ADផ្ទាំងផ្សព្វផ្សាយពាណិជ្ជកម្ម

គ្រោះ​ទឹកជំនន់ដ៏​​ធ្ងន់ធ្ងរ​ ឆក់​ជីវិត​មនុស្ស​ និង​បាត់​ខ្លួន​ជា​ច្រើន​នាក់

6 ខែ មុន

ប្រទេស​ចិន ៖ ក្រសួង​ធនធានទឹក​ចិន​កាលពី​ថ្ងៃ​ទី​១២ ខែកក្កដា ឆ្នាំ២០២០ បាន​ដំឡើង​ចម្លើយ​តប​​បន្ទាន់ សម្រាប់​ត្រួតពិនិត្យ​ទឹកជំនន់​ដល់​កម្រិត​ទី​២ ​ជា​កម្រិត​ខ្ពស់​មួយ​ប្រឈម​មុខ​នឹង​ទឹក​ជំនន់​ដ៏​ធំ ខណៈភ្លៀង​នៅ​បន្ត​ធ្លាក់​ខ្លាំង​រាតត្បាត​តំបន់​ដ៏​ធំ​របស់​ប្រទេស ។…

ប្រទេស​ចិន ៖ ក្រសួង​ធនធានទឹក​ចិន​កាលពី​ថ្ងៃ​ទី​១២ ខែកក្កដា ឆ្នាំ២០២០ បាន​ដំឡើង​ចម្លើយ​តប​​បន្ទាន់ សម្រាប់​ត្រួតពិនិត្យ​ទឹកជំនន់​ដល់​កម្រិត​ទី​២ ​ជា​កម្រិត​ខ្ពស់​មួយ​ប្រឈម​មុខ​នឹង​ទឹក​ជំនន់​ដ៏​ធំ ខណៈភ្លៀង​នៅ​បន្ត​ធ្លាក់​ខ្លាំង​រាតត្បាត​តំបន់​ដ៏​ធំ​របស់​ប្រទេស ។

ចាប់តាំងពី​ថ្ងៃ​ទី​៤ ខែកក្កដា​​​កន្លង​មក ទឹកជំនន់ បណ្ដាល​ឲ្យ​មានការ​ប្រកាស​អាសន្ន​ចំពោះ​ទឹក​ជោរ​​ជន់​ខ្លាំង​ក្នុង​ស្ទឹង​ចំនួន​២១២ ​ក្នុង​ប្រទេស និង​ខ្សែទឹក​ថ្មី​១៩​ទៀត ដែល​កម្ពស់​ទឹកបាន​ឡើង​ខ្ពស់​បំផុត​ពុំ​ធ្លាប់​មាន​ពី​មុន​មក ។ កម្រិត​ទឹក​បឹង​តៃ​ហ៊ូ​បាន​ឡើង លើស​ពី​កម្រិត​ប្រកាស​អាសន្ន​១៥​ថ្ងៃ​ជាប់​គ្នា ។

មជ្ឈមណ្ឌល​ជាតិ​តស៊ូ​ប្រឆាំង​ទឹកជំនន់ និង​គ្រោះ​រាំង​ស្ងួត​ចិន​ក៏​បង្កើន​ដែរ​ អន្តរាគមន៍​បន្ទាន់​កម្រិត​ទី២ កាលពី​ថ្ងៃ​ទី​១២ កក្កដា ។ ការ​ប្រកាស​នោះ​ធ្វើឡើង​បន្ទាប់​ពី​បឹង​ប៉ូ​យ៉ាង ជា​បឹង​ធំ​បំផុត​របស់​ចិនស្ថិត​នៅ​ក្នុង​ខេត្ត​ជាំ​ង​ស៊ីភាគ​ខាងកើត​ប្រទេស មាន​កម្រិត​ទឹក​ក្បែរ​២២,៥​ម៉ែត្រ​នា​ថ្ងៃ​ទី​១២
កក្កដា វេលា​ម៉ោង​១៦​ម៉ោង​ក្នុងស្រុក ដែល​នោះ​ជា​ការ​ប្រកាស​អាសន្ន​វិសាមញ្ញ​នៃ​ការ​តស៊ូ​ប្រឆាំង​​ទឹកជំនន់ ។

កាលពី​វេលា​ថ្ងៃត្រង់​ថ្ងៃ​ទី​១២ កក្កដា ទឹកជំនន់ក្នុង​ខេត្ត​២៧ ក្នុង​នោះ​មាន​ខេត្ត​ជាំ​ង​ស៊ី អាន​ហ្វី និង
ហ៊ូ​ប៉ី បណ្ដាល​ឲ្យ​មនុស្ស​ស្លាប់ និង​បាត់​ខ្លួន​១៤១នាក់ ហើយ​មនុស្ស​២,២៥​លាន​នាក់​ត្រូវ​​ជំលៀស​ចេញ ។

ផ្ទះសម្បែង​ប្រមាណ​ជា​២៨.០០០​ខ្នង​រង ការ​បំផ្លាញ​និង​ផ្ទៃដី​ដាំ​ដុះ​៣,៥៣​លាន​ហិ​កតា​រង​ការ​ប៉ះពាល់​ជាមួយ​ការ​បាត់បង់​ខាង​សេដ្ឋកិច្ច​ ដោយ​ផ្ទាល់​គិត​ជា​ប្រាក់​ប្រមាណ​ជា​៨២,២៣​ពាន់​លាន​យន់​ប្រមាណ​ជា​១១,៧៦​ពាន់​លាន​ដុល្លារ ។ ចិន​មាន​ប្រព័ន្ធ​ឆ្លើយ​តប​បន្ទាន់​សម្រាប់​ត្រួត​ពិនិត្យ​ទឹកជំនន់​៤​កម្រិត ហើយ​កម្រិត​ទី​១​ជា​កម្រិត​ខ្ពស់​បំផុត ៕ ដកស្រង់​ចេញពី​វេ​ប​សាយ ៖ lesoleil (​កែសម្រួល​ដោយ ៖ បុប្ផា​)