លោកប្រធានាធិបតី ដែលមិនខ្លាចកូវីដ១៩ ពេលនេះឆ្លងបានសម្រេច
ប្រទេសប្រេស៊ីល ៖ ប្រធានាធិបតីប្រេស៊ីលលោក JAIR BOLSONARO ប្រកាសនាថ្ងៃទី៧ខែកក្កដា នេះថា លោកបានឆ្លងវីរុស COVID-19 តែលោកអះអាងថា…
ប្រទេសប្រេស៊ីល ៖ ប្រធានាធិបតីប្រេស៊ីលលោក JAIR BOLSONARO ប្រកាសនាថ្ងៃទី៧ខែកក្កដា នេះថា លោកបានឆ្លងវីរុស COVID-19 តែលោកអះអាងថា…
ប្រទេសប្រេស៊ីល ៖ ប្រធានាធិបតីប្រេស៊ីលលោក JAIR BOLSONARO ប្រកាសនាថ្ងៃទី៧ខែកក្កដា នេះថា លោកបានឆ្លងវីរុស COVID-19 តែលោកអះអាងថា លោកនឹងមានសុខភាពល្អវិញ តែលោកបន្តនិយាយសម្រាលពីការឆ្លង ខណៈចំនួនអ្នកបាត់បង់ជីវិតក្នុងប្រទេសរបស់លោកមានការកើនដល់ជាង៦៥.០០០នាក់រួចទៅហើយនោះ។
ប្រមុខរដ្ឋអាយុ៦៥ឆ្នាំរូបនេះ ក្នុងបទសម្ភាសន៍ជាមួយទូរទស្សន៍ជាច្រើនថ្លែងថា ក្នុងឋានៈជាប្រធានាធិបតី ខ្ញុំនៅតែស្ថិតនៅខ្សែរណៈសិរ្សទីមួយជានិច្ច។ ជីវភាពនៅបន្ត ហើយគេត្រូវមានការប្រុងប្រយ័ត្នជាមួយបណ្ដាមនុស្សចាស់ តែមិនត្រូវដល់ថ្នាក់ជ្រួលច្របល់ឡើយ។ ខ្ញុំចាប់មានបញ្ហាតាំងពីថ្ងៃទី៥ ខែកក្កដា ហើយខ្ញុំមានអារម្មណ៍ថា មិនស្រួលខ្លួនខ្លាំងចាប់ពីថ្ងៃទី៦ កក្កដាមក និងមានអារម្មណ៍ថា ហេវហត់អស់កម្លាំង រួចកម្ដៅក្នុងខ្លួនបានឡើងដល់៣៨អង្សា។ ខ្ញុំបានទៅថតមើលសួតនៅមន្ទីរពេទ្យហើយសួតខ្ញុំនៅល្អ។ បណ្ដាគ្រូពេទ្យបានឲ្យខ្ញុំប្រើថ្នាំ HYDROXYCHLOROQUINE និងថ្នាំ AZITHROMYCINE រួចបន្ទាប់មកខ្ញុំមានអារម្មណ៍ថាបានស្រួលខ្លួនវិញ។ខ្ញុំពិតជាមានសុខភាពល្អ។
ប្រធានាធិបតីរូបនោះជាច្រើនលើក ពេលស្ថិតក្នុងចំណោមបណ្ដាអ្នកគាំទ្រ មិនខ្ចីពាក់ម៉ាស និងមិនគោរពគម្លាតសង្គម។ ម្យ៉ាងទៀតលោកជាអ្នកជំទាស់ចំពោះច្បាប់ដែលតម្រូវឲ្យការពាក់ម៉ាសការពារជាកាតព្វកិច្ចទៀតផង ក្នុងប្រទេសប្រេស៊ីលទាំងមូល។
លោកទទួលស្គាល់ថា ខ្ញុំសូមសារភាពខ្ញុំពិតជាឆ្លងវីរុសរួចហើយមុននេះ តែពុំទាន់មានរោគសញ្ញា។ ប្រសិនបើខ្ញុំមិនធ្វើតេស្តនោះ ខ្ញុំអាចចម្លងវីរុសដល់មនុស្សម្នាទាំងឡាយ។ លោកបន្តថាខ្ញុំពេលនេះធ្វើការតាមអនឡាញ បន្ទាប់ពីលុបចោលការធ្វើដំណើរនានា ដែលគ្រោងនាសប្ដាហ៍នេះ។
ចាប់តាំងពីមានការឆ្លងវីរុសក្នុងប្រទេសមកប្រធានាធិបតីប្រេស៊ីលរូបនេះ បានប្រឆាំងយ៉ាងខ្លាំងចំពោះបណ្ដាវិធានការបង្ខាំងដែលប្រកាន់យក ដោយអភិបាលរដ្ឋនានា ដោយលោកយល់ថាអាទិភាពគឺត្រូវរក្សាការងារ ដើម្បីចៀសវាងការច្របូកច្របល់របស់សង្គម។
លោកប្រធានាធិបតី Bolsonaro ក៏បានអះអាងថា ជំងឺនេះគ្រាន់តែជាជំអឺផ្តាសាយធម្មតា ហើយក៏មិនបានអនុវត្តការរក្សាគម្លាត និងពាក់ម៉ាស់ឡើយ។ លោក Bolsonaro ក៏ធ្វើឱ្យរដ្ឋមន្ត្រីក្រសួងសុខាភិបាល២រូប ចាកចេញពីតំណែង ក្នុងពេលមានការផ្ទុះកូវីដ១៩ ជុំវិញការមិនចុះសម្រុងគ្នាខាងយុទ្ធសាស្ត្រ៕ ដកស្រង់ចេញពីវេបសាយ ៖ yahoo & bangkokpost (កែ សម្រួលដោយ ៖ បុប្ផា)
ចែករំលែកព័តមាននេះ