ពលរដ្ឋ​រស់នៅ​ក្រោម​ស្ពាន​ស្ទឹង​មាន​ជ័យ​បណ្តោះអាសន្ន​នឹង​ទៅ​នៅ​លើ​ដី​កម្មសិទ្ធិ​ស្របច្បាប់​វិញ​នៅ​ចុងខែ​នេះ


រាជធានី​ភ្នំពេញ​ ៖ ប្រជាពលរដ្ឋ​រស់នៅ​ប្រឡាយ​ស្ទឹង​មាន​ជ័យ ដែល​បាន​រើ​ទៅ​រស់នៅ​បណ្តោះអាសន្ន​នៅ​ក្រោម​ស្ពាន​អាកាស​ស្ទឹង​មាន​ជ័យ​នោះ នឹង​ត្រូវ​ប្ដូរ​ទៅ​រស់នៅ​លើ​ដី​កម្មសិទ្ធិ​ស្របច្បាប់​តាម​មាត់​បណ្តោយ​ប្រឡាយ​ស្ទឹង​មាន​ជ័យ​វិញ​នៅ​ចុងខែ​កក្កដា​នេះ ខណៈ​ដែរ​ការដ្ឋាន​ស្ថាបនា​ប្រឡាយ និង​ផ្លូវ​អម​ប្រឡាយ​ស្ទឹង​មាន​ជ័យ​នឹង​រួចរាល់​ឆាប់​ៗ​នេះ ។

ក្នុង​សិក្ខាសាលា​ស្ដី​ពី​ការ​ផ្សព្វផ្សាយ​របាយការណ៍​នៃ​ការ​សិក្សា​ទិន្នន័យ​មូលដ្ឋាន​នៃ​សហគមន៍​នៅ​តាម​ប្រឡាយ​ស្ទឹង​មាន​ជ័យ​និង​ការ​រៀបចំ​យុទ្ធសាស្ត្រ​ស្វែងរក​ការ​គាំទ្រ​មតិ​លើ​វិស័យ​រៀបចំ​ផែនការ​នគរ​រូប​ប​នី​យ​កម្ម​នឹង​ការ​គ្រប់គ្រង​ដីធ្លី​នា​ព្រឹក​ថ្ងៃ​ទី ១៣​ខែកក្កដា​ ឆ្នាំ​២០២០ ​នៅ​សាលា​រាជធានី​ភ្នំពេញ លោក ឃួ​ង ស្រេង អភិបាល​រាជធានី​ភ្នំពេញ បាន​ថ្លែង​ថា ក្នុង​២​ទសវត្សរ៍​នេះ រាជធានី​ភ្នំពេញ​មានការ​អភិវឌ្ឍ​លើ​គ្រប់​វិស័យ ជា​មួយនឹង​កំណើនសេដ្ឋកិច្ច​កើនឡើង កំណើន​យានយន្ត កំណើន​ប្រជាពលរដ្ឋ​ក៏​បាន​កើនឡើង​ដូច​គ្នា​ដែរ​នោះ​។

ជាមួយ​គ្នា​នោះ​ប្រជាពលរដ្ឋ​ក៏​បាន​ចំណាកស្រុក មក​រស់នៅ​រាជធានី​ភ្នំពេញ​យ៉ាង​កំហុស​ផង​ដែរ ខណៈ​ដែល​ប្រទេស​កម្ពុជា​បាន​ធ្វើ​សមា​ហរ​សមាហរណកម្ម​ចូល​គ្នា បាន​ធ្វើ​ឱ្យ​ប្រជាពលរដ្ឋ​មួយ​ចំនួន មក​សង់​លំនៅ​ដ្ឋា​ន​នៅ​លើ​ដី​សាធារណៈ​របស់​រដ្ឋ ។ ជាក់ស្តែង​ប្រឡាយ​ស្ទឹង​មាន​ជ័យ ក៏​ត្រូវ​បាន​ប្រជាពលរដ្ឋ​រាប់រយ​គ្រួ​សារបាន​មក​រស់នៅ​លើ​ប្រឡាយ ដែល​ធ្វើ​ឲ្យ​កកស្ទះ​ចរន្តទឹក​ហូរ​និង​ធ្វើ​អោយ​មានការ​លិចលង់​ដោយ​ជំនន់​ទឹកភ្លៀង នៅ​ភាគ​ខាង​លិច​រាជធានី​ភ្នំពេញ ។

បើ​គិត​មក​ដល់​ពេល​នេះ​ការដ្ឋាន​ស្ថាបនា​ប្រឡាយ​ស្ទឹង​មាន​ជ័យ បាន​ជិត​ឈាន​ដល់ទី​បញ្ចប់​ហើយ គឺ​នៅ​ក្នុង​បំណាច់​ខែកក្កដា ​ឆ្នាំ​២០២០​នេះ ប្រជាពលរដ្ឋ​ដែល​ត្រូវ​បាន ឲ្យ​ទៅ​ស្នាក់​នៅ​ក្រោម​ស្ពាន​ស្ទឹង​មាន​ជ័យ​ជា​បណ្ដោះអាសន្ន​នោះ រដ្ឋបាល​រាជធានី​ភ្នំពេញ​នឹង​បញ្ជូន​ឲ្យ​ពួក​គាត់​មក​រស់នៅ​លើ​ដី​កម្មសិទ្ធិ​ស្របច្បាប់​របស់​ពួក​គាត់ ដែល​សម្ដេច​តេ​ជោ​នាយក​រដ្ឋមន្ត្រី​បាន​ប្រទាន​កម្ម​ឲ្យ​ពួក​គាត់​នៅ​ដី​មួយ​ឡូត៍​ម្នាក់​នៅ​តាម​បណ្ដោយ​ប្រឡាយ​បឹង​ស្ទឹង​មាន​ជ័យ​នេះ​។

លោក​ឃួ​ង ស្រេង បាន​បញ្ជាក់​ថា ពាក់ព័ន្ធ​នឹង​ការ​អភិវឌ្ឍន៍​សហគមន៍​ក្រីក្រ រដ្ឋបាល​រាជធានី​ភ្នំពេញ​បាន​ធ្វើការ​ដោះស្រាយ​ជាមួយ​ប្រជាពលរដ្ឋ​ជាង​១០០​គ្រួសារ​ស្មើនឹង​៨៧​ខ្នង​ផ្ទះ នៅ​សហគមន៍​បន្ទាយ​ស្លឹក ដែល​ពួក​គាត់​រស់នៅ​លើ​ផ្លូវ​សាធារណៈ​លេខ​៤៣៤ ភូមិ​៤ សង្កាត់​ទំនប់​ទឹក ខណ្ឌ​បឹង​កេងកង ជាង​២០​ឆ្នាំ​កន្លង​មកនេះ ។ រដ្ឋបាល​រាជធានី​ភ្នំពេញ​បាន​ប្រគល់​ដី​ឡូ​តិ៍​ថ្មី ដី​ទំហំ​៤​ម៉ែត្រ​គុណ​១៥​ម៉ែត្រ ក្នុង​មួយ​ខ្នង​ផ្ទះ​ស្ថិត​នៅ​ឃុំ​វិហារ​សួគ៌ ស្រុក​ខ្សាច់កណ្តាល ខេត្តកណ្តាល ហើយ​ប្រជាពលរដ្ឋ​បាន​ទទួលយក​ដោយ​ក្តី​រីករាយ និង​អរគុណ​យ៉ាង​ជ្រាលជ្រៅ​ផង​ដែរ ៕

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ