ពលករ​និង​និស្សិត​ខ្មែរ​ជាង​៦០០​នាក់​នៅ​អា​រ៉ា​ប៊ី​សា​អ៊ូ​ឌី​ត​បាន​វិល​ចូល​កម្ពុជា​វិញ


ទីក្រុង​គូ​ឡា​ឡាំ​ពួ ៖ ចាប់តាំងពី​មានការ​រីក​រាលដាល​នៃ​ជំងឺ​កូ​វី​ដ​១៩ រហូត​មក​ដល់​ពេល​នេះ ស្ថានទូត​កម្ពុជា​បាន​សម្របសម្រួល និង​ជួយ​រៀបចំ​ការ​វិល​ត្រឡប់​មក​កាន់​ប្រទេស​កម្ពុជា​វិញ​របស់​ប្រជាពលរដ្ឋ ពលករ ពលការ​នី និង​សិស្ស​និស្សិត​កម្ពុជា បាន​ចំនួន ៥ លើក សរុប​មាន​ចំនួន ៦២៣ នាក់​។

នៅ​ថ្ងៃ​ទី​១០ ខែកក្កដា ឆ្នាំ​២០២០ នេះ​តាម​ជើង​យន្តហោះ​ពាណិជ្ជកម្ម ពិសេស​របស់​ក្រុមហ៊ុន​អាកាសចរណ៍​ម៉ា​ឡេ​ស៊ី លេខ​MH762 បាន​ចាក​ចេញពី​ទីក្រុង​គូ​ឡា​ឡាំ​ពួ នៅ​វេលា​ម៉ោង16:30 ហើយនឹង​ទៅ​ដល់ទី​ក្រុងភ្នំពេញ នៅ​វេលា​ម៉ោង 17:25 ថ្ងៃ​ដដែល​។

លោក ចឺ​យ វិ​ចិត្ត ដែល​បាន​ជូន​ដំណើរ​និស្សិត​កម្ពុជា ដែល​ធ្វើ​ដំណើរ​ពី​ប្រទេស​អា​រ៉ាប់​ប៊ី​សា​អូឌីត នៅ​អាកាសយានដ្ឋាន​អន្តរជាតិ​ទីក្រុង​គូ​ឡា​ឡាំ​ពួ បាន​គូសបញ្ជាក់​ជូន​ថា កន្លង​មក «​សម្តេច​តេ​ជោ ហ៊ុន​សែន បាន​អនុញ្ញាត​ឱ្យ​និស្សិត​កម្ពុជា​ដែល​សិក្សា​នៅ​ប្រទេស​អា​រ៉ា​ប៊ី​សា​អ៊ូ​ឌី​ត វិល​ត្រឡប់​ទៅ​កម្ពុជា​វិញ ហើយ​ទើបតែ​ពេល​នេះ ទើប​យើង​អាច​រៀបចំ​ជើងហោះហើរ​នេះ​បាន​» ដែល​ជា​ការ​រៀបចំ​ឡើង​ក្រោម​ការ​សហការ​យ៉ាង​ជិត​ស្និទ្ធ​ជាមួយ ឯកឧត្តម អូ​ស្មាន់ ហា​សាន់ ទេស​រដ្ឋមន្ត្រី ទទួល​បន្ទុក​បេសកកម្ម​ពិសេស និង​ឯកឧត្តម ឃួ​ន ផុ​ន​រតនៈ ឯកអគ្គ​រាជ​ទូ​កម្ពុជា​ប្រចាំ​ប្រទេស​អេ​ហ្ស៊ី​ប​។

ជើង​យន្តហោះ​នេះ មាន​អ្នកដំណើរ​សរុប ៩៤ នាក់ ដែល​ក្នុង​នោះ​រួម​មាន​និស្សិត​កម្ពុជា​ចំនួន ៨០ នាក់ ធ្វើ​ដំណើរ​មក​ពី​ប្រទេស​អា​រ៉ា​ប៊ី​សា​អូឌីត អ្នកដំណើរ​ពលរដ្ឋ​ខ្មែរ​នៅ​ប្រទេស​ម៉ា​ឡេ​ស៊ី​ចំនួន ១៣ នាក់ និង​ជនជាតិ​ខ្មែរ​កាន់​លិខិតឆ្លងដែន​ម៉ា​ឡេ​ស៊ី ១ នាក់​៕

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ