ប្រទេសអូស្ត្រាលី ៖ មនុស្សជាច្រើនទទួលស្គាល់ថា ការពិសារស្រា គឺផ្តល់គុណវិបត្តិច្រើនជាងគុណសម្បតិ្ត ប៉ុន្តែគេសង្កេតឃើញថា អ្នកពិសាស្រា នៅតែមានចំនួនច្រើនទូទាំងពិភពលោក ។ ចំណែកឯប្រទេសកម្ពុជារបស់យើង…
ប្រទេសអូស្ត្រាលី ៖ មនុស្សជាច្រើនទទួលស្គាល់ថា ការពិសារស្រា គឺផ្តល់គុណវិបត្តិច្រើនជាងគុណសម្បតិ្ត ប៉ុន្តែគេសង្កេតឃើញថា អ្នកពិសាស្រា នៅតែមានចំនួនច្រើនទូទាំងពិភពលោក ។ ចំណែកឯប្រទេសកម្ពុជារបស់យើង ក៏មានការនិយមផឹកស្រាតាំងពីបុរាណកាលមក ប៉ុន្តែអ្វីដែលគួរឲ្យកត់សម្គាល់នោះ គឺកូនខ្មែរមួយចំនួន ដែលកំពុងពិសាស្រាបច្នុប្បន្ននេះ ហាក់ដូចជា មិនបានដឹងអំពីចរិតខ្មែរពិតប្រាកដ ពេលស្រវឹងនោះទេ ។ នេះជាការបកស្រាយក្នុងវីដេអូ របស់ប្អូនស្រី ឡៅ ដានេសហស្ថាបនិកក្រោមតង់ ក្នុងខេត្តសៀមរាប ។
ប្អូនស្រី ឡៅ ដានេ បានបន្តថា គាត់សូមចែករំលែកចំណេះដឹងទូទៅក្រោមប្រធានបទ «ចរិកខ្មែរពិតពេលស្រវឹង» ។ ប្អូនស្រី ឡៅ ដានេ បាននិយាយថា «នៅក្នុងសៀវភៅ «មត៌កវប្បធម៌មន-ខ្មែរ» របស់លោកបណ្ឌិត មីសែល ត្រាណេ ត្រង់ទំព័រ១៤៨ បានរៀបរាប់ពីចរិកបងប្អូនជនជាតិភាគតិច ឬខ្មែរដើមនៅពេលដែលពួកគេស្រវឹង ។
លោកបណ្ឌិតមីសែល ត្រាណេ បានបង្ហាញថា ទោះបីជាស្រវឹងយ៉ាងណាក៏ដោយ ក៏ខ្មែរដើមមិនឈ្លោះទាស់ទែងគ្នាដែរ។ លោកបន្ថែមថា ស្រវឹងកាន់តែខ្លាំងជជែកគ្នាកាន់តែឮតិច នេះជាទម្លាប់មួយ ដែលមានតាំងពីដូនតាមក»។
ប្អូនស្រី ឡៅ ដានេ បានបន្តថា «យើងក្រឡេកមើលមកបច្នុប្បន្នវិញ យើងសង្កេតឃើញថាបញ្ហាជាច្រើនកំពុងតែកើតឡើងក្នុងសង្គមរបស់យើង ។ បើទោះបីជាអ្នកផឹកខ្លះ មិនជាអ្នកនិយាយច្រើនប៉ុន្តែសុរាបានចូលទៅបំផ្លាញសុខភាពរបស់គាត់បន្តិចម្តងៗជារៀងរាល់ថ្ងៃ ។ នៅមានបញ្ហាជាច្រើនទៀតដែលអ្នកមើលឃើញជាក់ស្តែងដោយខ្លួនឯង ដូចជាគ្រោះថ្នាក់ចរាចរណ៍ ដែលមិនត្រឹមតែបង្កគ្រោះថ្នាក់ដល់ខ្លួនឯងនោះទេ វាថែមទាំងធ្វើឲ្យប៉ះពាល់ដល់អាយុជីវិតរបស់អ្នកដទៃទៀតផង» ។
អណាព្យាបាលគ្រប់រូបតែងចង់ឲ្យកូនចៅជំនាន់ក្រោយ ជៀសផុតពីអបាយមុខទាំងឡាយ ប៉ុន្តែអាណាព្យាបាលមួយចំនួននៅមិនទាន់ផ្តល់គំរូល្អដល់កូនចៅជំនាន់ក្រោយនៅឡើយទេ។
សូមក្រឡេកមើលចំណុចតូចៗ ដែលគួរយកចិត្តទុកដាក់ តើនៅពេលមានពិធីជប់លៀងម្តងៗ តើអ្នកដាក់កំប៉ុង ឬដបស្រានៅលើតុបាយទេ? បើអ្នកដាក់ អ្នកត្រូវដឹងថា អ្នកបានក្លាយជាគ្រូ ដែលកំពុងបង្រៀនកូនប្រុសស្រីរបស់អ្នកឲ្យក្លាយជាអ្នកផឹក បើទោះជាអ្នកបានហាមប្រាណពួកគេមិនឲ្យប៉ះប្អូនស្រី ឡៅ ដានេ បានបន្ថែមថា ហេតុផលដែលគាត់បានបង្កើតវីដេអូ អប់រំទាំងនេះ ក៏ព្រោះគាត់ចង់ចូលរួមជាការចែករំលែកចំណេះដឹងទូទៅ បង្ហាញអំពីចរិតថ្លៃថ្លូររបស់ខ្មែរនៅពេលស្រវឹង ផ្តល់ជាគតិដល់ឪពុកម្តាយដែលប្រើប្រាស់គ្រឿងស្រវឹង ឲ្យមានការប្រុងប្រយ័ត្នខ្ពស់ចំពោះឥរិយាបថនៃការប្រើប្រាស់គ្រឿងស្រវឹង។
គួរបញ្ជាក់ផងដែរថា ប្អូនស្រី ឡៅ ដានេ ជាអតីតនិស្សិតនៃសាលកវិទ្យាល័យបញ្ញាសាស្ត្រ និង Bridgewater State University, USA។ ហើយបច្នុប្បន្នបន្តថ្នាក់អនុបណ្ឌិតផ្នែកផ្សព្វផ្សាយ និងទំនាក់ទំនងនៅ Swinburne University of Technology, Australia ៕
ចែករំលែកព័តមាននេះ