ប្រទេសស៊ីរី ៖ ក្រុមប្រឹក្សាសនិ្តសុខ អ.ស.ប កាលពីថ្ងៃទី១១ កក្កដា បានជម្រុញឡើងវិញ ការដឹកជញ្ជូនជំនួយមនុស្សធម៌កាត់ព្រំដែនចូលស៊ីរីតែជាមួយការរិតត្បិតខ្លាំងថ្មីរបស់រុស្ស៊ី ចំពោះជំនួយរបស់ពួកលោកខាងលិច ខណៈមានភាពតានតឹងខ្លាំង…
ប្រទេសស៊ីរី ៖ ក្រុមប្រឹក្សាសនិ្តសុខ អ.ស.ប កាលពីថ្ងៃទី១១ កក្កដា បានជម្រុញឡើងវិញ ការដឹកជញ្ជូនជំនួយមនុស្សធម៌កាត់ព្រំដែនចូលស៊ីរីតែជាមួយការរិតត្បិតខ្លាំងថ្មីរបស់រុស្ស៊ី ចំពោះជំនួយរបស់ពួកលោកខាងលិច ខណៈមានភាពតានតឹងខ្លាំង ។
ក្រោយការបោះឆ្នោត៧លើកក្នុងពេលតែ១សប្ដាហ៍ ក្រុមប្រឹក្សាសន្តិសុខបានអនុម័តដំណោះស្រាយមួយ ស្នើដោយអាល្លឺម៉ង់ និងបែលហ្ស៊ិក ដែលអនុញ្ញាតឲ្យបន្តប្រើប្រាស់ព្រំដែនតួកគីក្នុង
រយៈ១ឆ្នាំចំណុចឆ្លងកាត់បាបអាល់ហាវ៉ា សម្រាប់ដឹកជំនួយចូលមកកាន់តំបន់ពួកបះបោរនៅខេត្តអ៊ីដលីប តែលុបចោលច្រកចូលបាបអាល់សាឡាមមកកាន់ពលរដ្ឋស៊ីរី១.៣លាននាក់ នៅភាគខាងជើងខេត្តអាឡែប ។ ប្រទេស១២បានបោះឆ្នោតគាំទ្រដំណោះស្រាយនោះ តែសមាជិកក្រុមប្រឹក្សាសន្តិសុខ៣ទៀតមាន រុស្ស៊ី ចិន និងសាធារណរដ្ឋដូមីនិកកែនបានបោះឆ្នោតអនុប្បវាទ ។
ក្នុងសេចក្ដីប្រកាសមួយរដ្ឋមន្ត្រីការបរទេរសអាល្លឺម៉ង់លោក HEIKO MAAS បានសម្ដែងក្ដីរីករាយដោយថា នេះជាដំណឹងល្អមួយសម្រាប់ពលរដ្ឋស៊ីរីច្រើនលាននាក់ ដែលក្រុមប្រឹក្សាសន្តិសុខ ទីបំផុតបានយល់ព្រមលើសំណើរបស់យើងក្រោយការប្រើវេតូច្រើនលើកដោយរុស្ស៊ី និងចិនប្រឆាំងផែនការផ្ដល់ជំនួយនោះ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ