ADផ្ទាំងផ្សព្វផ្សាយពាណិជ្ជកម្ម

Picture

បង្ក្រាប​ហាង​កែ​ច្នៃ​សំណាក​សត្វព្រៃយីហោ​“​ព្រះ​ម៉ែ​នាគ​” ក្នុងខណ្ឌ​បឹង​កេងកង

3 ឆ្នាំ មុន

រាជធានី​ភ្នំពេញ ៖ ទីតាំង​មួយ​ដែល​ទទួល​ចម្លាក់​ចេញពី​ភ្លុក ចែ ឆ្អឹង ដែល​មាន​យីហោ​ថា “​ព្រះ​ម៉ែ​នាគ​” មាន​ទីតាំង​ស្ថិត នៅ​ខណ្ឌ​បឹង​កេងកង ត្រូវ​បាន​ក្រុម​អន្តរាគមន៍​បង្ក្រាប​បទល្មើស​សត្វព្រៃ​ចល័ត​នៃ​រដ្ឋបាល​ព្រៃឈើ…

រាជធានី​ភ្នំពេញ ៖ ទីតាំង​មួយ​ដែល​ទទួល​ចម្លាក់​ចេញពី​ភ្លុក ចែ ឆ្អឹង ដែល​មាន​យីហោ​ថា “​ព្រះ​ម៉ែ​នាគ​” មាន​ទីតាំង​ស្ថិត នៅ​ខណ្ឌ​បឹង​កេងកង ត្រូវ​បាន​ក្រុម​អន្តរាគមន៍​បង្ក្រាប​បទល្មើស​សត្វព្រៃ​ចល័ត​នៃ​រដ្ឋបាល​ព្រៃឈើ សហការ​ជាមួយ​កម្លាំង​អធិការដ្ឋាន​នគរបាល​ខណ្ឌ​បឹង​កេងកង ក្រោម​ការ​សម្របសម្រួល​ពី​តំណាង​អយ្យការ ចុះ​បង្ក្រាប​កាលពី​ថ្ងៃ​ទី​១៦ ខែកក្កដា ឆ្នាំ​២០២០ ។

សមត្ថកិច្ច​បានអោយ​ដឹង​ថា ទីតាំង​បង្ក្រាប​យីហោ​ឈ្មោះ “​ជាងចម្លាក់​ព្រះ​ម៉ែ​នាគ​” នៅផ្ទះ​លេខ​២៥០ ផ្លូវ​លេខ​៣៧៦ ក្រុម​ទី​១៣ ភូមិ​០៨ សង្កាត់​បឹង​កេងកង​ទី​៣ ខណ្ឌ​បឹង​កេងកង រាជធានី​ភ្នំពេញ ដែល​ម្ចាស់​ទីតាំង​មានឈ្មោះ ព្រហ្ម រតនៈ ភេទ​ប្រុស អាយុ​៣២​ឆ្នាំ ជនជាតិ​ខ្មែរ ។

សមត្ថកិច្ច បន្ត​ថា ប្រតិបត្តិការ​បង្ក្រាប​បទល្មើស​សំណាក​សត្វព្រៃ​ដែល​ជិត​ផុត​ពូជ​នេះ ធ្វើ​ឡើង​ដោយ​មាន​លោក​ព្រះរាជអាជ្ញា​រង សេង ហៀ​ង តំណាង​អយ្យការ​អម​សាលាដំបូង​រាជធានី​ភ្នំពេញ ដោយ​ចាត់​លោក​កាន់ វីវៈ ជា​ក្រឡាបញ្ជី​អម​អយ្យការ នៃ​សាលាដំបូង​រាជធានី​ភ្នំពេញ ចូលរួម​ក្នុង​ការ​ចុះ​បង្ក្រាប​នេះ​តាម​លិខិតអនុញ្ញាត​លេខ ១២៥ ប​.​យ​.​ន ចុះ​ថ្ងៃ​ទី​១៦ ខែកក្កដា ឆ្នាំ​២០២០ និង​ដោយ​មានការ​ដឹកនាំ​ផ្ទាល់​ពី​លោក​ហេង គឹ​ម​ឆាយ ប្រធាន​ក្រុម​អន្តរាគមន៍​បង្ក្រាប​បទល្មើស​សត្វព្រៃ នៃ​រដ្ឋបាល​ព្រៃឈើ​ភ្នំពេញ ។

ក្នុង​ប្រតិបត្តិការ​នេះ សមត្ថកិច្ច​បាន​រក​ឃើញ​វត្ថុ​តាង បទល្មើស​ជា​សំណាក់​សត្វព្រៃ រួម​មាន​៖ សំណាក​ភ្លុក​ដំរី​ចំនួន ៨​ដុំ ស្មើនឹង ០,៥៩០ គីឡូក្រាម សំណាក​ភ្លុក​ដំរី ឆ្លាក់​កែ​ច្នៃ​ចំនួន ១៧​ដុំ ស្មើនឹង ០,១៧៦​គីឡូក្រាម ចែ​ជ្រូកព្រៃ​(​ខ្នាយ​) ស្រោប​លោហៈ ចំនួន ១២​ដុំ ចែ​ជ្រូកព្រៃ ចំនួន ១៦​ដុំ គល់​ស្នែង​ប្រើស​ចំនួន ១​ដុំ ។

បច្ចុប្បន្ន វត្ថុ​តាង​ត្រូវ​បាន​ដកហូត​បណ្តោះអាសន្ន យក​មក​រក្សា​ទុក​នៅ​ខណ្ឌ​រដ្ឋបាល​ព្រៃឈើ​ភ្នំពេញ ចំណែកឯ​ម្ចាស់​ទីតាំង​ត្រូវ​នាំ​ខ្លួន​ទៅ​សាកសួរ​ទៅ​តាម​នីតិវិធី ៕

អត្ថបទសរសេរ ដោយ

កែសម្រួលដោយ