អ៊ីតាលី ៖ អ្នកជួញដូរគ្រឿងញៀន តែងតែស្វែងរកមធ្យោបាយដែលមានភាពប៉ិនប្រសប់ ដើម្បីឱ្យគ្រឿងញៀនរបស់ពួកគេអាចឆ្លងកាត់ពីកន្លែងមួយទៅកន្លែងមួយទៀត ហើយពេលខ្លះពួកគេពិតជាមានការច្នៃប្រឌិតយ៉ាងខ្លាំង ដែលយើងនឹកស្មានមិនដល់ឡើយ។ តាមប្រភពព័ត៌មាន Oddity Central…
អ៊ីតាលី ៖ អ្នកជួញដូរគ្រឿងញៀន តែងតែស្វែងរកមធ្យោបាយដែលមានភាពប៉ិនប្រសប់ ដើម្បីឱ្យគ្រឿងញៀនរបស់ពួកគេអាចឆ្លងកាត់ពីកន្លែងមួយទៅកន្លែងមួយទៀត ហើយពេលខ្លះពួកគេពិតជាមានការច្នៃប្រឌិតយ៉ាងខ្លាំង ដែលយើងនឹកស្មានមិនដល់ឡើយ។
តាមប្រភពព័ត៌មាន Oddity Central បានឱ្យដឹងថា ការយកចិត្តទុកដាក់របស់មន្ត្រីប៉ូលិសគយអ៊ីតាលី នៅអាកាសយានដ្ឋាន Malpensa ថ្មីៗនេះ បានចាប់ជាប់នូវបុរសម្នាក់ឈ្មោះ Santino D’Antonio។
នៅខាងក្នុងការវេចខ្ចប់ មានគ្រាប់កាហ្វេ២គីឡូក្រាម ដែលជាការនាំចេញសំខាន់មួយរបស់ប្រទេសអាមេរិកខាងត្បូង។ មិនមានអ្វីគួរឱ្យសង្ស័យទេ ចំពោះគ្រាប់កាហ្វេទាំងនេះ បើយើងមើលតែមួយភ្លែត តែសម្រាប់មន្ត្រីគយខាងលើ កើតការសង្ស័យ ហើយយកគ្រាប់កាហ្វេនោះទៅពិនិត្យ រួចក៏ឃើញថា មានលាក់ម្សៅគ្រឿងញៀន។
ក្នុងចំណោមគ្រាប់កាហ្វេប្រហែល ៥០០គ្រាប់នៅក្នុងកញ្ចប់ មាន១៣០គ្រាប់ ដែលមានលាក់ម្សៅកូកាអ៊ីន។ បន្ទាប់ពីរកឃើញហើយ មន្ត្រីគយក៏ដេញតាមចាប់ឈ្មោះ Santino D’Antonio ដែលមានសរសេរនៅលើកញ្ចប់កាហ្វេនេះ។ ប៉ូលិសបានដេញតាមទៅរកអាសយដ្ឋានដែលមាននៅលើកញ្ចប់កាហ្វេ ហើយក៏ដឹងថា វាជាហាងកាហ្វេ និងថ្នាំជក់មួយនៅខេត្ត Florence។ ក្រោយមកប៉ូលិសក៏ឃើញ បុរសឈ្មោះ Santino D’Antonio ដើរមកយកកាហ្វេមួយកញ្ចប់នេះមែន។
ប៉ូលិសក៏បានចាប់ខ្លួនបុរសខាងលើ ហើយរក្សាទុកកញ្ចប់កាហ្វេនេះ ជាភស្តុតាងនៅពេលឡើងតុលាការ។ Santino D’Antonio ជាប់ចោទពីបទជួញដូរគ្រឿងញៀន៕ ដកស្រង់ចេញពីសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ