សហរដ្ឋអាមេរិក-រុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន និងសមភាគីអាមេរិកលោកដូណាល់ ត្រាំ បានជួបពិភាក្សាគ្នាតាមទូរស័ព្ទកាលពីថ្ងៃទី២៣ ខែកក្កដា។ នេះជាសេចក្ដីរាយការណ៍របស់ផ្នែកសារព័ត៌មាន នៃវិមានក្រឹមឡាំង។…
សហរដ្ឋអាមេរិក-រុស្ស៊ី ៖ ប្រធានាធិបតីរុស្ស៊ីលោកវ្ល៉ាឌីមៀរ ពូទីន និងសមភាគីអាមេរិកលោកដូណាល់ ត្រាំ បានជួបពិភាក្សាគ្នាតាមទូរស័ព្ទកាលពីថ្ងៃទី២៣ ខែកក្កដា។ នេះជាសេចក្ដីរាយការណ៍របស់ផ្នែកសារព័ត៌មាន នៃវិមានក្រឹមឡាំង។ មេដឹកនាំទាំង២បានពិភាក្សាគ្នាលើការត្រួតពិនិត្យគ្រឿងសព្វាវុធ ពីបញ្ហានុយក្លេអ៊ែរអ៊ីរ៉ង់ព្រមទាំងការតស៊ូប្រឆាំងការឆ្លងរាលដាលនៃវីរុសCOVID-19 និងពីភាពចាំបាច់បន្តបើកចំហសេដ្ឋកិច្ចពិភពលោក ក្នុងកាលៈទេសៈបច្ចុប្បន្ន។
តាមផ្នែកសារព័ត៌មានវិមានក្រឹមឡាំងថាការប្រយុទ្ធប្រឆាំងវីរុសCOVID-19 ការត្រួតពិនិត្យគ្រឿងសព្វាវុធនិងបញ្ហាអ៊ីរ៉ង់ ជាចំណុចដែលផ្ដោតខ្លាំង ក្នុងកិច្ចពិភាក្សាគ្នាតាមទូរស័ព្ទនោះរបស់មេដឹកនាំទាំង២។ ការពិភាក្សាគ្នាប្រព្រឹត្តទៅដោយស្ថាបនា។
អ្នកនាំពាក្យសេតវិមានលោកJUDD DEEREលើកឡើងថា លោកដូណាល់ត្រាំសម្ដែងក្ដីសង្ឃឹមថា អាចចៀសវាងការប្រណាំងប្រជែងគ្រឿងសព្វាវុធ ដែលចំណាយប្រាក់ច្រើនបំផុតរវាងចិន រុស្ស៊ី និងសហរដ្ឋអាមេរិក។ ចំពោះបញ្ហានុយក្លេអ៊ែរអ៊ីរ៉ង ប្រធានាធិបតីទាំង២បានសង្កត់ធ្ងន់លើភាពចាំបាច់ នៃការខិតខំប្រឹងប្រែងរួមដើម្បថែរក្សាស្ថេរភាពតំបន់ និងការមិនសាយភាយនុយក្លេអ៊ែរក្នុងកម្រិតអន្តរជាតិ។
ម្យ៉ាងទៀតលោកពូទីននិងលោកត្រាំអះអាង ពីឆន្ទៈពង្រីកទំនាក់ទំនងពាណិជ្ជកម្ម និងសេដ្ឋកិច្ចរវាងប្រទេសទាំង២។ ប្រមុខរដ្ឋទាំង២បានសម្ដែងការអបអរសាទរ ចំពោះកិច្ចសហការរវាងក្រុងមូស្គូនិងក្រុងវ៉ាស៊ិនតោន ក្នុងការតស៊ូប្រឆាំងការឆ្លងរាលដាលនៃ វីរុសCOVID-19។ មេដឹកនាំទាំង២ក៏លើកដែរពីការបើកចំហសេដ្ឋកិច្ចពិភពលោក ខណៈដែលវីរុសកំពុងរាតត្បាតខ្លាំង៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ