អាមេរិក ៖ សហរដ្ឋអាមេរិកបានបង្កើនការវិនិយោគទ្វេដងដល់ជិត១ពាន់លានដុល្លារ ដើម្បីពន្លឿនការអភិវឌ្ឍន៍វ៉ាក់សាំងការពារជំងឺកូវីដ១៩ ដោយក្រុមហ៊ុនអាមេរិច Moderna កាលពីថ្ងៃចន្ទ ចាប់ផ្តើមដំណាក់កាលចុងក្រោយនៃការសាកល្បងព្យាបាល។ ក្រុមហ៊ុនជីវបច្ចេកវិទ្យាវិទ្យាសាស្ត្រទំនើបមួយនេះ បានប្រកាសកាលពីថ្ងៃអាទិត្យថា…
អាមេរិក ៖ សហរដ្ឋអាមេរិកបានបង្កើនការវិនិយោគទ្វេដងដល់ជិត១ពាន់លានដុល្លារ ដើម្បីពន្លឿនការអភិវឌ្ឍន៍វ៉ាក់សាំងការពារជំងឺកូវីដ១៩ ដោយក្រុមហ៊ុនអាមេរិច Moderna កាលពីថ្ងៃចន្ទ ចាប់ផ្តើមដំណាក់កាលចុងក្រោយនៃការសាកល្បងព្យាបាល។
ក្រុមហ៊ុនជីវបច្ចេកវិទ្យាវិទ្យាសាស្ត្រទំនើបមួយនេះ បានប្រកាសកាលពីថ្ងៃអាទិត្យថា រដ្ឋាភិបាល គ្រោងនឹងចំណាយរហូតដល់ ៤៧២លានដុល្លារ លើសពីអ្វីដែលបានប្រកាសពីមុន ៤៨៣លានដុល្លារ។
ក្រុមហ៊ុន Moderna បាននិយាយថា ការវិនិយោគបន្ថែមត្រូវបានបង្ហាញដោយការសម្រេចចិត្តរបស់ខ្លួនក្នុងការភ្ជាប់ជាមួយរដ្ឋាភិបាល ដើម្បី «ពង្រីក» ការសាកល្បងគ្លីនិកដំណាក់កាលទី៣ នៃវ៉ាក់សាំង ដែលមានអ្នកចូលរួមចំនួន៣ម៉ឺននាក់។
នៅក្នុងការសាកល្បងតូចមួយ វ៉ាក់សាំងពិសោធន៍ដំបូងរបស់ក្រុមហ៊ុននេះ បានផលិតប្រព័ន្ធការពារ ដែលអាចជួយការពារជំងឺក្នុងរាងកាយរបស់អ្នកចូលរួមទាំង ៤៥នាក់។
នៅក្នុងការពង្រីកបន្ថែម ដែលចាប់ផ្តើមពីថ្ងៃច័ន្ទ អ្នកចូលរួមពាក់កណ្តាល ៣០,០០០នាក់នឹងទទួលបានវ៉ាក់សាំង ១០០មីក្រូក្រាម ចំណែកឯអ្នកដែលនៅសល់នឹងត្រូវបានប្រើវិធីប្លាស៊ីបូ (មិនមែនវ៉ាក់សាំង)។
ក្រុមហ៊ុន Moderna ដែលបានធ្វើការជាមួយអាជ្ញាធរសុខាភិបាលសហរដ្ឋអាមេរិក បាននិយាយថា ខ្លួនរំពឹងថានឹងអាចផលិតបាន ៥០០លានដូសក្នុងមួយឆ្នាំ ហើយអាចកើនឡើងដល់ ១ពាន់លានដូស ដែលចាប់ផ្តើមនៅឆ្នាំ ២០២១។
គួរបញ្ជាក់ផងដែរថា សហរដ្ឋអាមេរិកបានទទួលរងនូវការស្លាប់ដោយសារជំងឺកូវីដ១៩ ច្រើនជាង ១៤៦,០០០នាក់ ដែលបាននាំមុខពិភពលោក ហើយអ្វីដែលកាន់តែគួរឱ្យភ័យខ្លាចនោះ គឺចំនួនករណីឆ្លងថ្មីមានការកើនឡើងមិនចេះឈប់៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ