ប្រទេសបូលីវី ៖ ប្រធានាធិបតីស្ដីទីបូលីវីលោកស្រី JEANINE AFIEZ ប្រកាសនាថ្ងៃទី៩ ខែកក្កដា ថា លោកស្រីធ្វើតេស្តឃើញលទ្ធផលវិជ្ជមាននៃការឆ្លងវីរុសCOVID-19 តែលោកស្រីមានស្ថានភាពសុខភាពល្អទេ។
តាមTWITTERលោកស្រីJEANINE AFIEZសរសេរថា ខ្ញុំមានការឆ្លងវីរុសតែសុខភាពខ្ញុំមិនអីទេ ដោយខ្ញុំនឹងបន្តធ្វើការដោយស្ថិតនៅដាច់ពីគេ។ និយាយរួមទៅយើងត្រូវធ្វើដំណើរទៅមុខ។ លោកស្រីជាបេក្ខនារីសម្រាប់ការបោះឆ្នោតប្រធានាធិបតី នាខែកញ្ញាខាងមុខនេះ។ លោកស្រីប្រធានាធិបតីស្ដីទីអាយុ៥៣ឆ្នាំរូបនោះបន្តថា ខ្ញុំនឹងស្ថិតនៅដាច់ពីគេរយៈពេល១៤ថ្ងៃ ហើយនឹងត្រូវធ្វើតេស្តមួយលើកទៀត។
នេះជាប្រមុខរដ្ឋអាមេរិកឡាទីនទី២ហើយដែលឆ្លងវីរុស បន្ទាប់ពីប្រធានាធិបតីប្រេស៊ីលលោកJAIR BOLSONARO ដែលប្រកាសថាលោករកឃើញឆ្លងកាលពីថ្ងៃទី៧កក្កដា។ នៅវេណេស៊ុយអេឡា ជនលេខ២ប្រទេសនោះ លោកDIOSDADO DIOSDADO CABELLOក៏ឆ្លងវីរុសដែរ។
លោកស្រីប្រធានាធិបតីបូលីវីបញ្ជាក់ថានៅប្រទេសលោកស្រី ចាប់តាំងពីសប្ដាហ៍មុនមក សមាជិករដ្ឋាភិបាលច្រើនរូបធ្វើតេស្តឃើញឆ្លងវីរុស ទើបលោកស្រីក៏ធ្វើតេស្តដែរឃើញលទ្ធផលវិជ្ជមាន។ លោកស្រី JEANINE AFIEZ ជាព្រឹទ្ទសមាជិកានៃគណបក្សស្ដាំនិយម បានក្លាយជាប្រធានាធិបតីស្ដីទីបូលីវី ក្រោយការសុំលាលែងចេញពីតំណែង និងចាកចេញពីប្រទេសទៅរស់នៅនិរទេស របស់ប្រធានាធិបតី ធ្វេងនិយម លោកEVO MORALESកាលពីខែវិច្ឆិកាឆ្នាំ២០១៩។
បូលីវីមានប្រជាជន១១លាននាក់ មានអ្នកឆ្លងវីរុសសរុបមកទល់ពេលនេះចំនួន៤២.៩៨៤នាក់និងអ្នកស្លាប់១.៥៧៧នាក់៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ