វ៉ៃបណ្តើរ ចរចាបណ្តើរ
ចូលឆ្នាំថ្មី ឆ្នាំ២០១៥ភ្លាម កាំភ្លើងត្បាល់ កាំភ្លើងយន្តកំពុងផ្លោងដាក់គ្នា លាន់ទ្រហឹង… ភាគីម្ខាងមានមេបញ្ជាការ មេបញ្ជាការរង និងសេនាធិការ ផ្លោងដោយកាំភ្លើងត្បាល់ចេញពីគ្រប់ទិសទី
ចូលឆ្នាំថ្មី ឆ្នាំ២០១៥ភ្លាម កាំភ្លើងត្បាល់ កាំភ្លើងយន្តកំពុងផ្លោងដាក់គ្នា លាន់ទ្រហឹង… ភាគីម្ខាងមានមេបញ្ជាការ មេបញ្ជាការរង និងសេនាធិការ ផ្លោងដោយកាំភ្លើងត្បាល់ចេញពីគ្រប់ទិសទី ចេញពីក្នុងព្រៃក៏មាន ពីតាមចិញ្ចើមផ្លូវក៏មាន… រួមដៃគ្នាវាយលុកយ៉ាងខ្លាំងក្លា… ដូចស្វាហាប់ជាងរាល់ដង… គឺវ៉ៃបណ្តើរ… ចរចាបណ្តើរ… ដណ្តើមសមរភូមិ ។
ចំណែកភាគីម្ខាងទៀត ទំនងទ្រាំលែងបាន… ទំនងបែបក្តៅស្លឹកត្រចៀក… ឆួលចុងច្រមុះហើយមើលទៅ… លេងរ៉ាហ្វាល់ដោយគ្រាប់មីស៊ីល… សុទ្ធតែ១២២ម.ម ដាក់វិញ… តម្រង់ចំមេៗ… និងបណ្តាម្ចាស់កាំភ្លើងធំទាំងឡាយនោះ ដូចត្រូវចំទីតាំងកុំឱ្យពូកែញាត់គ្រាប់បាញ់លឿនពេក… ។
អ្នកវិនិយោគធំតូចទាំងឡាយ… កំពុងសប្បាយអភិវឌ្ឍមុខរបររបស់ខ្លួន… សប្បាយរស់នៅក្នុងសង្គមមួយដែលកំពុងមានសន្តិភាពទាំងផ្លូវកាយ ផ្លូវចិត្ត… សង្គមមួយដែលស្ងប់ស្ងាត់ល្អ… សប្បាយផឹកស៊ីស្រវឹង បាញ់គ្នាលេងក្នុងក្លិបរាត្រី… សប្បាយពេក រហូតដបហោះ កែវហើរក៏មានដែរ តាមបណ្តាក្លិបស្រីស្អាតកំដររាត្រីទាំងឡាយ… សប្បាយរស់នៅប្រកបមុខរបរមិនទាន់ទទួលបានផលស្រួលបួលផង… ស្រាប់តែនាំគ្នាភិតភ័យ ដោយសារសំឡេងកាំភ្លើងធំផ្លោងដាក់គ្នាគួរឱ្យខ្លាចឡើងវិញ ។
មតិខ្លះថា ផ្លោងដាក់គ្នាទៀត ក៏ផ្លោងទៅ… ប៉ុន្តែសុំកុំឱ្យមានអ្នករបួស… កុំឱ្យមានឈាមហូរ… ពិសេសចាំមើលតុលាការកាត់ក្តីរួចសិន… អ្នកណាខ្លះឡើងជ្រញ់… អ្នកណាខ្លះរត់ចោលស្រុក… ដល់ពេលនោះមិនដឹងថា សមរភូមិប្រយុទ្ធនឹងចប់ដែរឬអត់ ?
ល្មមៗបានហើយ…ទេវតា ឆ្នាំ២០១៥ អើយ… ស្នៀតនេះគេហៅថា វ៉ៃលើសមរភូមិបណ្តើរ… ចរចាលើតុបណ្តើរ… វ៉ៃកាន់តែខ្លាំង… មិនសង្ឃឹមថា ទទួលជោគជ័យលើសមរភូមិឡើយ ៕
អាឡេវ
ចែករំលែកព័តមាននេះ