនបើ​អ្នក​ចង់​ជោគជ័យ​ក្នុង​អាជីវកម្ម អ្នក​គួរតែ​មានគុណ​សម្បត្តិ​ដូច​ខាងក្រោម​នេះ ៖

១. បទ​ពិសោធន៍​ក្នុង​គម្រោង​មុន​ៗ
ប្រសិនបើ​អ្នក​នៅ​ជា​សិស្ស ឬ​និស្សិត និង​មិន​ទាន់​មានបទពិសោធន៍​ចាប់ផ្តើម​អាជីវកម្ម​មួយ​នោះ អ្នក​នៅ​តែ​មានឱកាស​ជោគជ័យ​ប្រ​សោ​ន​បើ​អ្នក​ធ្លាប់​មានបទពិសោធន៍​ដែល​បាន​ចាប់ផ្តើម និង​បង្ក​នូវ​លទ្ធផល​ល្អ​ៗ​ពី​មុន​មក ។ ស្ថាបនិក​ធំ​ៗ​ដូច​ជា​លោក ប៊ី​ល ហ្គេ​ត​ស៍ (Bill Gates) និង ម៉ាក ហ្សា​ក់​កា​បឺ​ក (Mark Zuckerberg) តែងតែមាន​គម្រោង​ដែល​លោក​ធ្វើ​ក្រៅពី​ការងារ ។

២. មាន​គោលដៅ​ដែល​ខ្ពស់​ជាង​លុយ
បច្ចុប្បន្ន​នេះ អតិថិជន​ចូល​ចិត្ត​អាជីវកម្ម​ដែល​ខ្វល់ខ្វាយ​ពី​បញ្ហា​ក្នុង​សង្គម និង​បញ្ហា​បរិស្ថាន ច្រើន​ជាង​អាជីវកម្ម​ដែល​គិតតែ​ពី​ប្រាក់​ចំណេញ ។ ជា​ពិសេស​ក្នុង​ជំនាន់​ប្រព័ន្ធ​សង្គម​នេះ ការ​បង្ហាញ​ពី​តម្លៃ​ទាំងនេះ​ក្នុង​អាជីវកម្ម​របស់​អ្នក​អាច​ទាក់ទាញ​ការ​គាំទ្រ​ពី​មនុស្ស​ជា​ច្រើន ។

៣. មានចិត្ត​ប្តេជ្ញា
ផ្លូវ​ដើរ​ជា​ម្ចាស់​អាជីវកម្ម​មួយ​រូប​ជា​ផ្លូវ​ដើរ​ដ៏​វែង​មួយ ហើយ​អ្នក​នឹង​ជួប​នូវ​ឧបសគ្គ​ជា​ច្រើន​តាម​ផ្លូវ​នោះ​ដែរ ។ ទោះជា​អ្នក​ម​មិន​មានបទពិសោធន៍​ច្រើន​ពី​មុន​ពិតមែន​ក្តី អ្នក​ត្រូវ​តែ​ផ្តោត​ស្មារតី​លើ​ការ​ពង្រឹងសមត្ថភាព​ក្នុង​ការ​ដោះស្រាយ​បញ្ហា និង​ការ​ប្តេជ្ញា​ពុះពារ​ឆ្លងកាត់​គ្រប់​ឧបសគ្គ​ជាដើម ។

៤. ជំនាញ​ទំនាក់ទំនង និង​ការ​ស្តាប់
សមត្ថភាព​ក្នុង​ការ​ទំនាក់ទំនង​ជាមួយ​អតិថិជន អ្នក​ផ្គត់ផ្គង់ និង​ដៃគូ​ពាណិជ្ជកម្ម​របស់​អ្នកមាន​សារៈសំខាន់​ណាស់ ។ សហគ្រិន​ដែល​ជោគជ័យ​ជា​មនុស្ស​ដែល​ពូកែ​ស្តាប់ និង​ពូកែ​និយាយ និង​សរសេរ​ផង​ដែរ ៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ