ប្រទេសកូរ៉េខាងជើង ៖ ជនសង្ស័យឆ្លងវីរុស COVID-19 ម្នាក់ ត្រូវបានរកឃើញនៅកូរ៉េខាងជើង ដែលរហូតមកទល់ពេលនេះវីរុសមិនទាន់ចូលទៅបាន បែបនេះនាំឲ្យប្រទេសនោះ ចេញការប្រកាសអាសន្នពេញបន្ទុក ប្រឈមមុខចំពោះការឆ្លងដែលមិនទាន់ចុះថយនៅឡើយលើពិភពលោក។…
ប្រទេសកូរ៉េខាងជើង ៖ ជនសង្ស័យឆ្លងវីរុស COVID-19 ម្នាក់ ត្រូវបានរកឃើញនៅកូរ៉េខាងជើង ដែលរហូតមកទល់ពេលនេះវីរុសមិនទាន់ចូលទៅបាន បែបនេះនាំឲ្យប្រទេសនោះ ចេញការប្រកាសអាសន្នពេញបន្ទុក ប្រឈមមុខចំពោះការឆ្លងដែលមិនទាន់ចុះថយនៅឡើយលើពិភពលោក។
កាលពីថ្ងៃទី២៦ ខែកក្កដា ឆ្នាំ២០២០ នេះ ទីភ្នាក់ងារព័ត៌មានផ្លូវការកូរ៉េខាងជើង KCNA បានរាយការណ៍ថា ជនសង្ស័យឆ្លងវីរុសនោះ ជាជនជាតិកូរ៉េខាងជើងម្នាក់ ដែលចូលមកស្រុកវិញកាលពីថ្ងៃទី១៩ ខែកក្កដា ក្រោយឆ្លងកាត់ដោយខុសច្បាប់តាមខ្សែបន្ទាន់ព្រំដែនជាមួយកូរ៉េខាងត្បូង។
ជនរូបនោះ បច្ចុប្បន្នត្រូវបានដាក់ឲ្យនៅដាច់ពីគេ ហើយបណ្ដាមនុស្សដែលប៉ះពាល់ជាមួយគេ ក្នុងទីក្រុងព្រំដែនកាអឹសុង ក៏ត្រូវបង្ខាំងទាំងស្រុងដែរ។ ពួកគេកំពុងស្ថិតក្រោមការស៊ើបអង្កេតដោយស៊ីជម្រៅមួយ។
មេដឹកនាំកូរ៉េខាងជើងលោកគីមជុងអ៊ុន បានកោះប្រជុំជាបន្ទាន់ការិយាល័យនយោបាយបក្សពលករកូរ៉េ។
ចំណែកប្រទេសកូរ៉េខាងត្បូងវិញ នាថ្ងៃទី២៥ កក្កដា បានកត់សម្គាល់ឃើញ ចំនួនអ្នកឆ្លងវីរុសថ្មីៗក្នុងចំនួនដ៏ខ្ពស់មួយ ពុំធ្លាប់ចាប់តាំងពីជិត៤ខែមកហើយ ជាមួយអ្នកឆ្លងថ្មីដល់ទៅ១១៣នាក់ ក្នុងនោះ៨៦នាក់ជាអ្នកមកពីបរទេស។ រួចប្រទេសវៀតណាមវិញ ប្រកាសនាថ្ងៃទី២៥ កក្កដាថា បានរកឃើញអ្នកឆ្លងវីរុស ក្នុងស្រុកដំបូងម្នាក់ ពុំធ្លាប់មានចាប់តាំងពីជិត១០០ថ្ងៃមកហើយ៕ ដកស្រង់ចេញវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ