ADផ្ទាំងផ្សព្វផ្សាយពាណិជ្ជកម្ម

Picture

តើ​អ្នក​គួរ​ធ្វើការ​ពីរ​បី​កន្លែង​ដើម្បី​រក​លុយ​ដែរ​ទេ ?

3 ឆ្នាំ មុន

មនុស្ស​ជា​ច្រើន​ក្នុង​សម័យ​ថ្មី​នេះ​មិន​ពឹងផ្អែក​លើ​ប្រភព​ចំណូល​តែ​មួយទៀត​ទេ ។ ផ្ទុយ​មក​វិញ មនុស្ស​កាន់តែ​ច្រើន​បាន​ចាប់ផ្តើម​ធ្វើ​ការងារ​ពីរ​ទៅ​បី​កន្លែង​ក្នុង​ពេល​តែ​មួយ ។ ប្រសិនបើ​អ្នក​ស្ថិត​ក្នុង​ចំណោម​មនុស្ស​ដែល​កំពុង​ពិចារណា​ធ្វើការ​ពីរ​ទៅ​បី​កន្លែង​ដែរ ខាងក្រោម​នេះ គឺជា​អត្ថប្រយោជន៍​មួយ​ចំនួន​ដែល​បាន​ពី​របៀប​ធ្វើ​ការងារ​ថ្មី​នេះ​ដែល​អាច​ជួយ​ដល់​ការ​សម្រេចចិត្ត​របស់​អ្នក​បាន ។ ១….

មនុស្ស​ជា​ច្រើន​ក្នុង​សម័យ​ថ្មី​នេះ​មិន​ពឹងផ្អែក​លើ​ប្រភព​ចំណូល​តែ​មួយទៀត​ទេ ។ ផ្ទុយ​មក​វិញ មនុស្ស​កាន់តែ​ច្រើន​បាន​ចាប់ផ្តើម​ធ្វើ​ការងារ​ពីរ​ទៅ​បី​កន្លែង​ក្នុង​ពេល​តែ​មួយ ។ ប្រសិនបើ​អ្នក​ស្ថិត​ក្នុង​ចំណោម​មនុស្ស​ដែល​កំពុង​ពិចារណា​ធ្វើការ​ពីរ​ទៅ​បី​កន្លែង​ដែរ ខាងក្រោម​នេះ គឺជា​អត្ថប្រយោជន៍​មួយ​ចំនួន​ដែល​បាន​ពី​របៀប​ធ្វើ​ការងារ​ថ្មី​នេះ​ដែល​អាច​ជួយ​ដល់​ការ​សម្រេចចិត្ត​របស់​អ្នក​បាន ។

១. វា​ជួយ​បង្កើន​ប្រាក់​ចំណូល​របស់​អ្នក
ប្រសិនបើ​អ្នកមាន​គម្រោង​ក្នុង​ការ​បង្កើន​ប្រាក់​ចំណូល​សម្រាប់​ថ្ងៃ​អនាគត ជួយ​បង់ថ្លៃ​ផ្ទះ សម្រាប់​វិស្សមកាល ឬ​សម្រាប់​ការ​វិនិយោគ​ជាដើម នោះ​អ្នក​គួរតែ​ពិចារណា​ធ្វើការ​បន្ថែម​មួយ​ទៅ​ពីរ​កន្លែង​ទៀត​ព្រោះ​វា​អាច​ជួយ​បង្កើន​ប្រាក់​ចំណូល​របស់​អ្នក​បាន ។ ប៉ុន្តែ​អ្វី​ដែល​អ្នក​គួរតែ​ជៀសវាង​គឺ​ការ​ចាយវាយ​ទៅ​តាម​ប្រាក់​ចំណូល​ដែល​បាន​កើនឡើង​ដែរ ។

២. វា​ជួយ​ឲ្យ​អ្នក​ស្គាល់​មនុស្ស​កាន់តែ​ច្រើន
ប្រសិនបើ​ការងារ​ទី​ពីរ​ឬ​ទី​បី​របស់​អ្នកមាន​ភាព​ស្រ​ដៀង​គ្នា​ទៅ​នឹង​ការងារ​ដំបូង​របស់​អ្នក​នោះ វា​អាច​ជួយ​ឲ្យ​អ្នក​ស្គាក់​មនុស្ស​កាន់តែ​ច្រើន​ក្នុង​វិស័យ និង​ថែម​ទាំង​ឲ្យ​អ្នក​ស្គាល់​អតិថិជន​កាន់តែ​ច្រើន​ថែម​ទៀត​។ ចំណុច​ដែល​អ្នក​ត្រូវ​ចង​ចាំ​គឺ​ដាច់ខាត​ព្យាយាម​ជៀសវាង​កិច្ចការ​ដែល​អាច​ប៉ះពាល់​ដល់​អត្ថប្រយោជន៍​ក្រុមហ៊ុន​ធំ​របស់​អ្នក​។

៣. វា​អាច​ជួយ​ឲ្យ​អ្នក​ពង្រឹង​ជំនាញ​សំខាន់​ៗ​បាន
ប្រសិនបើ​អ្នក​មិន​មានឱកាស​រៀនសូត្រ ឬ​ហ្វឹកហាត់​ច្រើន​នៅ​កន្លែងធ្វើការ​របស់​អ្នក​ទេ​នោះ ការ​ធ្វើការ​ពីរ​ទៅ​បី​កន្លែង​ទៀត​អនុញ្ញាត​ឲ្យ​អ្នក​ពង្រឹង​ជំនាញ និង​បង្កើន​ឱកាស​ក្នុង​ការ​ដំឡើង​ប្រាក់ខែ ឬ​តំណែង​ជាដើម ។

៤. វា​អាច​ជួយ​ជំរុញ​ឲ្យ​អ្នក​សាកល្បង​ចំណាប់អារម្មណ៍​ថ្មី​ៗ
បុគ្គលិក​ដែល​ធ្វើការ​ពេញ​ម៉ោង​ជា​ច្រើន​មិន​ពេញចិត្ត​នឹង​ការងារ​ដែល​ពួក​គេ​មាន​ទេ ។ ទោះជា​ពួក​គេ​អាច​រក​ចំណូល​បាន​គ្រប់គ្រាន់​សម្រាប់​ការ​រស់នៅ​ប្រចាំ​ថ្ងៃ​បាន​ពិតមែន មនុស្ស​តែងតែមាន​ចំណាប់អារម្មណ៍​លើ​អ្វី​ដែល​ខ្លួន​តែងតែ​ចង់​ធ្វើ ។ ដូច្នេះ​ការ​ធ្វើការ​ពីរ​ទៅ​បី​កន្លែង​ទៀត​នឹង​អនុញ្ញាត​ឲ្យ​អ្នក​ធ្វើ​អ្វី​ដែល​អ្នក​ចូល​ចិត្ត ។

៥. វា​អាច​ក្លាយជា​អាជីវកម្ម​ពេញលេញ​មួយ​បាន
ការងារ​ទី​ពីរ​ទៅ​បី​របស់​មនុស្ស​ជា​ច្រើន​បាន​ក្លាយជា​អាជីវកម្ម​ពេញលេញ ។ ប្រសិនបើ​អ្នក​មិន​មាន​សមត្ថភាព​ក្នុង​ការ​លាឈប់​ពី​ការងារ​អ្នក​ទេ អ្នក​នៅ​តែ​អាច​គ្រប់គ្រង​អាជីវកម្ម​ក្នុង​ពេលទំនេរ​របស់​អ្នក​បាន ៕

អត្ថបទសរសេរ ដោយ

កែសម្រួលដោយ