ADផ្ទាំងផ្សព្វផ្សាយពាណិជ្ជកម្ម

Picture

បុរស​មាន​ជាងគេ​លើ​លោក​ចែករំលែក​ពី​បទ​ពិសោធន៍​ដែល​លោក​ចង​ចាំ​ច្បាស់​ជាងគេ

3 ឆ្នាំ មុន

គោលការណ៍​សំខាន់​មួយ​ទាក់ទិន​នឹង​ការ​ដឹកនាំ​របស់​លោក ជេ​ហ្វ បេ​សូ​ស (Jeff Bezos) ដែល​ជា​បុរស​មាន​ជាងគេ​លើ​លោក និង​ជានា​យក​ប្រតិបត្តិ​របស់​ក្រុមហ៊ុន Amazon ផង​ដែរ​នោះ​គឺ ភាព​ខ្វះខាត​នាំ​យក​ភាព​ប៉ិន​ប្រសប់…

គោលការណ៍​សំខាន់​មួយ​ទាក់ទិន​នឹង​ការ​ដឹកនាំ​របស់​លោក ជេ​ហ្វ បេ​សូ​ស (Jeff Bezos) ដែល​ជា​បុរស​មាន​ជាងគេ​លើ​លោក និង​ជានា​យក​ប្រតិបត្តិ​របស់​ក្រុមហ៊ុន Amazon ផង​ដែរ​នោះ​គឺ ភាព​ខ្វះខាត​នាំ​យក​ភាព​ប៉ិន​ប្រសប់ ការ​ពឹងពាក់​ខ្លួន និង​ការ​បង្កើត​អ្វី​ដែល​ថ្មី​ៗ ។

វា​ជា​គោលការណ៍​ដែល​ធ្វើ​ឲ្យ​លោក​កសាង​បាន​ក្រុមហ៊ុន​ដែល​ធំ​ជាងគេ​លើ​លោក និង​ជា​មេរៀន​ដែល​លោក​បាន​រៀន​ពេល​នៅ​វ័យក្មេង​នៅ​ពេល​ដែល​ធ្វើការ​ក្នុង​កសិដ្ឋាន​របស់​ជីតា​របស់​លោក​នៅ​រដ្ឋ Texas រាល់ពេល​ដល់​រដូវ​វិស្សមកាល​សិក្សា ។

លោក​បាន​ចែករំលែក​កាលពីដើម​ឆ្នាំ​នេះ​ថា «​ខ្ញុំ​បាន​រៀន​យ៉ាងច្រើន​ពី​ជីតា​របស់ខ្ញុំ​ព្រោះ​លោក​ជា​មនុស្ស​ដែល​ពឹងពាក់​លើ​ខ្លួន​បាន និង​ជា​មនុស្ស​មនុស្ស​ប៉ិន​ប្រសប់​ណាស់ ហើយ​ខ្ញុំ​គិត​ថា​មនុស្ស​ដែល​រស់នៅ​ជនបទ​ភាគច្រើន​ជា​មនុស្ស​បែប​នេះ​ពិតមែន ។ ពួក​គេ​អាច​ធ្វើ​អ្វី​ៗ​បាន​ដោយ​ខ្លួនឯង​បាន​» ។

លោក​បាន​បន្ថែម​ទៀត​ថា ភាព​ខ្លួន​ទីពឹង​ខ្លួន​នេះ​បាន​ជះ​ឥទ្ធិពល​យ៉ាង​ខ្លាំង​លើ​លោក ។ ពេល​នៅ​វ័យ ក្មេង លោក បេ​សូ​ស និង​ជីតា​បាន​ធ្វើ​អ្វី​ៗ​គ្រប់យ៉ាង​តាំងពី​ដាំ​បង្គោល និង​ជួសជុល​ឧបករណ៍​ដោយ​ខ្លួនឯង​ជាដើម ។

បទ​ពិសោធន៍​នេះ​បាន​បង្រៀន​ដល់​លោក​បេ​សូ​ស​ថា «​ពេល​ដែល​អ្នក​បរាជ័យ អ្នក​ត្រូវ​តែ​ក្រោក​ឡើង​និង​ព្យាយាម​ធ្វើ​វា​សា​ជា​ថ្មី​ម្តងទៀត ។ រាល់ពេល​ដែល​អ្នក​ក្រោកឈរ​ឡើង និង​ព្យាយាម​ម្តងទៀត អ្នក​កំពុង​តែ​ប្រើ​ភាព​ប៉ិន​ប្រសប់​របស់​អ្នក អ្នក​កំពុង​តែ​ប្រើ​ភាព​ខ្លួន​ទីពឹង​ខ្លួន​របស់​អ្នក ។ អ្នក​កំពុង​តែ​ព្យាយាម​បង្កើត​វិធី​ចេញពី​ប្រអប់​មួយ​» ។

ហើយ​គោលការណ៍​ទាំងនេះ​បាន​ជួយ​ដល់​លោក​បេ​សូ​ស និង Amazon ជា​ច្រើន​រហូត​បាន​ធ្វើ​ឲ្យ​លោក​ជា​បុរស​ដែល​មានទ្រព្យ​សម្បត្តិ​ច្រើន​ជាងគេ​លើ​លោក​ដែល​ទ្រព្យ​សរុប​របស់​លោក​មាន​ស្មើ​ប្រមាណ​១៧៨​ប៊ី​លាន​ដុល្លារ​បើ​យោង​ទៅ​តាម Bloomberg ៕

អត្ថបទសរសេរ ដោយ

កែសម្រួលដោយ