Elon Musk ពេលនេះវ៉ាដាច់ Warren Buffet ក្នុងតារាងអ្នកមានជាងគេលើលោក
អាមេរិក ៖ តាមប្រភពព័ត៌មាន CNN បានឱ្យដឹងថា នាយកប្រតិបត្តិក្រុមហ៊ុន Tesla លោក Elon Musk…
អាមេរិក ៖ តាមប្រភពព័ត៌មាន CNN បានឱ្យដឹងថា នាយកប្រតិបត្តិក្រុមហ៊ុន Tesla លោក Elon Musk…
អាមេរិក ៖ តាមប្រភពព័ត៌មាន CNN បានឱ្យដឹងថា នាយកប្រតិបត្តិក្រុមហ៊ុន Tesla លោក Elon Musk ទើបតែពង្រីកខ្លួនឱ្យមានលើស លោក Warren Buffett ក្នុងសន្ទស្សន៍សេដ្ឋី Bloomberg ដោយក្លាយជាមហាសេដ្ឋីលំដាប់ទី៧ របស់ពិភពលោក។
ទ្រព្យសម្បត្តិរបស់ Musk បានកើនឡើងជាង ៦ពាន់លានដុល្លារ កាលពីថ្ងៃសុក្រ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Bloomberg បន្ទាប់ពីភាគហ៊ុនរបស់ក្រុមហ៊ុន Tesla បានកើនឡើង ១០.៨% ដល់កម្រិតខ្ពស់បំផុត ១,៥៤៤ដុល្លារក្នុងមួយហ៊ុន។ តម្លៃទីផ្សាររបស់វាមានចំនួន ២៨៦.៥ពាន់លានដុល្លារ។
Musk កាន់កាប់ភាគហ៊ុន ២០.៨% នៃភាគហ៊ុនរបស់ក្រុមហ៊ុន Tesla ដែលធ្វើឱ្យភាគហ៊ុនរបស់គាត់មានតម្លៃក្រោម ៦០ពាន់លានដុល្លារ។ Musk ក៏ជាភាគហ៊ុនចម្បងរបស់ក្រុមហ៊ុន SpaceX ក៏ដូចជាក្រុមហ៊ុនមួយចំនួន ដែលកាន់កាប់ដោយឯកជនផងដែរ។
ទ្រព្យសម្បត្តិរបស់លោក Buffett បានធ្លាក់ចុះនៅសប្តាហ៍នេះ បន្ទាប់ពីគាត់បានបរិច្ចាគភាគហ៊ុនចំនួនជិត ៣ពាន់លានដុល្លារ របស់ក្រុមហ៊ុន Berkshire Hathaway ទៅឱ្យសប្បុរសធម៌ដែលជាផ្នែកមួយនៃផែនការរបស់គាត់ ដើម្បីប្រគល់ទ្រព្យសម្បត្តិភាគច្រើនរបស់គាត់ទៅឱ្យក្រុមហ៊ុនបណ្តាក់ទុនសប្បុរសធម៌។
ភាគហ៊ុនរបស់ក្រុមហ៊ុន Tesla កើនឡើងជាង ៥០០% ក្នុងរយៈពេល ១២ខែ ដែលលើសពីតម្លៃរបស់ក្រុមហ៊ុនស្ទើរតែទាំងអស់នៅក្នុង S&P 500។ ក្រុមហ៊ុនផលិតរថយន្តអគ្គិសនីគឺជាក្រុមហ៊ុនរថយន្តដែលមានតម្លៃបំផុតនៅលើពិភពលោក៕
ចែករំលែកព័តមាននេះ