ពលរដ្ឋ​បង្ហាញ​ការ​ព្រួយបារម្ភ​ជុំវិញ​ផ្សែង​ចេញពី​ឡឥដ្ឋ​មួយ​កន្លែង


ខេត្តព្រះសីហនុ ៖ ​តាមសេចក្តីរាយការណ៍បឋម​បាន​ឱ្យ​ដឹង​ថា តាម​ប្រភពពីប្រជា​ពលរដ្ឋ​បាន​​ឱ្យ​ដឹង​ថា ​នាវេលា​​ម៉ោងជាង៧​ព្រឹក​​ថ្ងៃ​ទី​១៦ កក្កដា ​ឆ្នាំ​២០២០​នេះ មាន​ផ្សែង​ហុយចេញពីរោងចក្រផលិតឥដ្ឋ​ដូច​ចុះ​អ័ព្ទបាន​គ្រប់​ដណ្ដប់​លើ​លំនៅ​ឋាន​របស់​ពួក​គាត់​ ស្ថិត​ក្នុងភូមិ​វាល​មាស​ ភូមិ​វាល​ធំ​ ឃុំ​វាល​រេញ​ និង​ភូមិ​ចំការ​កៅស៊ូ ​ឃុំ​ជើងគោ​ ស្រុក​ព្រៃ​នប់​ ខេត្ត​ព្រះ​សីហ​នុ ។ ពាក់ព័ន្ធនឹងបញ្ហាផ្សែងខាងលើនេះ ពួកគាត់មានការព្រួយបារម្ភ​ពីផលប៉ះពាល់​ ​និង​​ស្នើ​ដល់​អាជ្ញាធរ​ជួយ​ចាត់​​វិធានការ​តាម​លក្ខខណ្ឌ​ណាមួយ​​ដល់​ម្ចាស់​រោងចក្រ​ផលិត​ឥដ្ឋ​ខាងលើ​នេះឱ្យ​កែសម្រួល​ ឬ​កាត់​បន្ថយ តាម​ដែល​អាច​ធ្វើ​បាន ។​

រោងចក្រ​ផលិត​ឥដ្ឋមួយកន្លែង​ខាងលើនេះ មានទីតាំង​នៅ​តាម​បណ្ដោយ​សម្ដេច​សង្ឃ​ទេព​វង្ស ​(​វាល​រេញ​-​ស្ទឹង​ហាវ​)​ ​ជិត​វត្ត​ថ្មដា ស្ថិត​ក្នុងភូមិ​ចម្ការ​កៅស៊ូ​ ឃុំ​ជើងគោ​ ស្រុក​ព្រៃ​នប់​ ខេត្ត​ព្រះ​សីហ​នុ ។

តាម​ប្រភពពី​​អាជ្ញាធរ​បាន​ឲ្យ​ដឹង​ថា​ ទីតាំង​ដែល​ប្រជា​​ពលរដ្ឋ​​លើកឡើង​ខាងលើ​នេះ គឺជា​ទីតាំង​សិប្បកម្ម​ផលិត​ឥដ្ឋ​ ដែល​ទើបតែ​ចាប់ផ្ដើម​ដំណើរការ​នៅ​ដើមខែ​កក្កដា ​ឆ្នាំ​២០២០​​នេះ ហើយ​ក្រោយ​ពី​ចាប់ផ្ដើម​ដំណើរការ​ក៏​មាន​ផល​ប៉ះពាល់​ដូច​ជា​ផ្សែងហុយ​បែប​នេះ​ជាដើម ។ ជាមួយ​គ្នា​នេះដែរ ​អាជ្ញាធរ​ស្ថាប័ន​ជំនាញ​បរិស្ថាន​បាន​ចុះ​អប់រំ​ណែនាំ​ម្ដង​រួច​មក​ហើយ ​ប៉ុន្តែ​ហាក់​មិន​ទាន់​មាន​ភាព​កែសម្រួល​តាម​អាជ្ញាធរ​មន្ត្រី​ជំនាញ​ដែល​បាន​ណែនាំ​នោះ​ឡើយ​ទេ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ