ស្ទូចយកមកផាកពិន័យគ្មានលើកលែង រថយន្តណាដែលចតល្មើសច្បាប់ចរាចរណ៍
រាជធានីភ្នំពេញ ៖ ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យសមត្ថកិច្ចចរាចរណ៍ ស្ទូចរថយន្តទាំងឡាយណា ដែលចតល្មើសស្លាកសញ្ញា…
រាជធានីភ្នំពេញ ៖ ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាឲ្យសមត្ថកិច្ចចរាចរណ៍ ស្ទូចរថយន្តទាំងឡាយណា ដែលចតល្មើសស្លាកសញ្ញា និងគំនូសសញ្ញាចរាចរណ៍ យកមកធ្វើការផាកពិន័យ ដោយគ្មានការលើកលែងឡើយ ។
ឧត្តមសេនីយ៍ឯក ស ថេត បានបញ្ជាបែបនេះ នៅក្នុងកិច្ចប្រជុំដកពិសោធន៍ ការអនុវត្តរឹតបន្តឹងច្បាប់ចរាចរណ៍ផ្លូវគោក នៅព្រឹកថ្ងៃទី០៩ ខែកក្កដា ឆ្នាំ២០២០ ។
លោកស្នងការនគរបាលរាជធានីភ្នំពេញ បានដាក់បទបញ្ជាដល់ការរិយាល័យចរាចរណ៍ផ្លូវគោក ការរិយាល័យសណ្តាប់ធ្នាប់ និងអធិការនគរបាលទាំង១៤ខណ្ឌ ត្រូវតែចេញកម្លាំង និងរថយន្តស្ទូច ជាប្រចាំ ដើម្បីចុះរៀបចំសណ្តាប់ធ្នាប់តាមគ្រប់គោលដៅទាំងអស់ ដើម្បីកាត់បន្ថយការកកស្ទះ និងរៀបចំទីក្រុងឲ្យមានសោភ័ណ្ឌភាពល្អ ៕
ចែករំលែកព័តមាននេះ