លោក អ៊ុក រ៉ាប៊ុន ចុះពិនិត្យការជួសជុលកំណាត់ផ្លូវដែលរងការខូចខាតកន្លងមក
- កំពង់ឆ្នាំង
ខេត្តកំពង់ឆ្នាំង ៖ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នៅរសៀលថ្ងៃទី២៤ ខែកក្កដា ឆ្នាំ២០២០ បានដឹកនាំប្រតិភូក្រសួង…
ខេត្តកំពង់ឆ្នាំង ៖ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នៅរសៀលថ្ងៃទី២៤ ខែកក្កដា ឆ្នាំ២០២០ បានដឹកនាំប្រតិភូក្រសួង…
ខេត្តកំពង់ឆ្នាំង ៖ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នៅរសៀលថ្ងៃទី២៤ ខែកក្កដា ឆ្នាំ២០២០ បានដឹកនាំប្រតិភូក្រសួង ចុះពិនិត្យការជួសជុលឡើងវិញលើកំណាត់ផ្លូវក្រាលកៅស៊ូ ១ខ្សែ តភ្ជាប់ពីភូមិសន្ទូច ទៅភូមិទ្រា ស្ថិតក្នុងឃុំស្រែថ្មី ស្រុករលាប្អៀរ ដែលរងការខូចខាតក្នុងរយៈកាលកន្លងមក។ ក្រុមអ្នកឯកទេសផ្លូវថ្នល់ របស់ក្រសួងអភិវឌ្ឍន៍ជនបទ បានមានប្រសាសន៍ថា ផ្លូវមួយខ្សែនេះបានរងការខូចខាត មួយចំនួនតូចនេះ គឺដោយសារបញ្ហានៅតាមបណ្តោយផ្លូវគ្មានលូបង្ហូរទឹក ធ្វើឱ្យស្ទះចរន្តទឹកហូរ រំដោះទឹកតាមបណ្តោយផ្លូវ ។
និងបញ្ហាមួយទៀត គឺការដឹកធ្ងន់លើសចំណុះ ពិសេសបងប្អូនប្រជាពលរដ្ឋ បានប្រើរថយន្តដឹកដីធ្ងន់ៗ យកមកចាក់ធ្វើដីលំនៅដ្ឋាន បន្ទាប់ពីឃើញផ្លូវ១ខ្សែនេះបានកសាងជាផ្លូវកៅស៊ូល្អ ខុសពីមុនផ្លូវមានការលំបាក។ ប្រភពដដែលបានបន្តថា៖ ថ្ងៃនេះផងដែរ ដោយសារទទួលនូវព័ត៌មានស្តីពីការ ខូចខាតផ្លូវខាងលើនេះ ឯកឧត្តមរដ្ឋមន្ត្រី ក៏បានអញ្ជើញចុះមកពិនិត្យមើលការជួសជុលឡើងវិញ លើកំណាត់ ផ្លូវដែលរងការខូចខាតខាងលើនេះឡើងវិញ ក្នុងគោលបំណងថែរក្សាផ្លូវដែលបានស្ថាបនារួចហើយនេះ ឲ្យប្រជាពលរដ្ឋ បានប្រើប្រាស់បានយូអង្វែង។
ក្នុងឱកាសនោះ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ ក៏បានសំណូមពរដល់ប្រជាពលរដ្ឋដែលរស់នៅតាមដងផ្លូវ សូមជួយធ្វើប្រព័ន្ធលូបង្ហូររំដោះទឹក តាមបណ្តោយផ្លូវ ដើម្បីកុំឱ្យទឹកបន្តហូរលើផ្លូវ ដែលធ្វើឲ្យងាយរងការខូចខាត និងសូមបងប្អូនប្រើប្រាស់លើផ្លូវនេះចូលរួមថែរក្សាទាំងអស់គ្នា។ សូមរំឮកថា៖ កំណាត់ផ្លូវមួយខ្សែនេះកាលដើម ជាផ្លូវក្រាលគ្រួសក្រហម ក្រោយមកត្រូវបានកសាងឡើងវិញឱ្យក្លាយជាផ្លូវក្រាលកៅស៊ូ ដែលមានប្រវែង ៣៥០០ម៉ែត្រ ជាថវិការរបស់រាជរដ្ឋាភិបាល ដែលអនុវត្តគម្រោងសាងសង់ដោយក្រសួងអភិវឌ្ឍន៍ជនបទ៕ ដោយ ៖ ពៅ សុខហ៊ាន
ចែករំលែកព័តមាននេះ