នាយករដ្ឋមន្ត្រីប្រចាំរដ្ឋរបស់ឥណ្ឌា រកឃើញថា មានឆ្លងកូវីដ១៩
ឥណ្ឌា ៖ តាមប្រភពព័ត៌មាន CNN បានឱ្យដឹងថា លោក Shivraj Singh Chouhan នាយករដ្ឋមន្ត្រីនៃរដ្ឋកណ្តាលរបស់ឥណ្ឌា…
ឥណ្ឌា ៖ តាមប្រភពព័ត៌មាន CNN បានឱ្យដឹងថា លោក Shivraj Singh Chouhan នាយករដ្ឋមន្ត្រីនៃរដ្ឋកណ្តាលរបស់ឥណ្ឌា…
ឥណ្ឌា ៖ តាមប្រភពព័ត៌មាន CNN បានឱ្យដឹងថា លោក Shivraj Singh Chouhan នាយករដ្ឋមន្ត្រីនៃរដ្ឋកណ្តាលរបស់ឥណ្ឌា បានធ្វើតេស្តកូវីដវិជ្ជមាន។
នៅក្នុងធ្វីតជាបន្តបន្ទាប់កាលពីថ្ងៃសៅរ៍ បុរសវ័យ៦១ឆ្នាំ រូបនេះ បានសរសេរថា៖ «អ្នកជាទីស្រឡាញ់របស់ខ្ញុំ ខ្ញុំមានរោគសញ្ញាជំងឺកូវីដ១៩ ហើយបន្ទាប់ពីការធ្វើតេស្តរបាយការណ៍របស់ខ្ញុំត្រឡប់មកវិញវិជ្ជមាន។ ខ្ញុំកំពុងធ្វើតាមគោលការណ៍ណែនាំទាំងអស់ ហើយនឹងផ្តាច់ខ្លួនខ្ញុំពីអ្នកដទៃ ផ្អែកលើដំបូន្មានរបស់វេជ្ជបណ្ឌិត»។
លោកនាយករដ្ឋមន្ត្រីប្រចាំរដ្ឋ ក៏បានអំពាវនាវដល់មិត្តរួមការងារ និងបុគ្គលទាំងអស់ ត្រូវប្រយ័ត្នប្រយែង ដើម្បីចៀសវាងការឆ្លង និងបានជម្រុញឱ្យអ្នកដែលមានទំនាក់ទំនងជាមួយលោកធ្វើតេស្ត។
លោកបានបង្ហោះថា៖ «សូមអំពាវនាវដល់ប្រជាជននៃរដ្ឋរបស់ខ្ញុំ ឱ្យមានការប្រុងប្រយ័ត្ន។ បើអ្នកគ្រាន់តែការធ្វេសប្រហែសបន្តិចបន្តួច អ្នកនឹងឆ្លងវា។ ខ្ញុំបានខិតខំគ្រប់បែបយ៉ាង ដើម្បីចៀសវាងពីវា តែនៅតែអាចឆ្លងបាន»។
ការធ្វើរោគវិនិច្ឆ័យរបស់លោកនាយករដ្ឋមន្ត្រីប្រចាំរដ្ឋ កើតឡើងនៅពេលដែលជំងឺឆ្លងរាលដាលបន្តរាលដាលយ៉ាងឆាប់រហ័ស នៅទូទាំងប្រទេសឥណ្ឌា ដែលបានកត់ត្រាករណីឆ្លងវីរុសនេះច្រើនជាង ១.៣លានករណី។ នេះបើយោងតាមសាកលវិទ្យាល័យចនហបគីនស៍៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ