ផ្អើល​ក្នុង​ក្រុង​ចិន ក្រោយ​ពី​មាន​អ្នក​គង្វាល​ម្នាក់​កើត​ជំងឺប៉េស្ត


ចិន ៖ តាម​ប្រភព​ព័ត៌មាន Shanghaiist បានឱ្យ​ដឹង​ថា ឆ្នាំ​នេះ​មិន​ត្រឹមតែ​មានការ​ផ្ទុះ​ឡើង​នូវ​ជំងឺ​កូ​វី​ដ​១៩​នោះ​ទេ ពេល​នេះ​មាន​មួយ​ករណី​ឆ្លង​ជំងឺប៉េស្ត ដែល​ត្រូវ​បាន​គេ​រក​ឃើញ​នៅ​ក្នុង​ក្រុង Inner Mongolia ។

អ្នកជំងឺ ដែល​ជា​អ្នក​គង្វាល​រស់នៅ​ខាងក្រៅ​ក្រុង Bayannur ត្រូវ​បាន​គេ​បញ្ជាក់​ថា មាន​ជំងឺ​ដែល​ធ្លាប់​មាន​ផ្ទុះ​ឡើង​លើ​លោក​យើង​នេះ កាលពី​យូរ​ឆ្នាំ​ណាស់​មក​ហើយ​។ ការ​កើត​ជំងឺ​លើ​រាយ​កាយ​របស់​បុរស​រូប​នេះ គឺ​ត្រូវ​បាន​រក​ឃើញ​នៅ​ថ្ងៃ​សៅរ៍​។ គាត់​ពេល​នេះ កំពុង​តែ​ស្ថិត​នៅ​ក្នុង​ស្ថាន​ភាពល្អ​ប្រសើរ នៅ​ក្នុង​មន្ទីរពេទ្យ​មួយ​។

វា​មិន​ទាន់​ច្បាស់​ទេ​ថា តើ​បុរស​គង្វាល​បាន​ឆ្លង​ជំងឺ​នេះ​តាម​របៀប​ណា? តែ​មន្ត្រី​ក្នុង​តំបន់ មិន​ឆ្លៀត​យក​ឱកាស ប្រាប់​អ្នកស្រុក​ឱ្យ​បញ្ឈប់​ការ​បរបាញ់ និង​បរិភោគ​សត្វ ដែល​អាច​ផ្ទុក​ប៉េស្ត​បាន​នោះ​ទេ​។ ជាមួយ​គ្នា​នេះ​ដែរ គេ​ក៏​ឃើញ​មាន​សត្វព្រៃ​មួយ​ចំនួន ដែល​បាន​ងាប់​មិនដឹង​មូល​ហេតុ។

បច្ចុប្បន្ន សត្វ​កណ្តុរ​ដី (Marmots) គឺជា​សត្វ​ដែល​ស្ថិត​នៅ​ក្នុង​ការ​សង្ស័យ​បំផុត​ថា ជា​អ្នកចម្លង​ជំងឺ​នេះ​។ ការ​ដាស់តឿន​នឹង​នៅ​ដដែល​រហូត​ដល់​ដំណាច់ឆ្នាំ​។

ខណៈ​ដែល​ប៉េស្ត ពិតជា​បាន​បង្ក​បញ្ហា​ដល់​មនុស្សជាតិ​នា​ពេល​បច្ចុប្បន្ន​នេះ វា​អាច​ព្យាបាល​ដោយ​ថ្នាំ​អង់​ទី​ប៊ី​យោ​ទិច បាន​យ៉ាង​ងាយ ហើយ​មិន​ត្រូវ​បាន​គេ​គិត​ថា ជា​ការ​គំរាមកំហែង​ពិត​ប្រាកដ​ចំពោះ​មនុស្សលោក​យើង​ឡើយ​។ ទោះ​យ៉ាងណា​ក៏​ដោយ ប្រសិនបើ​ទុក​ចោល​មិន​បាន​ព្យាបាល ជំងឺ​នេះ​អាច​សម្លាប់​មនុស្ស​បាន ពី​៣០% ទៅ ៦០%៕ ដកស្រង់​ចេញពី​វេ​ប​សាយ ៖ shanghaiist (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ