សហរដ្ឋអាមេរិក ៖ ក្រោយការរិះគន់ខ្លាំងៗចំពោះសកម្មភាពរបស់អង្គការសុខភាពពិភពលោកWHO សហរដ្ឋអាមេរិក បានប្រាប់ទៅសភាថា ខ្លួនបានសម្រេចចាកចេញពីស្ថាប័នពិភពលោកនោះហើយ។
អ.ស.ប ក្រោយទទួលកំណត់ហេតុផ្លូវការពីការសម្រេចនោះ របស់ប្រធានាធិបតីអាមេរិកលោកដូណាល់ត្រាំ ប្រកាសនាថ្ងៃទី៧កក្កដាថា អាមេរិកនឹងចាកចេញពីWHO ចាប់ពីថ្ងៃទី៦កក្កដាឆ្នាំ២០២១ទៅ។
លោកដូណាល់ត្រាំបានលើកជាផ្លូវការនូវនីតិវិធី នៃការដកខ្លួនរបស់សហរដ្ឋអាមេរិកចេញពីWHO ដោយចោទប្រកាន់ថាមានភាពយឺតយ៉ាវ ក្នុងការចេញប្រតិកម្ម ប្រឈមមុខនឹងការឆ្លងរាលដាលវីរុសCOVID-19។ នេះជាការអះអាងកាលពីថ្ងៃទី៧កក្កដា របស់បណ្ដាអ្នកទទួលខុសត្រូវអាមេរិក។ សភាអាមេរិកបានទទួលកំណត់ហេតុថា លោកត្រាំបានសម្រេចឲ្យអាមេរិកដកខ្លួនថយជាផ្លូវការ ចេញពីWHOពេលវីរុសកំពុងរាតត្បាតខ្លាំង ជាពិសេសក្នុងប្រទេសមហាអំណាចធំជាងគេនៃពិភពលោកនោះ។
ការចាកចេញនោះនឹងនៅសល់ពេល១ឆ្នាំទៀតគឹរហូតដល់ថ្ងៃទី៦កក្កដាឆ្នាំ២០២១ ខណៈអាមេរិកជាអ្នកបង់ប្រាក់ច្រើនជាងគេដល់អង្គការនោះ។ កំណត់ហេតុត្រូវបានផ្ញើជូនអគ្គលេខាធិការអ.ស.ប លោកANTONIO GUTERRES។
អ្នកនាំពាក្យរបស់អគ្គលេខាធិការអ.ស.បបញ្ជាក់ថា សហរដេ្ឋអាមេរិកដែលជាសមាជិកស្ថាបនិករបស់WHO កាលពីឆ្នាំ១៩៤៨នោះ នៅត្រូវបំពេញលក្ខខណ្ឌ២ សម្រាប់ការដកខ្លួនថយគឹៈ គោរពរយៈពេល១ឆ្នាំហើយត្រូវបង់ប្រាក់ចំណែករបស់ខ្លួនរហូតដល់ថ្ងៃចាកចេញ។
ការដកខ្លួននេះត្រូវបានថ្កោលទោស ដោយសហព័ន្ធវិទ្យាសាស្ត្រាអាមេរិក ពេលដែលគេកំពុងត្រូវការខ្លាំងបំផុតកិច្ចសហប្រតិបត្តិការអន្តរជាតិ។ សហព័ន្ធនិយាយថាការដកខ្លួនថយនោះវានឹងគ្រាន់តែបំផ្លាញ ដល់ការតស៊ូរបស់ពិភពលោកប្រឆាំងវីរុសCOVID-19៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ