រាជធានីភ្នំពេញ ៖ មានលុយមិនមែនមានន័យថា ជោគជ័យនោះទេ ដរាបណាអ្នកមិនទាន់យល់ច្បាស់អំពីការគ្រប់គ្រងហិរញ្ញវត្ថុ ។ ជាក់ស្តែងទីប្រឹក្សាសេដ្ឋកិច្ចលេចធ្លោមួយរូបនៅកម្ពុជាលោក ង៉ែត ជូ បានលើកឡើងថា…
រាជធានីភ្នំពេញ ៖ មានលុយមិនមែនមានន័យថា ជោគជ័យនោះទេ ដរាបណាអ្នកមិនទាន់យល់ច្បាស់អំពីការគ្រប់គ្រងហិរញ្ញវត្ថុ ។
ជាក់ស្តែងទីប្រឹក្សាសេដ្ឋកិច្ចលេចធ្លោមួយរូបនៅកម្ពុជាលោក ង៉ែត ជូ បានលើកឡើងថា ឥរិយាបទហិរញ្ញវត្ថុបែបណា វាសនាហិរញ្ញវត្ថុបែបហ្នឹងដែលនេះមានន័យថា បើអ្នកចេះចាត់ចែងត្រឹមនោះនឹងរីកចម្រើន តែបើខ្វះការចាត់ចែងហិរញ្ញវត្ថុត្រឹមត្រូវនោះនឹងអន្តរាយ ។
លោក ង៉ែត ជូ ដែលជាអ្នកជំនាញខាងហិរញ្ញវត្ថុបានបញ្ជាក់ថា ជាទូទៅ ឥរិយាបទហិរញ្ញវត្ថុមាន៣យ៉ាងដែលយើងទាំងអស់គ្នាគួរយល់ដឹង ៖ ឥរិយាបទហិរញ្ញវត្ថុបែបណាវាសនាហិរញ្ញវត្ថុបែបហ្នឹង ។ លោកក៏បានចោទជាសំណួរឡើងថា តើអ្នកមានឥរិយាបទបែបណា ? ហើយអ្នកគួរប្តូរឥរិយាបទឬទេ ?លោកបានបញ្ជាក់ថា ឥរិយាបទហិរញ្ញវត្ថុមាន៣យ៉ាង ៖
១- ឥរិយាបទហិរញ្ញវត្ថុនាំអោយចំរើន ៖ ចេះប្រើធនធានដែលខ្លួនមាន ចេះខ្ចី និងចេះកៀងគរទុនពីអ្នកដទៃមកវិនិយោគលើអាជីវកម្ម ឬគំរោងវិនិយោគនានា ដើម្បីទទួលបានផលចំណេញប្រកបដោយស្មារតីទទួលខុសត្រូវ ។ ពិបាកធ្វើ ប៉ុន្តែនាំអោយចំរើនទាំងមិត្តភាព បញ្ញា និងទ្រព្យធន ។
២- ឥរិយាបទហិរញ្ញវត្ថុបែបសុវត្ថិភាព ៖ ចេះសន្សំប្រាក់ ចេះទិញផ្ទះ ឬខុនដូបង់រំលស់ ។ ងាយធ្វើមានសុវត្ថិភាពខ្ពស់ ដោយមិនងាយជួបប្រទះនឹងហានិភ័យដែលនាំអោយខាតបង់ ប៉ុន្តែមិនសូវនាំអោយចំរើនផ្នែកបញ្ញា និងទ្រព្យធននោះទេ ។ មិនក្រខ្លាំង ប៉ុន្តែមិនងាយគ្រប់នោះឡើយ ។
៣- ឥរិយាបទហិរញ្ញវត្ថុនាំអោយអន្តរាយ ៖ ចាយវាយហ៊ឺហា ឬទិញសម្ភារទូទៅបង់រំលស់ (ដូចជា រថយន្តម៉ូតូ ទូរស័ព្ទដៃ) ។ ងាយធ្វើសប្បាយ ឬរំភើបតែពេលចាយ ឬទិញរបស់ថ្មីៗ ។
ជីវិតស្ថិតក្រោមសំពាធនៃទាសភាពផ្នែកហិរញ្ញវត្ថុ ។ ជីវិតនឹងប្រទះតែភាពខ្វះខាត ៕
ចែករំលែកព័តមាននេះ