រាជធានីភ្នំពេញ ៖ អ្នកនាង ម៉េង កែវពេជ្ជតា និងតារាចម្រៀងផ្សេងទៀត បានបង្ហាញក្តីរំភើបយ៉ាងខ្លាំង បន្ទាប់ទទួលបានការគាំទ្រ និងស្វាគមន៍យ៉ាងកក់ក្តៅពីបងប្អូនខ្មែរនៅកម្ពុជាក្រោម ក្រោយសម្តែងក្រោយបញ្ចប់ការច្រៀងនៅទីនោះ…
រាជធានីភ្នំពេញ ៖ អ្នកនាង ម៉េង កែវពេជ្ជតា និងតារាចម្រៀងផ្សេងទៀត បានបង្ហាញក្តីរំភើបយ៉ាងខ្លាំង បន្ទាប់ទទួលបានការគាំទ្រ និងស្វាគមន៍យ៉ាងកក់ក្តៅពីបងប្អូនខ្មែរនៅកម្ពុជាក្រោម ក្រោយសម្តែងក្រោយបញ្ចប់ការច្រៀងនៅទីនោះ ។
តារាចម្រៀងខែ្មរជាច្រើនដួង បានធ្វើដំណើរទៅកាន់ខេត្តព្រះត្រពាំង កម្ពុជាក្រោម ដើម្បីចូលរួមពិធីបុណ្យសម្ពោធសាលាធម្មសភា ២ជាន់ រោងទាន ខ្លោងទ្វារ និងខួបអនុស្សាវរីយ៍១២០ ឆ្នាំកាកសាងវត្ត ដែលបានរៀបចំធ្វើឡើងនៅថ្ងៃទី២៦ .២៧.២៨ ខែមិថុនា ឆ្នាំ២០២៥ ។
តាមរយៈកម្មវិធីខាងលើ តារាចម្រៀងទាំងអស់បានឡើងបកស្រាយចម្រៀងរបស់ខ្លួនជាបន្តបន្ទាប់ តបតាមការសំណូមពរ ក្រោមការទស្សនាពីអ្នកចូលរួមដោយផ្ទាល់ជាច្រើននាក់ ។
ក្រុមតារាចម្រៀងខ្មែរទាំងអស់ មានជាអាទិ៍ លោក ណយ វ៉ាន់ណេត លោក ហួ ឡាវី អ្នកនាង ម៉េង កែវពេជ្ជតា នាង ទិត្យ សុធារី នាង បាន មុន្នីល័ក្ខ លោក ឈឿន ឧត្តម និងកំពូលតារាចម្រៀងខ្មែរជាច្រើនរូបទៀត ។
អ្នកគាំទ្រមួយរូបបានលើកឡើងចំៗចំពោះតារាចម្រៀងជើងចាស់ គឺហួរឡាវី ថា ទោះបីមានជន្មាយុចាស់មែន តែប្រជាប្រិយភាព និងការគាំទ្ររបស់បងប្អូនខ្មែរក្រោមចំពោះលោក នៅតែមានច្រើនណាស់ គ្រប់សម័យកាលរាប់សិបឆ្នាំ នៅតែរក្សាដដែល ទាំងចាស់ទាំងក្មេង ជាពិសេសយុវវ័យគាំទ្រលោកច្រើនណាស់ ។
ចំណែកអ្នកនាង ម៉េង កែវពេជ្ជតា ក៏បានសម្តែងក្តីរំភើបហូរទឹកភ្នែក បន្ទាប់ពីឃើញការគាំទ្រយ៉ាងខ្លាំងពីសំណាក់បងប្អូនខ្មែរនៅកម្ពុជាក្រោម ។
អ្នកនាង ម៉េង កែវពេជ្ជតា បានលើកឡើងថា បងប្អូនធ្វើឲ្យខ្ញុំយំហហើយ យំព្រោះរំភើបចិត្ត ដែលបងប្អូនផ្ដល់ក្ដីស្រលាញ់ និងគាំទ្រលើសពីអ្វីដែលខ្ញុំធ្លាប់លឺ ។
អ្នកនាងបញ្ជាក់ថា ខ្ញុំនឹកអ្នកទាំងអស់គ្នាណាស់ ហើយខ្ញុំរង់ចាំពេលនេះយូរហើយ ខ្ញុំពិតជាចង់អោយបងប្អូនទាំងអស់គ្នាមានស្នាមញញឹម នាងខ្ញុំពិតជារំភើបច្រៀងមិនចង់ចេញ ។ អរគុណ! មីងពេជ្ជតា ស្រលាញ់ក្មួយ ស្រលាញ់បងប្អូនទាំងអស់គ្នាអស់ពីបេះដូង សូមអរគុណ ៕
ចែករំលែកព័តមាននេះ