Barcelona ដាក់កីឡាករ១២នាក់ស្ថិតក្នុងបញ្ជីត្រូវលក់ចេញនៅរដូវក្តៅនេះ
ប្រទេសអេស្ប៉ាញ ៖ យោងតាមរបាយការណ៍ពី Marca បានឱ្យដឹងថាក្លិប FC Barcelona ដែលទើបតែបរាជ័យការប្រជែងពានរង្វាន់ La Liga…
ប្រទេសអេស្ប៉ាញ ៖ យោងតាមរបាយការណ៍ពី Marca បានឱ្យដឹងថាក្លិប FC Barcelona ដែលទើបតែបរាជ័យការប្រជែងពានរង្វាន់ La Liga…
ប្រទេសអេស្ប៉ាញ ៖ យោងតាមរបាយការណ៍ពី Marca បានឱ្យដឹងថាក្លិប FC Barcelona ដែលទើបតែបរាជ័យការប្រជែងពានរង្វាន់ La Liga រដូវកាលនេះ បានដាក់កីឡាករចំនួន ១២នាក់ស្ថិតក្នុងបញ្ជីកីឡាករដែលត្រូវលក់ចេញនៅទីផ្សារដោះដូរកីឡាកររដូវក្តៅនេះ ដើម្បីប្រើប្រាស់ប្រាក់សម្រាប់រៀបចំក្រុមឡើងវិញ ក្រោមការដឹកនាំរបស់លោក Quique Setien។
ប្រភពដដែលបានរាយការណ៍ថាកីឡាករទាំង ១២រូបនោះមានដូចជា Neto, Nelson Semedo, Samuel Umtiti, Junior Firpo, Ivan Rakitic, Arturo Vidal, Ousmane Dembele និង Martin Braithwaite រួមទាំងកីឡាករដែលឱ្យក្លិបដទៃខ្ចីជើងដែលមានដូចជា Carles Alena, Rafinha Alcantara, Jean-Clair Todibo និង Philippe Coutinho។ ហេតុផលចំបងដែល Barca ត្រូវលក់កីឡាករទាំងអស់នេះ គឺដើម្បីប្រើប្រាស់ប្រាក់ទាំងនោះ ដើម្បីនាំយកកីឡាករលំដាប់ពិភពលោកដែលមានតម្លៃថ្លៃ។ ហើយជាពិសេសគឺដើម្បីដោះស្រាយបញ្ហាសេដ្ឋកិច្ចរបស់ក្លិប ដែលចាយវាយយ៉ាងច្រើនលើប្រាក់ឈ្មួលសម្រាប់កីឡាករ មិនសូវមានវត្តមានសម្រាប់ក្រុម។
បច្ចុប្បន្នគោលដៅដ៏ធំបំផុតរបស់ Barca គឺការប្រជែងយកខ្សែប្រយុទ្ធអាហ្សង់ទីន Lautaro Martínez របស់ក្លិប Inter Milan ខណៈដែលក្លិបយក្សរបស់អ៊ីតាលីមួយនេះ បានទាមទារជាង ១០០លានអឺរ៉ូប្រសិនបើ Barca ចង់នាំយកខ្សែប្រយុទ្ធវ័យ ២២ឆ្នាំរូបនេះ ទៅកាន់ទឹកដី Camp Nou សម្រាប់រដូវកាលក្រោយ៕
ចែករំលែកព័តមាននេះ