អន្តរជាតិ ៖ រងើកភ្លើងសង្គ្រាមការទូតរវាងអាមេរិក និងចិនកំពុងឆាបឆេះ ខណៈដែលចិនគ្រោងនឹងបិទកុងស៊ុល អាមេរិកជាការសងសឹងនឹងចំណាត់ការរបស់អាមេរិកដែលបិទកុងស៊ុលចិន។ ប្រទេសចិន និងសហរដ្ឋអាមេរិក បានបន្តរឹតបន្តឹងសកម្មភាពរបស់ពួកគេប្រឆាំងនឹងគ្នានៅថ្ងៃព្រហស្បតិ៍នេះដោយទីក្រុងប៉េកាំងត្រៀមនឹងបិទស្ថានកុងស៊ុលអាមេរិកនៅក្នុងការសងសឹកចំពោះការបង្ខំឱ្យបិទទីតាំងការទូតចិននៅហ៊ូស្តុន។
ប្រភពព័ត៌មានអំពីបញ្ហានេះ បាននិយាយថា ស្ថានកុងស៊ុលអាមេរិកនៅភាគនិរតីទីក្រុងចេងឌូនឹងក្លាយជាគោលដៅសម្រាប់ការសងសឹក របស់ប្រទេសចិន។ ក្រុមមន្ត្រីមកពីភាគីទាំងពីរបានវាយបកគ្នាទៅវិញទៅមកទាក់ទងនឹងបទបញ្ជា បិទកុងស៊ុលចិននៅហ៊ូស្តុន។ លោក Mike Pompeo រដ្ឋមន្ត្រីក្រសួងការបរទេសសហរដ្ឋ អាមេរិក គ្រោងថ្លែងសុន្ទរកថាស្តីពីប្រទេសចិន។
លោក David Stilwell មន្ត្រីកិច្ចការជាន់ខ្ពស់អាស៊ីបូព៌ា នៃក្រសួងការបរទេសសហរដ្ឋអាមេរិកបានពណ៌នាស្ថានកុងស៊ុលហ៊ូស្តុនថា ជាមជ្ឈមណ្ឌលនៃកិច្ចខិតខំប្រឹងប្រែង របស់យោធាចិនក្នុងការបញ្ជូននិស្សិតទៅសហរដ្ឋអាមេរិកដើម្បីទទួលបានព័ត៌មានដែលអាចជំរុញសមត្ថភាពសង្គ្រាមរបស់ខ្លួន៕ ដោយ ៖ សហការី
ចែករំលែកព័តមាននេះ