ប្រេស៊ីល ៖ ប្រទេសប្រេស៊ីល មានអ្នកបាត់បង់ជីវិតជិត៧០០០០នាក់ពីមេរោគឆ្លងថ្មី បន្ទាប់ពីក្រសួងសុខាភិបាលបានរាយការណ៍ថា យ៉ាងហោចណាស់មានមនុស្សថ្មីចំនួន ១,២២០នាក់ត្រូវបានបាត់បង់ជីវិត ក្នុងរយៈពេល ២៤ម៉ោងចុងក្រោយ។ ចំនួនអ្នកបាត់បង់ជីវិតទូទាំងប្រទេស…
ប្រេស៊ីល ៖ ប្រទេសប្រេស៊ីល មានអ្នកបាត់បង់ជីវិតជិត៧០០០០នាក់ពីមេរោគឆ្លងថ្មី បន្ទាប់ពីក្រសួងសុខាភិបាលបានរាយការណ៍ថា យ៉ាងហោចណាស់មានមនុស្សថ្មីចំនួន ១,២២០នាក់ត្រូវបានបាត់បង់ជីវិត ក្នុងរយៈពេល ២៤ម៉ោងចុងក្រោយ។ ចំនួនអ្នកបាត់បង់ជីវិតទូទាំងប្រទេស ឥឡូវនេះមានចំនួនប្រមាណ ៦៩,១៨៤នាក់។ នេះបើយោងតាមប្រភពព័ត៌មាន CNN ។
ក្រសួងនេះ ក៏បានរាយការណ៍យ៉ាងហោចណាស់ចំនួន ៤២,៦១៩ករណីថ្មីៗ កាលពីថ្ងៃព្រហស្បតិ៍ ដែលធ្វើឱ្យចំនួនករណីឆ្លងសរុបក្នុងប្រទេសកើនដល់ប្រមាណ ១,៧៥៥,៧៧៩ ។
ប្រេស៊ីល នៅតែបន្តតំណែងលើតារាងកូវីដ១៩ ក្នុងចំណាត់ថ្នាក់លេខ២ បន្ទាប់ពីសហរដ្ឋអាមេរិក។ កាលពីថ្ងៃអង្គារ៍ ប្រធានាធិបតីនៃប្រទេសប្រេស៊ីល គឺលោក Jair Bolsonaro បានប្រកាសថា គាត់បានឆ្លងជំងឺកូវីដ១៩ ហើយកំពុងតែសម្រាក់ព្យាបាលនៅផ្ទះ។
ការិយាល័យសារព័ត៌មានរបស់ប្រធានាធិបតីបានរាយការណ៍កាលពីថ្ងៃព្រហស្បតិ៍ថា លោកប្រធានាធិបតី Bolsonaro មានសុខភាពល្អ និង ការវិវត្តន៍នៃជំងឺ គឺកំពុងតែឈានទៅរកភាពល្អប្រសើរ៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ