កីឡាករវៀតណាម្នាក់ត្រៀមបង្វិចទៅស្រុកវិញ ក្រោយបរាជ័យនៅលីគកំពូលហូឡង់
ប្រទេសវៀតណាម ៖ កីឡាករ Doan Van Hau នឹងវិលត្រឡប់មកកាន់ប្រទេសវៀតណាមវិញ បន្ទាប់ពីក្លិបនៅលីគកំពូលហូឡង់ SC Heerenveen…
ប្រទេសវៀតណាម ៖ កីឡាករ Doan Van Hau នឹងវិលត្រឡប់មកកាន់ប្រទេសវៀតណាមវិញ បន្ទាប់ពីក្លិបនៅលីគកំពូលហូឡង់ SC Heerenveen…
ប្រទេសវៀតណាម ៖ កីឡាករ Doan Van Hau នឹងវិលត្រឡប់មកកាន់ប្រទេសវៀតណាមវិញ បន្ទាប់ពីក្លិបនៅលីគកំពូលហូឡង់ SC Heerenveen និងក្លិបនៅលីគកំពូលវៀតណាម Hanoi FC (ជាក្លិបដើម) បរាជ័យលើតុចរចា ដើម្បីឱ្យកីឡាកររូបនេះបន្តស្នាក់នៅប្រទេសហូឡង់។
លោក Do Vinh Quang ប្រធានក្លិប Hanoi FC បានលើកឡើងនៅលើទំព័រហ្វេសប៊ុករបស់ក្លិបថា «ការវិលត្រឡប់មកកាន់ប្រទេសវៀតណាមវិញ របស់ខ្សែការពារ Van Hau នឹងទទួលបានអត្ថប្រយោជន៍យ៉ាងច្រើនសម្រាប់ក្លិបនេះ ពីព្រោះបច្ចុប្បន្នក្រុម កំពុងប្រឈមនឹងកង្វះកីឡាករ ដោយសារតែបញ្ហារបួស។ ហើយការត្រឡប់របស់ Van Hau គឺជាការពង្រឹងដ៏សំខាន់មួយសម្រាប់ក្រុមជម្រើសជាតិវៀតណាម សម្រាប់ព្រឹត្តិការណ៍ AFF Cup 2020 ដែលនឹងប្រព្រឹត្តទៅនៅចុងឆ្នាំនេះ។
សូមបញ្ជាក់ថា បន្ទាប់ពីកិច្ចសន្យាខ្ចីជើងរបស់ Van Hau បានផុតកំណត់កាលពីថ្ងៃទី៣០ ខែមិថុនា ហើយក្លឹបទាំងពីរបានពិភាក្សាយ៉ាងសកម្មអំពីអនាគតរបស់ខ្សែការពារវៀតណាម។ ប៉ុន្តែកិច្ចពិភាក្សារវាងក្លិបទាំងពីរ មិនទទួលបានលទ្ធផលជោគជ័យឡើយ។
ដោយក្លិប Hanoi FC បាននិយាយកាលពីថ្ងៃសុក្រកន្លងទៅថា កិច្ចព្រមព្រៀងមិនទាន់ត្រូវបានធ្វើឡើងចាប់តាំងពីផែនការរបស់ក្លិប SC Heerenveen ក្នុងការប្រើប្រាស់និងអភិវឌ្ឍ Van Hau មិនបានបំពេញតាមការរំពឹងទុករបស់ក្លិប Hanoi FC ។
ខ្សែការពារវ័យ ២១ឆ្នាំរូបនេះ បង្ហាញខ្លួនបានត្រឹមតែ ៤នាទីប៉ុណ្ណោះ សម្រាប់ក្រុមឈុតធំ SC Heerenveen ក្នុងពានរង្វាន់ KNVB Cup ចាប់តាំងពីរូបគេបានជាន់ទឹកដីប្រទេសហូឡង់ ក្នុងលក្ខខណ្ឌខ្ចីជើងពីក្លិប Hanoi FC កាលពីដើមខែកញ្ញាឆ្នាំមុន។ តាមការរំពឹងទុក កីឡាកររូបនេះ នឹងឡើងយន្តហោះពិសេសត្រឡប់មកកាន់ប្រទេសវៀតណាមវិញ ក្នុងរយៈពេលមួយ ឬពីរសប្តាហ៍ទៀត។
បើទោះជាពុំទទួលបានជោគជ័យលើទឹកដីហូឡង់ ប៉ុន្តែ Van Hau បានបញ្ជាក់លើហ្វេសប៊ុកខ្លួនថា «១០ខែកន្លងមកនេះ គឺជារយៈពេលដ៏ល្អបំផុត ដែលខ្ញុំមិនធ្លាប់មានចាប់តាំងពីខ្ញុំចាប់ផ្តើមលេងបាល់ទាត់។ ខ្ញុំនឹងមិនបោះបង់ចោលក្តីសុបិនរបស់ខ្ញុំឡើយ» ៕ (ដកស្រង់ចេញពី VN Express)
ចែករំលែកព័តមាននេះ