ក្មេង​ប្រុស​តូច​ម្នាក់​បញ្ជូន​ទៅ​ពេទ្យ​ជា​បន្ទាន់ ក្រោយ​គ្រាប់​ព្រួញ​ចូល​ក្នុង​គូថ


ចិន ៖ ក្មេង​ប្រុស​អាយុ​៩​ឆ្នាំ​ម្នាក់ ដែល​ចង់​ដឹង​ចង់​ឃើញ ត្រូវ​បាន​គេ​បញ្ជូន​ទៅ​មន្ទីរពេទ្យ​ភ្លាម​ៗ បន្ទាប់​ពី​បាន​យក​ព្រួញ​ដាក់​ចូល​ក្នុង​រន្ធ​គូទ ខណៈ​ពេល​ដែល​គាត់​ត្រូវ​បាន​ទុក​ឱ្យ​លេង​ដោយ​គ្មាន​ការ​យកចិត្តទុកដាក់​នៅផ្ទះ ។ នេះ​បើ​យោង​តាម​ប្រភព​ព័ត៌មាន​ពី shanghaiist បានឱ្យ​ដឹង​កាលពី​ថ្ងៃ​ទី​១៤ ខែកក្កដា ឆ្នាំ ២០២០ ។

ការ​ស្កេ​ន​កាំរស្មីអ៊ិច​នៅ​មន្ទីរពេទ្យ​ក្នុង​ទីក្រុង​ហៃ​អាន ខេត្ត​ជាំ​ង​ស៊ូ បង្ហាញ​វត្ថុ​តូច​មួយ នៅ​ខាងក្នុង​រាង​កាយ​របស់​ក្មេង​ប្រុស​។ គ្រូពេទ្យ​បាន​និយាយ​ថា វា​ងាយ​នឹង​ធ្វើ​ឱ្យ​ពោះវៀនតូច​មាន​របួស ហើយ​បណ្តាល​អោយ​ហូរ​ឈាម ឬ​ឆ្លង​មេរោគ​ទៀត​ផង ។

គ្រូពេទ្យ​បាន​ធ្វើការ​ឆ្លុះ​ពោះវៀនធំ​ជា​បន្ទាន់ ដែល​រក​ឃើញ​ព្រួញ​ដែល​បាន​បង្កប់​ក្នុង​លាមក​។ បន្ទាប់​មក​ពួក​គេ​បានឱ្យ​ថ្នាំ​ខ្លះ​ដល់​ក្មេង​ប្រុស​ម្នាក់​នេះ ដើម្បី​ជួយ​បង្កើត​ចលនា​របស់​ពោះវៀន ហើយ​អាច​បញ្ចេញ​លាមក​មក​ដោយ​ជាមួយនឹង​គ្រាប់​ព្រួញ​។

វា​មិន​ច្បាស់​ទេ​ថា ហេតុ​អ្វី​បានជា​ក្មេង​គិត​ថា ការ​ញាត់​ព្រួញ​ចូល​ក្នុង​គូថ គឺជា​គំនិតល្អ ប៉ុន្តែ​នេះ​ប្រហែលជា​គាត់​ធ្វើ​តាម​មនុស្ស​ចាស់​មួយ​ចំនួន​នា​ពេល​កន្លង​មក ដែល​យើង​ឃើញ​នៅ​លើ​សារព័ត៌មាន​។

គួរ​បញ្ជាក់​ថា កាលពី​ពេល​កន្លង​ទៅ​ថ្មី​ៗ​នេះ មាន​បុរស​ម្នាក់​នៅ​ខេត្ត​ក្វា​ង​ទុង បាន​យក​អន្ទង់​រស់​ដាក់​ចូល​ក្នុង​រន្ធ​គូថ​របស់​គាត់ ដោយ​មាន​គោលបំណង​ចង់​ព្យាបាល​ការ​ទល់លាមក ខណៈ​ពេល​ដែល​បុរស​ម្នាក់​ទៀត​ត្រូវ​វះកាត់​យក​ត្រី​ចេញពី​រន្ធ​គូថ​របស់​គាត់ បន្ទាប់​ពី​អះអាង​ថា បាន​អង្គុយ​លើ​វា​ដោយ​ចៃដន្យ​៕ ដកស្រង់​ចេញពី​វេ​ប​សាយ ៖ shanghaiist (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ