ADផ្ទាំងផ្សព្វផ្សាយពាណិជ្ជកម្ម

Picture

​​បញ្ជូនទៅតុលាការ​ មេការ​ហាង​គុយ​​ទាវ​អង្គរជុំ​សាខា​បឹង​សាឡា​ង

3 ឆ្នាំ មុន
  • ភ្នំពេញ

រាជធានីភ្នំពេញ ៖ កាលពី​ថ្ងៃ​ទី​០៨ ​កក្កដា​​ មាន​ស្ត្រី​រង​គ្រោះ​ម្នាក់​បាន​បង្ហោះ​វី​ដេ​អូ​ស្វែង​រក​យុត្តិធម៌​ និង​ការ​ជួយ​អន្តរាគមន៍​ពី​មហាជន តាម​បណ្តាញ Tik Tok ដោយ​រៀបរាប់​ថា​ខ្លួន​ត្រូវ​បាន​ថៅកែ​ហាង​គុយទាវ​អង្គរជុំ…

រាជធានីភ្នំពេញ ៖ កាលពី​ថ្ងៃ​ទី​០៨ ​កក្កដា​​ មាន​ស្ត្រី​រង​គ្រោះ​ម្នាក់​បាន​បង្ហោះ​វី​ដេ​អូ​ស្វែង​រក​យុត្តិធម៌​ និង​ការ​ជួយ​អន្តរាគមន៍​ពី​មហាជន តាម​បណ្តាញ Tik Tok ដោយ​រៀបរាប់​ថា​ខ្លួន​ត្រូវ​បាន​ថៅកែ​ហាង​គុយទាវ​អង្គរជុំ ​វាយ​និង​គំរាម​​​សម្លាប់ ​។ បន្ទាប់​មក​ ជន​រង​គ្រោះ ថែម​ទាំង​បាន​ទៅ​ជួប​អ្នក​សារព័ត៌មាន​ ធ្វើការ​ផ្សាយ​ផ្ទាល់​អំពី​ដំណើររឿង​ដែល​នាំ​ឲ្យ​មាន​ហិង្សា​នោះ​ផង​ដែរ​។

ជន​រង​គ្រោះ​បាន​រៀបរាប់​ថា ​រូប​នាង​ត្រូវ​បាន​មិត្តភក្ដិ​ណែនាំ​ឲ្យ​ទៅ​អង្គុយ​ញ៉ាំ​បាយ​កំដ​ភ្ញៀវ​​ ដើម្បី​ទទួល​បាន​ប្រាក់​ធីប​២០​ដុល្លារ នៅ​ហាង​គុយទាវ​អង្គរជុំ​ម្ដុំ​បឹង​សាឡា​ង ​។បន្ទាប់​​ពី​ញ៉ាំ​បាយ​រួច ភ្ញៀវ​២​នាក់​បាន​បើកឡាន​ជូន​នាង​ត្រឡប់​ទៅ​ផ្ទះ​វិញ តែ​នៅ​តាម​ផ្លូវ​លើ​រថយន្ត​ ភ្ញៀវ​ម្នាក់​បាន​បបួល​នាង​ទៅ​រួម​ភេទ ដោយ​សន្យា​ថា ​ឲ្យ​ប្រាក់​១០០​ដុល្លារ តែ​នាង​បាន​បដិសេធ​មិន​ទៅ​ជាមួយ ក៏​បណ្តាល​ឲ្យ​មានការ​ប្រកែក​គ្នា​រហូត​ឈាន​ដល់​ការ​ប្រតាយប្រតប់​គ្នា បន្ទាប់​មក​នាង​បាន​បើក​កញ្ចក់​រថយន្ត​ស្រែក​ឲ្យ​គេ​ជួយ ទើប​ជន​បង្ក​បាន​ឈប់​រថយន្ត​និង​គេចខ្លួន​បាត់ ធ្វើ​ឲ្យ​នាង​មិន​អស់ចិត្ត​ក៏​បាន​បង្ហោះ​វី​ដេ​អូ​តាម​បណ្តាញ Tik Tok ជា​បន្តបន្ទាប់ និង​បន្ត​ស្វែងរក​ការ​ជួយ​អន្តរាគមន៍​ពី​សមត្ថកិច្ច​ក្បែរ​កន្លែង​កើតហេតុ​ក៏​ដូច​ជា​អ្នក​សារព័ត៌មាន​មួយ​ចំនួន​ផង​ដែរ​។

ដោយ​ការ​ស្វែង​ការ​អន្តរាគមន៍​ជា​ច្រើន​កន្លែង ពុំ​អាច​ទទួល​បាន​ដំណោះស្រាយ ទើប​នៅ​ថ្ងៃ​ទី​០៩ ​កក្កដា ឆ្នាំ​២០២០ នាង​បាន​សម្រេចចិត្ត​ទៅ​ប្ដឹង​បន្ត​នៅ​បញ្ជាការដ្ឋាន​កងរាជ​អាវុធហត្ថ​រាជធានី​ភ្នំពេញ​។ ក្រោយ​ពេល​ទទួល​បាន​ពាក្យបណ្ដឹង សមត្ថកិច្ច​ជំនាញ​នៃ​ការិយាល័យ​ប្រឆាំង​ការ​ជួញដូរ​មនុស្ស នៃ​កងរាជអាវុធហត្ថ​រាជធានី​ភ្នំពេញ បាន​អនុវត្ត​តាម​និ​តិ​វិធី​រហូត​ឈាន​ដល់​ធ្វើការ​ឃាត់ខ្លួន​ជនសង្ស័យ​ឈ្មោះ កៅ ណូ​រ៉ា ដែល​ជា​មេការ​ហាង​គុយទាវ​អង្គរជុំ សាខា​បឹង​សាឡា​ង នា​ថ្ងៃ​ទី​១១ ​កក្កដា ឆ្នាំ​២០២០ និង​បាន​បញ្ជូន​ដល់​តុលាការ​តាម​និ​តិ​វិធី​នា​ព្រឹក​ថ្ងៃ​ទី​១៣ ខែកក្កដា ឆ្នាំ​២០២០ ដើម្បី​ធ្វើការ​ផ្ដន្ទាទោស​តាម​ច្បាប់​៕

អត្ថបទសរសេរ ដោយ