ADផ្ទាំងផ្សព្វផ្សាយពាណិជ្ជកម្ម

Picture

ករណី​បាត់បង់​ជីវិត​ដោយ​កូ​វី​ដ​នៅ​អា​ហ្ស​ង់ ​ទី​ន​ឡើង ដល់​ជាង​២​ពាន់​នាក់​ហើយ

3 ឆ្នាំ មុន

អា​ហ្ស​ង់​ទី​ន ៖ តាម​ប្រភព​ព័ត៌មាន CNN បានឱ្យ​ដឹង​ថា ចំនួន​អ្នក​បាត់បង់​ជីវិត​នៅ​អា​ហ្ស​ង់​ទី​ន ដោយសារ​ជំងឺ​កូ​វី​ដ​១៩ បាន​កើនឡើង​ដល់ ២,០៧២​នាក់ ជាមួយនឹង​ការ​បាត់​បង់ជីវិត​ថ្មី…

អា​ហ្ស​ង់​ទី​ន ៖ តាម​ប្រភព​ព័ត៌មាន CNN បានឱ្យ​ដឹង​ថា ចំនួន​អ្នក​បាត់បង់​ជីវិត​នៅ​អា​ហ្ស​ង់​ទី​ន ដោយសារ​ជំងឺ​កូ​វី​ដ​១៩ បាន​កើនឡើង​ដល់ ២,០៧២​នាក់ ជាមួយនឹង​ការ​បាត់​បង់ជីវិត​ថ្មី ២២​នាក់ ក្នុង​រយៈពេល​២៤​ម៉ោង​ចុង​ក្រោយ​។ នេះ​បើ​យោង​តាម​ទិន្នន័យ​ដែល​ចេញផ្សាយ​ដោយ​ក្រសួងសុខាភិបាល​អា​ហ្ស​ង់​ទី​ន​នៅ​ព្រឹក​ថ្ងៃ​ព្រហស្បតិ៍​។

ចំនួន​ករណី​ឆ្លង​វីរុស​នេះ មាន​ចំនួន ១១១,១៦០​ករណី ដែល​មាន ៤២៥០​ករណី​ថ្មី​ជា​ចំនួន​កើនឡើង​រាល់ថ្ងៃ​។ ក្នុង​សន្និសីទ​សារព័ត៌មាន​ពេល​ព្រឹក​របស់​ក្រសួង លោក Carla Vizzotti រដ្ឋមន្ត្រី​ទទួល​បន្ទុក​ផ្នែក​សុខាភិបាល បាន​លើក​ឡើង​ថា ៩៣%​នៃ​ករណី​ថ្មី គឺ​ស្ថិត​នៅ​តំបន់​មេត្រូ Buenos Aires (AMBA) ។

យ៉ាង​ហោច​ណាស់​មាន​មនុស្ស​ចំនួន ៤៩,១២០​នាក់ បានជា​សះស្បើយ​ពី​វីរុស​នេះ ចាប់តាំងពី​មានការ​រាតត្បាត​។ នេះ​បើ​យោង​តាម​មន្ត្រី​សុខាភិបាល​។

ទីភ្នាក់ងារសារព័ត៌មាន​រដ្ឋ Telam របស់​អា​ហ្ស​ង់​ទី​ន បាន​រាយការណ៍​ថា ប្រធានាធិបតី​អា​ហ្ស​ង់​ទី​ន លោក Alberto Fernández ត្រូវ​បាន​គេ​រំពឹង​ថា នឹង​ជួប​អ្នកជំនាញ​សុខភាព និង​មន្ត្រី​ផ្សេង​ៗ​គ្នា នៅ​ថ្ងៃ​ព្រហស្បតិ៍ ដើម្បី​សម្រេច​នូវ​វិធានការ​បិទទ្វារ​ថ្មី នៅ​ក្នុង​រដ្ឋធានី និង​តំបន់​ជុំវិញ ដែល​នឹង​ចាប់ផ្តើម​នៅ​ថ្ងៃ​សៅរ៍​៕ ដកស្រង់​ចេញពី​វេ​ប​សាយ ៖ cnn (​កែសម្រួល​ដោយ ៖ បុប្ផា​)

អត្ថបទសរសេរ ដោយ

កែសម្រួលដោយ