តើលោកអ្នកធ្លាប់ព្រិលឬស្រវាំងភ្នែកដោយភ្លើងបំភ្លឺផ្លួវរបស់រថយន្តណាមួយដែលបើកបរបញ្ច្រាសទិសដៅគ្នាដែរឬទេ ? ប្រសិនបើភ្នែកទាំងគូររបស់អ្នកមើលឃើញត្រឹមតែជាសមោលដូចជាស្លឹកឈើនៅលើដងផ្លូវឬក៏អ្នកបើករថយន្តមកពីខាងមុខកំពុងបើកភ្លើងហ្វាជាប់ឬចុចស៊ីផ្លេដាក់ភាគច្រើនគឺទំនងជាភ្លើងមុខរបស់រថយន្តអ្នកត្រូវបានរៀបដំឡើងខុសលក្ខណៈបច្ចេកទេសដោយប្រការណាមួយ ។ ដូចចនេះជាដំណោះស្រាយសូមលើកយកនូវបច្ចេកទេសសារេភ្លើងមុខផ្លូវរថយន្តឱ្យបានត្រឹមត្រូវដូចតទៅ៖
១-ចតរថយន្តលើផ្ទៃដីរាបស្មើ ។ ចាប់ផ្តើមយករបស់របរឬប្រដាប់ប្រដាផ្សេងៗដែលមានទម្ងន់លើសកំណត់ចេញពីគូទរថយន្តហើយថែមទាំងច្បាស់ក្នុងចិត្តថាសម្ពាធខ្យល់ក្នុងកង់នីមួយៗមានកម្រិតត្រឹមត្រូវតាមសេចក្តីណែនាំពីរោងចក្រផលិត ។ ប្រសិនជាអាចរកដៃគូម្នាក់ទៀតឱ្យអង្គុយនៅត្រង់កៅអីអ្នកបើកបរហើយក៏កុំភ្លេចចាក់សាំងយ៉ាងហោចកន្លះធុងប្រេងរបស់រថយន្តដែរបង្ការក្រែងអស់ក្នុងពេលប្រតិបត្តិការ ។ លើសពីនេះចូរពិនិត្យឱ្យឃើញថាកង់រថយន្តមានការសារេឬយកចង្កូតបានត្រង់ត្រឹមត្រូវហើយ ។
២-កំណត់ទីតាំងឬគម្លាតរបស់រថយន្តទៅនឹងជញ្ជាំងដែលងងឹតស្លុបឱ្យបាន៤,៦ម៉ែត្រ គិតចាប់ពីក្បាលរថយន្ត ។ ការងារនេះគឺដើម្បីវាស់ស្ទង់ពីកម្រិតនៃការបញ្ចាំងភ្លើងទៅមុខទាំងកូតនិងហ្វាបានយ៉ាងងាយ ។
៣-បើកភ្លើងមុខរបស់រថយន្ត ។ ប៉ុន្តែកុំប្រើភ្លើងហ្វាឬភ្លើងដឺមីឱ្យសោះ ។ កត់់សម្គាល់នូវខ្សែដេកឬបញ្ឈរនៃការចាំងពន្លឺរបស់ភ្លើងកូតជាមួយនឹងការវាស់នូវកម្រិតបាំងពន្លឺដែលគេដាក់បំពាក់ជារាងអក្សរ T ចំនួនពីរលើកន្លែងដែលបញ្ចាំងរងពន្លឺនោះ សម្រាប់ជាការធ្វើតេស្ត ។
៤-ត្រូវច្បាស់ថាកម្រិតភ្លើងមុខដែលបាញ់ពន្លឺទៅលើជញ្ជាំងនោះមានទិសដៅត្រង់ល្អ ។ ហើយខ្សែពន្លឺដែលជះទៅមុខនិងរាប់ចូូលថាស្របតាមបទដ្ឋាននិងល្អប្រសើរដែលគេគិតពីចំណុចកណ្តាលមិនបាញ់ឡើងឬចុះក្រោមពេកមិនឱ្យខ្ពស់ជាង១ម៉ែត្រពីដីឡើយ ។
៥-បើករថយន្តថយក្រោយ៧,៦ម៉ែត្រពីជញ្ជាំងដែលកំពុងធ្វើតេស្តនោះ ។ បិទភ្លើងមុខ ហើយដោះយកស៊ុមចង្កៀងភ្លើងចេញពីរង្វង់ភ្លើងមុខហើយរកមើលទីតាំងសារេដែលមានរាងមូលខ្មៅរបស់វា ។
៦-សារេភ្លើងម្ខាងៗតាមសម្រួល ។ នៅគ្រានោះត្រូវបិទឬផ្តាច់ ចរន្តភ្លើងម្ខាង ខណៈពេលធ្វើតេស្តភ្លើងម្ខាងទៀតពីព្រោះថាការបញ្ចេញពន្លឺអាចធ្វើឱ្យវាលំបាកនិងការរញែកឱ្យដាច់ពីគ្នាពីមួយទៅមួយបាន ។ ពេលអនុវត្តក៏តម្រូវឱ្យដៃគូម្នាក់ទៀតជួយផងដែរខណៈពេលអ្នកកំពុងសារេ ។
៧-មួលក្បាលខ្ចៅផ្នែកខាងលើដើម្បីសារេការចាំងពន្លឺនៃខ្សែឈរ ។ ការមួលពីឆ្វេងទៅស្តាំគួរតែជាការដំឡើងហ្វាភ្លើងឡើងខណៈការមួលបញ្ច្រាសទ្រនិចនាឡិកានឹងទម្លាក់់ពន្លឺចុះមកទាបវិញ ។
៨-មួលក្បាលខ្មៅនៅចំហៀងដើម្បីសារេការជះពន្លឺខ្សែដេក ។ ការអនុវត្តគឺនឹងធ្វើដូចគ្នាទៅនឹងមូលដ្ឋានគ្រឹះនៃការសារេដោយមួលពីស្តាំទៅឆ្វេង ៕
ចែករំលែកព័តមាននេះ