ADផ្ទាំងផ្សព្វផ្សាយពាណិជ្ជកម្ម

Picture

មេថ្មីបញ្ចេញស្នាដៃ! បង្ក្រាបជន​ទាំង​២​រួមវត្ថុតាង​ជិត​២​គីឡូ​ក្រាម

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ បាន​កត់​ស​ម្គា​ស់​ឃើញ​ថា កិច្ច​ប្រ​តិ​បត្ត​ការ​បង្ក្រាប​ករណី​ជួញដូរ​គ្រឿង​ញៀន​បាន​ចំនួន​២​ករណី ករណី​ទី​១-កាលពី​ថ្ងៃ​ទី​១៦ ​កក្កដា ឆ្នាំ​២០២០ នៅ​ចំណុច​ផ្លូវជាតិ​លេខ​៥ សង្កាត់​គីឡូម៉ែត្រ​លេខ​៦ ក្នុង​ខណ្ឌ​ប្ញស្សី​កែវ…

រាជធានី​ភ្នំពេញ ៖ បាន​កត់​ស​ម្គា​ស់​ឃើញ​ថា កិច្ច​ប្រ​តិ​បត្ត​ការ​បង្ក្រាប​ករណី​ជួញដូរ​គ្រឿង​ញៀន​បាន​ចំនួន​២​ករណី ករណី​ទី​១-កាលពី​ថ្ងៃ​ទី​១៦ ​កក្កដា ឆ្នាំ​២០២០ នៅ​ចំណុច​ផ្លូវជាតិ​លេខ​៥ សង្កាត់​គីឡូម៉ែត្រ​លេខ​៦ ក្នុង​ខណ្ឌ​ប្ញស្សី​កែវ រាជធានី​ភ្នំពេញ ចាប់​ឃាត់ខ្លួន​ជនសង្ស័យ​ម្នាក់ នឹង​ដកហូត​ថ្នាំ​ញៀន​ជិត​១​គីឡូក្រាម នោះ​ជា​ការ​បង្ហាញ​ដោយ​ស្នាដៃ​របស់​លោក​វរៈសេនីយ៍ទោ រ៉ឹ​ម ម៉ិច ដែល​ទើបនឹង​ឡើ ង​កាន់​តំណែង ជា​ប្រធាន​ការិយាល័យ​ប្រឆាំង​គ្រឿងញៀន​ថ្មោងថ្មី ។

កិច្ច​ប្រ​តិ​បត្ត​ការ​បង្ក្រាប​នោះ ក្រោម​ការ​ដឹកនាំ​បញ្ជា​ផ្ទាល់​ពី​លោក សឿ ឡង​ឌី ព្រះរាជ អាជ្ញា​រងនៃ​អយ្យការ​អម​សាលាដំបូង​រាជធានី​ភ្នំពេញ បាន​ឲ្យ​មន្ត្រី​អនុវត្ត​ច្បាប់ នៃ​ការិ​យាល័យ​ប្រឆាំង​គ្រឿងញៀន ចុះ​អនុវត្ត​វិធាន​ញុះញង់ បង្ក្រាប​ជាក់ស្តែង​ករណី ជួញដូរ​គ្រឿងញៀន​ខុសច្បាប់ ដោយ​ឃាត់ខ្លួន​ជនសង្ស័យ​ម្នាក់​ឈ្មោះ សុខ ច​ន្ថា ភេទ​ប្រុស អាយុ​៥៧​ឆ្នាំ ជនជាតិ​វៀតណាម មុខរបរ រត់​ម៉ូតូ​កង់​បី​ឥណ្ឌា​(​ផាស​អាប់​) ដកហូត​វត្ថុ​តាង ក្រាម​ពណ៌​ស​ថ្លា​សង្ស័យ​ជា​គ្រឿងញៀន ប្រភេទ​មេ​តំ​ហ្វេ​តា​មីន​ចំនួន​១​កញ្ចប់​ថង់​ធំ ទម្ងន់ ៩២៩.៨៤ ក្រាម (​ជិត​១​គីឡូក្រាម​) ម៉ូតូ​កង់​បី​១​គ្រឿង និង​ទូរស័ព្ទ​ដៃ​ចំនួន​១​គ្រឿង។

ករណី​ទី​២-​នៅ​ថ្ងៃ​ទី​១៦ ខែកក្កដា ឆ្នាំ​២០២០ ដដែល ក្រោម​ការ​សម្របសម្រួល​ដឹកនាំ​ផ្ទាល់​ពី​សំណាក់​លោក ឡុ​ង ជាប ព្រះរាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ បាន​ឲ្យ​មន្ត្រី​អនុវត្ត​ច្បាប់ នៃ​ការិយាល័យ​ប្រឆាំង​គ្រឿងញៀន ចុះ​អនុវត្ត​វិធាន​ញុះញង់​បង្ក្រាប​ជាក់ស្តែង​ករណី ជួញដូរ​គ្រឿងញៀន​ខុសច្បាប់ នៅ​ចំណុច​មុខ​សា​កលវិទ្យាល័យ​អា​សុ​ី​អឺរ៉ុប ផ្លូវ​២៥៧ សង្កាត់​ទឹកល្អក់​ទី​១ ខណ្ឌទួលគោក រាជធានី​ភ្នំពេញ ឃាត់ខ្លួន​ជនសង្ស័យ​ម្នាក់​ឈ្មោះ ញឹ​ម គី​ម​លៀង ភេទ​ប្រុស អាយុ​២១​ឆ្នាំ ជនជាតិ​ខ្មែរ មុខរបរ មិន​ពិតប្រាកដ ដកហូត​វត្ថុ​តាង ក្រាម​ពណ៌​ស​ថ្លា​សង្ស័យ​ជា​គ្រឿងញៀន​ប្រភេទ​មេ​តំ​ហ្វេ​តា​មីន​ចំនួន​១​កញ្ចប់​ធំ​ទម្ងន់១០០០.៧៤ ក្រាម ដឹក​តាម​ម៉ូតូ​កង់​បី​១​គ្រឿង និង​ទូរស័ព្ទ​ដៃ​ចំនួន​០១​គ្រឿង ។

សរុប​ទាំង​២​ករណី ដកហូត​ថ្នាំ​ញៀន​ជិត​២​គីឡូក្រាម ។ ក្រោយ​ឃាត់ខ្លួន​ជនសង្ស័យ នឹង​វត្ថុ​តាង​ថ្នាំ​ញៀន​ជិត​២​គីឡូក្រាម​ខាងលើ​នេះ ត្រូវ​បាន​សមត្ត​កិច្ច​កសាង​សំណុំរឿង​បញ្ជូន​ទៅ​កាន់​សាលាដំបូង​រាជធានី​ភ្នំពេញ តាម​នីតិវិធី ៕

អត្ថបទសរសេរ ដោយ