ADផ្ទាំងផ្សព្វផ្សាយពាណិជ្ជកម្ម

Picture

រថយន្ត​ស៊េរី​ខ្ទេច​អស់​មួយ​កំណាត់​មុខ ក្រោយ​បុក​គូទ​កុងតឺន័រ​ពេញទំហឹង

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា រថយន្ត​ស៊េរី​ទំនើប​មួយ​គ្រឿង បើក​ក្នុង​ល្បឿន​លឿន ហើយ​ចាប់​ហ្វ្រាំង​មិន​ទាន់​ក៏​ជ្រុល​ទៅ​បុក​គូទ​រថយន្ត​កុងតឺន័រ​ដឹក​អីវ៉ាន់ ដែល​កំពុង​បត់​ឆ្វេង​ត្រឡប់​ក្រោយ​ពេញទំហឹង​តែ​ម្តង បណ្តាល​ឱ្យ​អ្នក​បើករថយន្ត​ស៊េរី​ទំនើប​រង​របួស​ធ្ងន់ បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​9​និង​30​នាទី​យប់​ថ្ងៃ​ទី​8 ខែកក្កដា…

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា រថយន្ត​ស៊េរី​ទំនើប​មួយ​គ្រឿង បើក​ក្នុង​ល្បឿន​លឿន ហើយ​ចាប់​ហ្វ្រាំង​មិន​ទាន់​ក៏​ជ្រុល​ទៅ​បុក​គូទ​រថយន្ត​កុងតឺន័រ​ដឹក​អីវ៉ាន់ ដែល​កំពុង​បត់​ឆ្វេង​ត្រឡប់​ក្រោយ​ពេញទំហឹង​តែ​ម្តង បណ្តាល​ឱ្យ​អ្នក​បើករថយន្ត​ស៊េរី​ទំនើប​រង​របួស​ធ្ងន់ បង្ក​ឱ្យ​មានការ​ភ្ញាក់ផ្អើល​កាលពី​ម៉ោង​9​និង​30​នាទី​យប់​ថ្ងៃ​ទី​8 ខែកក្កដា ឆ្នាំ​2020 តាម​បណ្តោយ​​ផ្លូវ​មហាវិថី​ឈ្នះ ឈ្នះ នៅ​ចំណុច​កន្លែង​ថ្លឹង​ជញ្ជីង​ចាស់ ស្ថិត​ក្នុង​សង្កាត់​បាក់​ខែង ខណ្ឌ​ជ្រោយចង្វារ ។

តាម​ប្រភព​ពី​សាក្សី​ដែល​ឃើញ​ហេតុការណ៍​បានឱ្យ​ដឹង​ថា មុន​ពេល​កើតហេតុ គេ​ឃើញ​រថយន្ត​កុងតឺន័រ ពណ៌​បៃតង​លាយ​លឿង ពាក់​ស្លាក​លេខ​រតនគីរី 3A1151 ជា​ប្រភេទ​រថយន្ត​ដឹក​អីវ៉ាន់ បើកបរ​ដោយ​បុរស​ម្នាក់​ពី​កើត​ទៅ​លិច ខណៈ​ពេល​បើក​មក​ដល់​ចំណុច​កើតហេតុ រថយន្ត​កុង​តឺន័រ​នោះ​បាន​បើក​បត់​ឆ្វេង​ត្រឡប់​ក្រោយ រួច​ហើយ​ក៏​ស្រាប់តែ​មាន​រថយន្ត​ស៊េរី​ទំនើប​មួយ​គ្រឿង​ផ្សេង​ទៀត​ម៉ាក​រ៉េ​ន​រ៉ូ​វើ​រ ពណ៌​ស្លែ ពាក់​ស្លាក​លេខ​ភ្នំពេញ​2BD6292 បើកបរ​តាម​បណ្តោយ​ផ្លូវ​មហាវិថី​ឈ្នះ ឈ្នះ ពី​កើត​ទៅ​លិច ដែល​ម្ចាស់​រថយន្ត​វ័យ​ប្រមាណ​ជាង​60​ឆ្នាំ ទើបតែ​ចេញ​មក​ពី​ផ្ទះ​មិត្តភក្តិ រួច​ហើយ​ក៏​ជិះ​ទៅ​ផ្ទះ​នៅ​ឯ​ម្តុំ​ទឹកថ្លា ។

សាក្សី​បន្ត​ថា ពេល​នោះ​ដោយសារ​តែ​គាត់​បើក​ស៊េរី​ទំនើប​លឿន​ពេក ទើប​ជ្រុល​ទៅ​បុក​គូទ​ពី​ក្រោយ​រថយន្ត​កុងតឺន័រ​ពេញទំហឹង​តែ​ម្តង បណ្តាល​អោយ​ខ្ទេច​រថយន្ត​រ៉េ​ន​រ៉ូ​វើ​ល​អស់​មួយ​កំណាត់​ខាង​មុខ​ទាំងស្រុង ហើយ​ថែម​ទាំង​ផ្ទុះ​ព្រោង​ទាំង​សងខាង បណ្តាល​ឱ្យ​ម្ចាស់​ជា​អ្នកបើកបរ​រង​របួសធ្ងន់ ចំណែកឯ​គូទ​រថយន្ត​កុងតឺន័រ​វិញ​ក្រពឹត​តិចតួច​។

សាក្សី​បន្ត​ទៀត​ថា ភ្លាម​ៗ​នោះ​ដែរ ក៏​មាន​វត្តមាន​របស់​បងប្អូន​ខាង​ម្ចាស់​រថយន្ត​រ៉េ​ន​រ៉ូ​វើ មក​ដល់​កន្លែង​កើតហេតុ រួច​ហើយ​ដឹក​យក​ជន​រង​គ្រោះ​យក​ទៅ​ព្យាបាល​បាត់​ទៅ រីឯ​តៃកុង​អ្នកបើកបរ​កុងតឺន័រ​វិញ បាន​រត់គេច​ខ្លួន​បាត់​បន្សល់​ទុក​នៅ​តែ​រថយន្ត​តែ​ប៉ុណ្ណោះ ។

ក្រោយ​ពេល​កើតហេតុ​ខាងលើ​នេះ រថយន្ត​ភាគី​ទាំង​សងខាង​ត្រូវ​បាន​សមត្ថកិច្ច​ធ្វើការ​វាស់វែង រួច​យក​ទៅ​រក្សា​ទុក​នៅ​ការិយាល័យ​ចរាចរណ៍​ផ្លូវគោក ដើម្បី​រង់ចាំ​ដោះស្រាយ​គ្នា​នៅ​ពេល​ក្រោយ​ទៀត​៕ (​កែសម្រួល​ដោយ ៖ បុប្ផា​)

អត្ថបទសរសេរ ដោយ

កែសម្រួលដោយ