រាជធានីភ្នំពេញ បុរសម្នាក់បានជួបរឿងស៊យខ្លាំងណាស់ ខណៈដែលគាត់ជិះម៉ូតូជិតអស់សាំងក៏បានចូលទៅចាក់សាំងម៉ូតូនៅក្នុងស្ថានីយប្រេងឥន្ធនៈតេលាមួយកន្លែង លុះក្រោយពេលចាក់សាំងរួចរាល់ គាត់បានដេរបញ្ឆេះ ដើម្បីបន្តដំណើរទៅមុខទៀត ។ ហេតុការណ៍នេះកើតឡើងកាលពីវេលាម៉ោង២និង៤០នាទីរសៀលថ្ងៃទី២៥ ខែកក្កដា ឆ្នាំ២០២០…
រាជធានីភ្នំពេញ បុរសម្នាក់បានជួបរឿងស៊យខ្លាំងណាស់ ខណៈដែលគាត់ជិះម៉ូតូជិតអស់សាំងក៏បានចូលទៅចាក់សាំងម៉ូតូនៅក្នុងស្ថានីយប្រេងឥន្ធនៈតេលាមួយកន្លែង លុះក្រោយពេលចាក់សាំងរួចរាល់ គាត់បានដេរបញ្ឆេះ ដើម្បីបន្តដំណើរទៅមុខទៀត ។ ហេតុការណ៍នេះកើតឡើងកាលពីវេលាម៉ោង២និង៤០នាទីរសៀលថ្ងៃទី២៥ ខែកក្កដា ឆ្នាំ២០២០ នៅក្នុងស្ថានីប្រេងឥន្ធនៈតេលា ស្ថិតនៅតាមផ្លូវចោមចៅហៅផ្លូវវ៉េងស្រេង ភូមិត្រពាំងថ្លឹងត្រពាំងថ្លឹង រាជធានីភ្នំពេញ ។
ប៉ុន្តែជាអកុសលស្រាប់តែឆ្លងចរន្តបង្កជាអណ្ដាតភ្លើងឆាបឆេះឡើងយ៉ាងសន្ធោរសន្ធៅបង្កឲ្យមានការភ្ញាក់ផ្អើលយ៉ាងខ្លាំង ហើយបុគ្គលិកនៅស្ថានីយប្រេងឥន្ធនៈខាងលើរួមជាមួយអ្នកជិតខាងបាននាំគ្នាយកបំពង់ពន្លត់អគ្គិភ័យទៅបាញ់ពន្លត់ ។
ម៉ូតូដែលត្រូវភ្លើងឆេះនោះម៉ាកហុងដាឌ្រីមសេ១២៥ ពណ៌ខ្មៅ បើកបរដោយបុរសចំណាស់មិនស្គាល់ឈ្មោះម្នាក់ ។
តាមប្រភពព័ត៌មានបានឲ្យដឹងថា នៅមុនពេលកើតហេតុបុរសខាងលើបានជិះម៉ូតូធ្វើដំណើរតាមផ្លូវវ៉េងស្រេង ហើយខណៈនោះម៉ូតូរបស់គាត់ជិតអស់សាំង គាត់ក៏បានបត់ចូលទៅចាក់សាំងនៅក្នុងស្ថានីយ៍ប្រេងឥន្ធនៈតេលាខាងលើ ។ លុះចាក់សាំងហើយរួចរាល់គាត់ក៏បានដេបញ្ឆេះដើម្បីចេញដំណើរបន្តទៅមុខទៀត ប៉ុន្តែជាអកុសលស្រាប់តែឆ្លងចរន្តភ្លើងបង្កជាអណ្ដាតភ្លើង បណ្ដាលឲ្យមានការឆាបឆេះសន្ធោរសន្ធៅតែម្ដង ។
ប្រភពដដែលបានបន្តទៀតថា ខណៈនោះបានបង្កឲ្យមានការភ្ញាក់ផ្អើលយ៉ាងខ្លាំង ភ្លាមៗនោះបុគ្គលិកនៅស្ថានីយប្រេងឥន្ធនៈខាងលើ ព្រមទាំងប្រជាពលរដ្ឋដែលជាអ្នកជិតខាងបាននាំគ្នាយកបំពង់ពន្លត់អគ្គិភ័យទៅបាញ់ពន្លត់ ប៉ុន្តែភ្លើងមិនបានរលត់ភ្លាមៗនោះឡើយ ។ បន្ទាប់មកដោយខ្លាចឆេះរាលដាលដល់កន្លែងស្តុកប្រេងសាំង ទើបនៅពេលភ្លើងថមថយបាននាំគ្នាអូសយកម៉ូតូទាំងភ្លើងកំពុងឆេះចេញពីស្ថានីយ៍ប្រេងឥន្ធនៈទៅដាក់លើចិញ្ចើមផ្លូវ រួចបន្តប្រើបំពង់ពន្លត់អគ្គិភ័យបាញ់រហូតដល់រលត់ទៅវិញទាំងស្រុង ។
ក្រោយមកបុរសចំណាស់ដែលជាម្ចាស់ម៉ូតូបានលើកម៉ូតូរួចអូសចេញពីកន្លែងកើតហេតុទៅបាត់ទាំងការហួសចិត្ត ហើយពុំដឹងថា គាត់មានទីលំនៅនៅឯណានោះឡើយ៕
ចែករំលែកព័តមាននេះ