ប្រយុទ្ធ​បង្ហូរឈាម​គ្នា​​រវាង​ប្រទេស​ទាំង​២ ឆក់​យក​​ជីវិត​​មនុស្ស​យ៉ាង​តិច​១២​នាក់​​(វីដេអូ) – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ប្រយុទ្ធ​បង្ហូរឈាម​គ្នា​​រវាង​ប្រទេស​ទាំង​២ ឆក់​យក​​ជីវិត​​មនុស្ស​យ៉ាង​តិច​១២​នាក់​​(វីដេអូ)

6 ខែ មុន

ប្រទេស​អា​មេ​នី​-​អា​ស៊ែ​បៃ​ហ្ស​ង់ ៖ ការប្រយុទ្ធ​គ្នា​ថ្មី​ៗ​កើត​មាន​កាលពី​ថ្ងៃ​ទី​១៤ កក្កដា រវាង​អា​មេ​នី​និង​អា​ស៊ែ​បៃ​ហ្ស​ង់ បណ្ដាល​ឲ្យ​មនុស្ស​យ៉ាងតិច​១២​នាក់​ទៀត​ត្រូវ​បាន​បាត់​បង់​ជីវិត ក៏​ទោះបី​មាន​ការ​អំពាវនាវ​របស់​អន្តរជាតិ ពិសេស​របស់​រុ​ស្ស៊ី​ឲ្យ​មានការ​អត់ធ្មត់​ក៏​ដោយ ។ ការ​ប៉ះទង្គិច​គ្នា​ទាំងនេះ​ក្នុងស្រុក​តាម​ព្រំដែន​តូ​វូ​ស…

ប្រទេស​អា​មេ​នី​-​អា​ស៊ែ​បៃ​ហ្ស​ង់ ៖ ការប្រយុទ្ធ​គ្នា​ថ្មី​ៗ​កើត​មាន​កាលពី​ថ្ងៃ​ទី​១៤ កក្កដា រវាង​អា​មេ​នី​និង​អា​ស៊ែ​បៃ​ហ្ស​ង់ បណ្ដាល​ឲ្យ​មនុស្ស​យ៉ាងតិច​១២​នាក់​ទៀត​ត្រូវ​បាន​បាត់​បង់​ជីវិត ក៏​ទោះបី​មាន​ការ​អំពាវនាវ​របស់​អន្តរជាតិ ពិសេស​របស់​រុ​ស្ស៊ី​ឲ្យ​មានការ​អត់ធ្មត់​ក៏​ដោយ ។

ការ​ប៉ះទង្គិច​គ្នា​ទាំងនេះ​ក្នុងស្រុក​តាម​ព្រំដែន​តូ​វូ​ស រវាង​ប្រទេស​ជាស​ត្រូវ​គ្នា​ចាប់តាំងពី​យូរ​មក​ហើយ នេះ​ជា​ការ​ប៉ះទង្គិច​គ្នា​ធ្ងន់ធ្ងរ​បំផុត​ពុំ​ធ្លាប់​មាន​ចាប់តាំងពី​ច្រើន​ឆ្នាំ​មក​ហើយ ។ ប្រទេស​អា​ស៊ែ​បៃ​ហ្ស​ង់​ប្រកាស​នា​ថ្ងៃ​ទី​១៤ កក្កដា ពី​ការ​ស្លាប់​ទាហាន​ខ្លួន​៧​នាក់​ក្នុង​នោះ​មាន​ឧត្ដមសេនីយ​ម្នាក់​និង​វរសេនីយឯក​ម្នាក់ ព្រមទាំង​ជន​ស៊ី​វិល​ម្នាក់ ។

ចំណែក​អា​មេ​នី​វិញ​រៀបរាប់​ពី​ការ​បាត់បង់ទាហាន​៤​នាក់ ដោយសារ​ការ​វាយប្រហារ​របស់​សត្រូវ ។ សរុប​មនុស្ស​១៦​នាក់​បាន​បាត់បង់​ជីវិតទាំង​សងខាង​ក្នុង​ការ​ប្រយុទ្ធ​គ្នា​នៅ​ព្រំដែន​ចាប់តាំងពី​ថ្ងៃ​ទី​១២ កក្កដា​មក ។

អតីត​សាធារណរដ្ឋ​សូ​វៀត​ទាំង​២​នោះ មាន​ជម្លោះ​នឹង​គ្នា​ចាប់តាំងពី​ច្រើន​ទស​វត្ស​មក​ហើយ ​ជុំវិញ​តំបន់​បំបែក​ខ្លួន​ណា​ហ្គ័​រ​នី​កា​រ៉ា​បាក់​នៅអា​ស៊ែ​បៃ​ហ្ស​ង់ ជា​ដែនដី​មួយ​មាន​ជនជាតិ​អា​មេ​នី
ភាគច្រើន​ដែល​បាន​ធ្វើការ​បំបែក​ខ្លួន​ជាមួយ​ការ​ជួយ​ទ្រទ្រង់​របស់​អា​មេ​នី តាំងពី​ដើម​ទស​វត្ស​ឆ្នាំ
១៩៩៤​មក ។ ការ​ប៉ះទង្គិច​គ្នា​នៅ​តាម​ច្រកចូល​តំបន់​នោះ​មាន​ជា​ញឹកញាប់​តែ ការ​ប្រយុទ្ធ​គ្នា​នៅ
តាម​ព្រំដែន​អា​ស៊ែ​បៃ​ហ្ស​ង់​-​អា​មេ​នី ដូច​ការ​ប្រយុទ្ធ​គ្នា​ដែល​កំពុង​មាន​នា​ពេល​នេះ​កម្រ​មាន​ណាស់។

ភាគី​ទាំង​២​បាន​ទម្លាក់​ការ​ទទួលខុសត្រូវ​ដាក់​គ្នា​ទៅ​វិញ​ទៅ​មក ចំពោះ​ការ​ប្រទូស្ត​រ៉ា​យ​គ្នា​ទាំង​នោះ ។ ក្រោយ​៣​ថ្ងៃ​ជាប់​ៗ​គ្នា​នៃ​ការ​ប្រយុទ្ធ​គ្នា​ក្រសួង​ការពារ​ប្រទេស​អា​ស៊ែ​បៃ​ហ្ស​ង់ បាន​ចោទ​ប្រកាន់​អា​មេ​នី​ថា ធ្វើការ​វាយលុក​ជាមួយ​ការ​បាញ់កាំភ្លើង​ធំ កាំភ្លើងត្បាល់ និង​កាំភ្លើងយន្ត​ធុន​ធ្ងន់ ។ ចំណែក​អា​មេ​នី​វិញ​អះអាង​ថា អា​ស៊ែ​បៃ​ហ្ស​ង់​បាន​វាយប្រហារ​ដោយ​ប្រើប្រាស់​កាំភ្លើង​ធំ រថក្រោះ​និង​បណ្ដា​យន្តហោះ​គ្មាន​មនុស្ស​បើក ចំណែក​ក្រសួងការបរទេស​អា​មេ​នី​អះអាង​ពី​ការ​តបត​វិញ ដោយ​សម​ស្រប​ចំពោះ​ការ​ឈ្លានពាន​នោះ ។

ការ​ប្រយុទ្ធ​ក្នា​ទាំងនោះ​នាំ​ឲ្យ​រុ​ស្ស៊ី អា​មេ​រិ​ក​និង​សហភាព​អឺរ៉ុប អំពាវនាវ​ឲ្យ​មាន​បទ​ឈប់​បាញ់​គ្នា​មួយ ៕ ដកស្រង់​ចេញពី​វេ​ប​សាយ ៖ yahoo (​កែសម្រួល​ដោយ ៖ បុប្ផា​)