ចិន ៖ បុរសអាយុ៥០ឆ្នាំម្នាក់មកពីប្រទេសចិន បានធ្វើលំហាត់ប្រាណដោយគ្រវីខ្លួនទៅមក និងហាត់ឡើងដើមឈើដូចស្វារាល់ថ្ងៃអស់រយៈពេលប្រមាណជាង៣ទសវត្សរ៍មកហើយ។ លោក Chen Haigang ដែលអ្នកចូលចិត្តហាត់ប្រាណមកពីខេត្តសានស៊ី ប្រទេសចិន…
ចិន ៖ បុរសអាយុ៥០ឆ្នាំម្នាក់មកពីប្រទេសចិន បានធ្វើលំហាត់ប្រាណដោយគ្រវីខ្លួនទៅមក និងហាត់ឡើងដើមឈើដូចស្វារាល់ថ្ងៃអស់រយៈពេលប្រមាណជាង៣ទសវត្សរ៍មកហើយ។
លោក Chen Haigang ដែលអ្នកចូលចិត្តហាត់ប្រាណមកពីខេត្តសានស៊ី ប្រទេសចិន ទាក់ទាញការចាប់អារម្មណ៍នៅពេលដែលគាត់ហាត់ប្រាណជាសាធារណៈដោយសារតែទម្លាប់ដ៏ចម្លែក ដែលគាត់បានហាត់អស់រយៈពេលប្រហែលជា៣០ឆ្នាំ។ ជំនួសឱ្យក្បាច់ថៃជីដ៏ពេញនិយម ដែលអនុវត្តដោយប្រជាជននៅប្រទេសចិន លោក Chen បែរជាហាត់ប្រាណដូចទៅនឹងសត្វស្វា ដោយដើរប្រើដៃ និងជើង ហើយចំកោងខ្នងគ្រវីដៃ និងរត់ឡើងដើមឈើថែមទៀតផង។
គាត់បានធ្វើបែបនេះ អស់រយៈពេល៣ទសវត្សហើយ ចាប់តាំងពីគាត់ឃើញសត្វស្វានៅក្នុងសួនសត្វជាលើកដំបូង និងលោកបានអះអាងថា ការធ្វើដូចនេះផ្តល់ឱ្យគាត់នូវសុខភាពល្អ។
ដំបូងឡើយ Chen ចាប់ផ្តើមធ្វើត្រាប់ហាត់ប្រាណតាមសត្វស្វា ប៉ុន្តែក្រោយមកក៏ចាប់ផ្តើមឡើងដើមឈើដូចជាសត្វស្វាផងដែរ ដោយលោតពីមែកឈើមួយទៅមួយទៀត ហើយមកដល់ពេលនេះ គាត់ក៏បានហាត់ប្រាណតាមសត្វក្រពើថែមទៀតផង៕ ដកស្រង់ចេញពីវេបសាយ ៖ odditycentral (កែសម្រួលដោយ ៖ បុប្ផា)
ចែករំលែកព័តមាននេះ