ជួយលោកយាយអាយុ១១៥ឆ្នាំផង បុរសណាថ្លើមពាសមេឃរំលោ.ភយកដីគាត់ភ្នែកស្រស់?
- សៀមរាប
ខេត្តសៀមរាប ៖ ផ្ទះទេវតាដែលបានផ្តល់អំណោយដោយសម្តេចកិត្តិបណ្ឌិត ប៉ុន រ៉ានី ហ៊ុន សែន តាមរយៈលោក លី ស៊ុយ…
ខេត្តសៀមរាប ៖ ផ្ទះទេវតាដែលបានផ្តល់អំណោយដោយសម្តេចកិត្តិបណ្ឌិត ប៉ុន រ៉ានី ហ៊ុន សែន តាមរយៈលោក លី ស៊ុយ…
ខេត្តសៀមរាប ៖ ផ្ទះទេវតាដែលបានផ្តល់អំណោយដោយសម្តេចកិត្តិបណ្ឌិត ប៉ុន រ៉ានី ហ៊ុន សែន តាមរយៈលោក លី ស៊ុយ និងលោកស្រី ហូ ឡាំខេង បានធ្វើទុកជូនលោកយាយអាយុ ១១៥ឆ្នាំ និងកូនជាស្ត្រីមេម៉ាយអាយុជាង៦០ម្នាក់ផងនោះ បានអង្គុយអោបរូបថតអត្តសញ្ញាណផ្ទះទេវតា ដង្ហោយសុំអាជ្ញាធរគ្រប់ជាន់ថ្នាក់ជួយអន្តរាគមន៍ ខណ:នៅសុខៗមានបុគ្គលម្នាក់ទៅសង់ផ្ទះលើដីរបស់គាត់ ហើយគ្មាននរណាម្នាក់មកជួយរកខុសត្រូវឱ្យគាត់ឡើយ។
បើតាមសម្តីរបស់ស្ត្រីម្នាក់វ័យជាង៦០ឆ្នាំ ឈ្មោះ លួន ថន ដែលត្រូវជាកូនស្រីបង្កើតរបស់លោកយាយអាយុ១១៥ ឈ្មោះ មឿន អាន បានរៀបរាប់ប្រាប់ថា ដីដែលត្រូវគេរំលោភបំពានទាំងកម្រោលនោះ មានទំហំ២៤ម៉ែត្រគុណនិង៤០០ម៉ែត្រ ស្ថិតនៅភូមិរំចេក ឃុំស្វាយលើ ស្រុកស្វាយលើ ខេត្តសៀមរាប ជាប្រភេទដីស្រែ។ ហើយដីនោះត្រូវបានឈ្មោះ ដួង នី ភេទប្រុស ជាអ្នកនៅក្បែរគ្នាចូលមករំលោភបំពានដោយសង់ផ្ទះនិងបោះ បង្គោលរបង កាលពី២ឆ្នាំមុនក្នុងអំឡុង (ឆ្នាំ២០១៨)។ ក្នុងពេលភ្លាមៗ រូបគាត់បានទៅសុំអន្តរាគមន៍ ពីថ្នាក់ឃុំនិងស្រុកដែរ តែមន្ត្រីទាំងនោះបានឆ្លើយថា ដីរបស់លោកយាយមានការក្តីក្តាំគ្នាដល់តុលាការហើយ អញ្ចឹងថ្នាក់ឃុំនិងស្រុកមិនអាចដោះស្រាយបានទេ។
ស្ត្រីឈ្មោះ លួនថន ជាកូនស្រីបង្កើតរបស់លោកយាយបានបន្តថា តាមពិត ដីរបស់គាត់ ពីមុនមានទំនាស់ជាមួយអ្នកនៅខេត្តផ្សេង ហើយត្រូវបានតុលាការសម្រេចឱ្យគ្រួសារគាត់ឈ្នះក្តី ព្រមទាំងប្រគល់ដីឱ្យពួកគាត់គ្រប់គ្រងអាស្រ័យផល តាំងពីឆ្នាំ២០១៦មកម្លេះ។ តែពេលនេះអ្នកក្បែរខាងមករំលោភដោយសង់ផ្ទះនៅលើដីចុងឆ្នាំ២០១៨ ថ្មីៗនេះឯង។ ក្រៅពីមិនដោះស្រាយ កាលថ្ងៃទី២៩ ខែមិថុនា ឆ្នាំ២០២០ មន្ត្រីស្រុកឈ្មោះ សាត ពៅ បានទៅវាស់ដីគាត់ ហើយតម្រូវឱ្យផ្តិតមេដៃប្រគល់ដីនោះឱ្យទៅគេដែរ តែរូបគាត់មិនយល់ព្រម ។ លុះថ្ងៃ ទី១ខែកក្កដានេះ មន្ត្រីឈ្មោះ សាត ពៅ បានទៅប្រគល់ដីរបស់គាត់២៤ម៉ែត្រ គុណ៤០០ម៉ែត្រឱ្យទៅឈ្មោះ ដួង នី ដែលជាអ្នកជិតខាងសង់ផ្ទះលើដីរបស់គាត់ថែមទៀតតែម្តង។
ស្ត្រីឈ្មោះ លួន ថន បានរៀបរាប់ប្រាប់បន្តថា ដោយឃើញមន្ត្រីប្រើអំណាច ដោយយកដី របស់គាត់ទៅប្រគល់ឱ្យគេនោះ ទើបរូបគាត់បានទៅដាក់ពាក្យប្តឹងនៅគណ:កម្មការសម្របសម្រួលឃុំស្វាយលើ នាថ្ងៃទី៣ខែកក្កដាឆ្នាំ ២០២០ នេះ។
ចំណែកលោកយាយ មឿង អាន អាយុ១១៥ឆ្នាំ រួមទាំងកូនស្រីមេម៉ាយវ័យជាង៦០ឆ្នាំ បានអង្គុយអោបរូបថតអត្តសញ្ញាណតំណាងផ្ទះទេវតា ដែលផ្តល់ឱ្យដោយសម្តេចកិត្តិបណ្ឌិត ប៉ុន រ៉ានី ហ៊ុនសែន បានរៀបរាប់ប្រាប់ថា ដីកេររបស់លោកយាយនេះតាំងពីដូនតាមកម្ល៉េះ ហើយចាប់ផ្តើមមានទំនាស់នៅមុនឆ្នាំ២០១០ តាំងពីរូបគាត់អាយុ១០៤ឆ្នាំនោះ។
គួរបញ្ជាក់ថា លុះព័ត៍មានបានផ្សព្វផ្សាយជាបន្តបន្ទាប់ នៅដើមឆ្នាំ២០១២ សម្តេចកិតិ្តព្រឹទ្ធិបណ្ឌិតប៊ុន រ៉ានី ហ៊ុន សែន បានឱ្យអតីតលោក សូ ភិរិន្ទ អភិបាលខេត្ត ចុះមកដោះ ស្រាយបញ្ចប់ ហើយប្រទានផ្ទះទេវតាមួយខ្នងដល់គ្រួសារគាត់ទៀត។ ក្នុងពេលប្រគល់ផ្ទះទេវតា ក៏មានវត្តមានលោកជំទាវ ហ៊ុន ម៉ាណា បានចុះមកប្រគល់ផ្ទាល់ ដោយមានថតរូប និងផ្ទះទុកជាអនុស្សាវរីយ៍ រហូតមកទល់ពេលនេះ។
នៅឆ្នាំ២០១៦ តុលាការខេត្តសៀមរាប បានមកប្រកាសឱ្យគ្រួសារគាត់ឈ្នះក្តី ហើយប្រគល់ដីនេះឱ្យ លោកយាយនិង កូនស្រី ជាអ្នកកាន់កាប់អាស្រ័យផលរហូតមកដល់បច្ចុប្បន្ន។ តែពេលនេះ នៅសុខៗស្រាប់តែឈ្មោះ ដួង នី មកធ្វើផ្ទះលើដីរបស់គាត់ មិនតែប៉ុណ្ណោះ មាន មន្ត្រី ស្រុកស្វាយលើម្នាក់ ឈ្មោះ សាត ពៅ មកប្រគល់ដីនោះឱ្យគេ ទាំងគ្រួសារគាត់មិនបានព្រមព្រៀង រួចគំរាមកំហែងឱ្យពួកគាត់ដើរប្តឹងទៀតផង។ មិនដឹងថា មន្ត្រីខាងលើនេះ ទទួលបានផលអ្វីនោះទេ ព្រោះគេឃើញគ្រួសារគាត់ សុទ្ធតែស្រីៗហើយ វ័យចំណាស់ ថែមទៀតផង។ ព័ត៌មានពិស្តារនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ