រាជធានីភ្នំពេញ ៖ តារាចម្រៀង នាង ឈិន ម៉ានិច្ច បានសម្តែងការរង្គាសចិត្តយ៉ាងខ្លាំងចំពោះមនុស្សមួយចំនួន ដែលរង់ចាំតែមើលបំណាំរឿងលើទ្រព្យសម្បត្តិផ្ទាល់ខ្លួនរបស់នាង ក្នុងពេលដែលបញ្ហានេះ រូបនាងតែងតែបានជួបជារឿយៗក្នុងរយៈពេលប៉ុន្មានឆ្នាំចុងក្រោយនេះ…
រាជធានីភ្នំពេញ ៖ តារាចម្រៀង នាង ឈិន ម៉ានិច្ច បានសម្តែងការរង្គាសចិត្តយ៉ាងខ្លាំងចំពោះមនុស្សមួយចំនួន ដែលរង់ចាំតែមើលបំណាំរឿងលើទ្រព្យសម្បត្តិផ្ទាល់ខ្លួនរបស់នាង ក្នុងពេលដែលបញ្ហានេះ រូបនាងតែងតែបានជួបជារឿយៗក្នុងរយៈពេលប៉ុន្មានឆ្នាំចុងក្រោយនេះ ។
ចំពោះរឿងនេះ ឈិន ម៉ានិច្ច បានគូសបញ្ជាក់ថា អ្វីៗដែលនាងមានសព្វថ្ងៃ គឺជាការខិតខំប្រឹងប្រែងរបស់នាងផ្ទាល់អស់ជាច្រើនឆ្នាំនៅក្នុងអាជីពសិល្បៈ ដោយនាងមិនមែនជាមនុស្សដេកចាំសំណាងធ្លាក់ពីលើមេឃនោះដែរ ។ បញ្ហានេះ ត្រូវបានតារាចម្រៀងនាង ឈិន ម៉ានិច្ច លើកឡើងតាមបណ្តាញសង្គមថា ពេលខ្ញុំជិះ Lx570គេសួរ រកស៊ីអីមានឡានទំនើបជិះលឿនម្ល៉េះ? ខ្ញុំតប ការងារខ្ញុំគឺអ្នកចំរៀងបង ច្រៀង១០ឆ្នាំឡូវហើយបង🤣🎤 ។ 👉នាងបន្តថា ពេលខ្ញុំជិះឡានEV គេសួរ ឡាន570ទៅណាហើយលក់ហើយមែន បានមកជិះអានេះវិញ? ខ្ញុំតប ខ្ញុំមានឡាន២បង ខ្ញុំចង់ជិះមួយណាក៏បានបងមានបញ្ហាអីមែនបង?។
នាងបញ្ជាក់ថា ខ្ញុំអត់យល់សោះរឿងគេទ្រពគេ គេខំគ្មានពេលគេងពេញភ្នែកផងមួយថ្ងៃៗ ហើយមិចប្រុងអោយខ្ញុំដើរទៅធ្វើការមែន? សួរចុះតែសួរអោយមានការគិតផង ដើមកំណើតខ្ញុំអ្នកក្រពូជពង្សខ្ញុំថ្លៃថ្នូរណាស់ ហើយខ្ញុំខំណាស់មែនគេងចាំសំណាងធ្លាក់ពីលើមេឃទេ ។ ទោះជាយ៉ាងណាបើតាម ឈិន ម៉ានិច្ច ចំពោះរឿងនេះនាងក៏មិនប្រកាន់ច្រើនដែរ ដោយសារតែនាងគិតថា អ្នកដែលសួរនោះប្រហែលជាគាត់មិនបានដឹងច្បាស់ ហើយដោយសារតែពាក្យមើលងាយនេះដែលធ្វើឲ្យនាងខិតខំតស៊ូរហូតមានថ្ងៃនេះ ។
ជាការកត់សម្គាល់ តារាចម្រៀង និងជាម្ចាស់ពាន Cambodia Idol រដូវកាលទី២ ឈិន ម៉ានិច្ច មួយ
រយៈចុងក្រោយនេះ នាងបានបង្ហាញនូវភាពហ៊ឺហាររបស់ខ្លួនតាមរយៈការឡើងផ្ទះថ្មី និងការដូរ
ស៊េរីឡានទំនើបថ្មីៗ ដែលមានតម្លៃថ្លៃ ក្រោយពេលដែលនាងឡើងកូដ និងមានទីផ្សារការងារសិល្បៈជាបន្តបន្ទាប់ ។
គេនៅចាំបានថា កាលពីអំឡុងឆ្នាំ២០២២ តារាចម្រៀងស្រីរូបនេះបានប្តូរមកជិះរថយន្តម៉ាកJeep ស៊េរីថ្មី ទំនើបទាន់សម័យ ដែលមានតម្លៃរាប់ម៉ឺនដុល្លារ ដែលរថយន្តប្រភេទនេះកំពុងពេញនិយមយ៉ាងខ្លាំងសម្រាប់គ្រួសារអ្នកអភិជន។
ជាងនេះទៅទៀត បច្ចុប្បន្ន ឈិន ម៉ានិច្ច ក៏ត្រូវបានគេដឹងថា នាងកំពុងប្រើប្រាស់រថយន្ត Lexus 570 ដែលមានតម្លៃរាប់ស៊ិបម៉ឺនដុល្លារ ជិះយ៉ាងហ៊ឺហារនៅពេលដែលនាងដើរលេងកំសាន្ត និងចូលរួមកម្មវិធីផ្សេងៗ ។
ទោះជាយ៉ាងណា ជុំវិញការបង្ហាញភាពហ៊ឺហារលើសម្ភារទាំងអស់នេះ ត្រូវបាន ឈិន ម៉ានិច្ច ធ្លាប់បានលើកឡើងថា អ្វីដែលនាងមានសព្វថ្ងៃនេះ គឺកើតចេញពីការប្រឹងប្រែងរបស់នាងអស់ជាច្រើនឆ្នាំ ដោយមិនពឹងផ្អែកលើក្រុមគ្រួសារ ឬពីផ្នែកណាមួយឡើយ ហើយនេះវាក៏ជាការបំពេញបំណងប្រាថ្នាផ្ទាល់ខ្លួននាងផងដែរ ៕
ចែករំលែកព័តមាននេះ