ដំណាក់កាលនៃការគង់ចាំវស្សាមានពីរវគ្គគឺ បុរិមិកវស្សា (វស្សាខាងដើម) និងមច្ឆិមិកវស្សា (វស្សាខាងចុង) បើភិក្ខុខកខានមិនបានចូលវស្សាទី១ លោកអាចលើកមកចូលវស្សាទី២បានមិនខុសធម៌វិន័យទេ ។ ការចូលបុរីមិកវស្សាប្រព្រឹត្តទៅនៅថ្ងៃ១រោច ខែអាសាឍ…
ដំណាក់កាលនៃការគង់ចាំវស្សាមានពីរវគ្គគឺ បុរិមិកវស្សា (វស្សាខាងដើម) និងមច្ឆិមិកវស្សា (វស្សាខាងចុង) បើភិក្ខុខកខានមិនបានចូលវស្សាទី១ លោកអាចលើកមកចូលវស្សាទី២បានមិនខុសធម៌វិន័យទេ ។
ការចូលបុរីមិកវស្សាប្រព្រឹត្តទៅនៅថ្ងៃ១រោច ខែអាសាឍ ហើយចេញនៅថ្ងៃពេញបូណ៌មី ខែអស្សុជ បើឆ្នាំណាមានអធិកមាស(លើកខែ) ត្រូវចូលនៅថ្ងៃ១រោច ខែទុតិយាសាឍ ព្រោះមានពុទ្ធានុញ្ញាតថា ម្នាលភិក្ខុទាំងឡាយ តថាគតអនុញ្ញាតឲ្យចូលវស្សាទៅតាមការអនុវត្តលើកខែរបស់ព្រះរាជាចុះ»។ ការចូលបច្ឆិមិកវស្សា នៅថ្ងៃ១រោច ខែស្រាពណ៍ ហើយចេញនៅថ្ងៃពេញបូណ៌មី ខែកត្តិក ។
ប្រសិនបើភិក្ខុណាមានធុរៈ មិនបានប្ដេជ្ញាអធិដ្ឋានបាលីចូលបុរិមិកវស្សាទេ ភិក្ខុនោះអាចប្តេជ្ញាអធិដ្ឋានបាលីចូលមច្ឆិមិកវស្សាក៏បានដែរ ។
ប៉ុន្តែភិក្ខុពុំអាចគេចវេះមិនចូលវស្សាណាមួយជាដាច់ខាត ដូចមានពុទ្ធប្បញ្ញត្តិថា ម្នាលភិក្ខុទាំងឡាយភិក្ខកុំមិនចូលវស្សាឡើយ គឺត្រូវតែចូលវស្សា ភិក្ខុណាមិនចូលវស្សា ភិក្ខុនោះនឹងត្រូវអាបត្តិទុក្កដ ។ សាន សារិន
ចែករំលែកព័តមាននេះ