រាជធានីភ្នំពេញ ៖ សំណុំរឿងមួយដូចសម្លកំពឹសដែលមានក្រុមអ្នកតូចទាប និងអ្នកធំ បម្រើការងារនៅក្នុងជួរមន្ត្រីរាជការសាធារណៈ ជាប់ពាក់ព័ន្ធករណីឃុបឃិតគ្នាលួចលក់ដីអ្នកដទៃទំហំប្រមាណ២២.៩០០ម៉ែត្រការ៉េ ស្ថិតនៅភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ…
រាជធានីភ្នំពេញ ៖ សំណុំរឿងមួយដូចសម្លកំពឹសដែលមានក្រុមអ្នកតូចទាប និងអ្នកធំ បម្រើការងារនៅក្នុងជួរមន្ត្រីរាជការសាធារណៈ ជាប់ពាក់ព័ន្ធករណីឃុបឃិតគ្នាលួចលក់ដីអ្នកដទៃទំហំប្រមាណ២២.៩០០ម៉ែត្រការ៉េ ស្ថិតនៅភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ កាលពីថ្ងៃទី៨ ខែកក្កដា ឆ្នាំ២០២០ ត្រូវបានកម្លាំងសមត្ថកិច្ចនគរបាលនាយកដ្ឋានព្រហ្មទ ណ្ឌក្រសួងមហាផ្ទៃ ចាប់ខ្លួនម្នាក់ទៀតក្នុងចំណោមបក្ខពួក៨នាក់ ដែល៣នាក់នៅក្នុងឃុំ និង៥នាក់ស្ថិតនៅក្រៅឃុំ ។
ជនសង្ស័យម្នាក់ខាងលើនេះឈ្មោះ ម៉ាត់ ឌី ភេទប្រុស អាយុ៥០ឆ្នាំ ជាប្រជាពលរដ្ឋរស់នៅសង្កាត់សំរោង ខណ្ឌព្រែព្នៅ រាជធានីភ្នំពេញ ដែលគេស្គាល់ថា ជាអ្នករកស៊ីទិញលក់ដី ។ ជនសង្ស័យត្រូវបានសមត្ថកិច្ចចាប់ខ្លួនតាមដីកាបង្គាប់ឲ្យចាប់និងឃុំខ្លួន របស់ចៅក្រមស៊ើបសួរសាលាដំបូងរាជធានីភ្នំពេញ ដូច្នេះនេះជាជនទី៤ ត្រូវបានបញ្ជូនឲ្យទៅឃុំក្នុងពន្ធនាគារជាមួយបក្ខពួក ដើម្បីរង់ចាំការកាត់ទោស ។
សូមរំលឹកថា លោក ពេជ្រ វេជ្ជាធរ ចៅក្រមស៊ើបសួរសាលាដំបូងរាជធានីភ្នំពេញ នារសៀសថ្ងៃទី២ ខែមីនា ឆ្នាំ២០២០ បានសម្រេចចេញដីកាឃុំខ្លួនជនសង្ស័យ៣នាក់ ដាក់ពន្ធនាគារជាបណ្តោះ អាសន្ន ក្រោមការចោទប្រកាន់ពីបទ.(ផ្តើមគំនិតក្នុងអំពើលួចលក់អចលន វត្ថុរបស់អ្នកដ៏ទៃ) ។ ជនសង្ស័យទាំង៣ នាក់នោះមាន ៖ ១-ឈ្មោះ ឡុង ដារ៉ា ភេទ ប្រុស អាយុ៣៥ឆ្នាំ ២-ឈ្មោះ ឡូញ រស់ ភេទប្រុស អាយុ៤០ឆ្នាំ និង៣-ឈ្មោះ ប៉ូច ថេន ភេទប្រុស អាយុ៥២ឆ្នាំ ។
សូមបញ្ជាក់ទៀតថា ជនសង្ស័យ៣នាក់មានឈ្មោះ ឡុង ដារ៉ា.ឡូញ រស់ នឹងឈ្មោះ ប៉ូច ថេន ត្រូវបានកម្លាំងសមត្តកិច្ចនគរបាលការិយាល័យព្រហ្មទណ្ឌកម្រិតស្រាលក្រសួងមហាផ្ទៃ ឃាត់ខ្លួនកាលពីថ្ងៃទី២៧ ខែកុម្ភ: ឆ្នាំ២០២០ ដោយជាប់ពាក់ពន្ធរឿងលួចលក់ដីអ្នកដទៃមានទំហំ ២២.៩០០ម៉ែត្រការ៉េ ស្ថិតនៅភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ ដែលពួកគេរួមគ្នាប្រព្រឹត្តក្នុងកំឡុងឆ្នាំ២០១៨ ។
ដោយឡែកលោក ស ថាវី មិនត្រូវបានសមត្តកិច្ចឃាត់ខ្លួនទេ ប៉ុន្តែតំណាងអយ្យការបានចោទប្រកាន់ជាផ្លូវការក្នុងសំណុំ រឿងមួយនេះ ក្នុងនោះគឺមានមនុស្សមួយចំនួនជាប់ពាក់ពន្ធហើយអាចតុលាការ នឹងចេញដីកាបញ្ជាឲ្យចូលខ្លួននៅពេលក្រោយ ។
លោក គុជ គឹមឡុង ព្រះរាជអាជ្ញារង នឹងជាអ្នកនាំពាក្យស្ថាប័នអយ្យការអមសាលាដំបូងរាជធានីភ្នំពេញបានថ្លែងឲ្យដឹងថា សំណុំរឿងនេះលោក សាយ ណូរ៉ា ព្រះរាជអាជ្ញារង បានបើកការស៊ើបសួរ នឹងចោទប្រកាន់ជនសង្ស័យ៣នាក់ជាផ្លូវការហើយ ហើយបានធ្វើដីកាសន្និដ្ឋាន នឹងបញ្ជូនសំណុំរឿងឲ្យទៅចៅក្រមស៊ើបសួរ ដើម្បីចាត់ការបន្ត ។ ព័ត៌មានពិស្តារនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ