ដូនចាស់ម្នាក់ទទួលបានអំណោយមនុស្សធម៌ ពីអធិការនគរបាលស្រុកថ្មពួក
- បន្ទាយមានជ័យ
ខេត្តបន្ទាយមានជ័យ ៖ ដើម្បីរួមចំណែកក្នុងវិស័យមនុស្សធម៌ ថ្ងៃទី១៣ ខែកក្កដា ឆ្នាំ២០២០ លោកវរសេនីយ៍ឯក សៅ សារឿន អធិការនគរបាលស្រុកថ្មពួក…
ខេត្តបន្ទាយមានជ័យ ៖ ដើម្បីរួមចំណែកក្នុងវិស័យមនុស្សធម៌ ថ្ងៃទី១៣ ខែកក្កដា ឆ្នាំ២០២០ លោកវរសេនីយ៍ឯក សៅ សារឿន អធិការនគរបាលស្រុកថ្មពួក រួមដំណើរដោយមន្ត្រីក្រោមឱវាទបាននាំយកអំណោយជាស្បៀងទៅចែកជូន គ្រួសារក្រីក្រចាស់ជរាគ្មានទីពឹង០១គ្រួសារនៅភូមិព្រះឈរ ឃុំគោកឋិន ស្រុកថ្មពួក ខេត្តបន្ទាយមានជ័យ។
លោកវរសេនីយ៍ឯក សៅ សារឿន អធិការនគរបាលស្រុកថ្មពួកបានលើកឡើងថា៖ ដោយអនុវត្តតាមការណែនាំ របស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ដល់កងកម្លាំងនគរបាលទាំងអស់ ក្រៅពីបំពេញភារកិច្ចការពារសន្តិសុខសណ្តាប់ធ្នាប់ជូនប្រជាពលរដ្ឋ។ កងកម្លាំងនរគរបាលត្រូវចូលរួមចំណែក ក្នុងវិស័យមនុស្សធម៌ និងការងារសង្គមផងដែរ។ ជាក់ស្តែងដោយពិនិត្យឃើញលោកយាយ ចេប យិម អាយុ៧៣ឆ្នាំ នៅភូមិព្រះឈរ ឃុំគោកកឋិន ស្រុកថ្មពួក ដែលជួបនូវបញ្ហាជីវភាពក្រីក្រខ្លាំង បច្ចុប្បន្នរស់នៅ០២នាក់ចៅ ចំពោះការហូបចុកអាស្រ័យដោយអ្នកជិតខាងឧបត្ថម្ភបាយទឹកជូន។
លោកយាយគាត់មានកូនចំនួន០២នាក់ ពួកគេបានទៅធ្វើការនៅប្រទេសថៃ តែមិនដែលបានផ្ញើលុយកាក់មកឲ្យគាត់ និងកូននោះឡើយ។ ទើបនៅថ្ងៃទី១៣ ខែកក្កដា ឆ្នាំ២០២០នេះ លោកក៏បានដឹកនាំមន្ត្រីក្រោមឱវាទបាននាំយកអំណោយ ជាស្បៀង និងថវិកាមកចែកជូន លោកយាយ ចេប យិម នៅគេហដ្ឋានរបស់លោកយាយផ្ទាល់តែម្តង។
លោកអធិការវរសេនីយ៍ឯក សៅ សារឿន បានបញ្ជាក់ថា៖ អំណោយដែលយកមកចែកជូនលោកយាយ ចេប យិម នេះរួមមាន៖ អង្ករចំនួន៥០គីឡូ, ទឹកសុទ្ធ១០យួរ,ប្រេងឆា៥លីត្រ,ប៊ីចេង១គីឡូ,ស្ករស១គីឡូ,អំបិល៥គីឡូ,ទឹកស៊ីអ៊ីវ១យួរ,ទឹកត្រី១កេស,មី១កេស,សាប៊ូលាងដៃ៦០ដុំតូច,ទឹកជែលលាងដៃ១០ដប និងថវិកាចំនួន១១ម៉ឺនរៀល។ ជាមួយគ្នានោះដែរ លោកក៏បានចែកជូន នូវសាប៊ូលាងដៃ និងទឹកជែល ដល់ប្រជាពលរដ្ឋក្នុងភូមិ ដើម្បីគាត់ប្រើប្រាស់អនាម័យ ក្នុងការចូលរួមទប់ស្កាត់ជំងឺឆ្លង កូវីដនេះផងដែរ៕ ដោយ ៖ ណុប រក្សា
ចែករំលែកព័តមាននេះ