ADផ្ទាំងផ្សព្វផ្សាយពាណិជ្ជកម្ម

Picture

៥ ជំនាញ​ទន់​ដែល​អ្នក​ត្រូវ​រៀន​ប្រសិនបើ​ចង់​ឈានមុខ​អ្នក​ដទៃ​នៅ​កន្លែង​ការងារ

3 ឆ្នាំ មុន

ការងារ​ដែល​អ្នក​កំពុង​មាន​សព្វ​ថ្ងៃនេះ ឬ​ការងារ​ដែល​អ្នក​ចង់បាន​ប្រហែលជា​ត្រូវ​បាន​លុប​បំបាត់​ទាំងស្រុង​ក្នុង​កំឡុង​ពេល ១០​ឆ្នាំ​ទៀត ។ មូលហេតុ គឺ​មក​ពី​សេដ្ឋកិច្ច​មានការ​ផ្លាស់​ប្តូរ​យ៉ាង​លឿន​ដែល​បាន​ប៉ះពាល់​ដល់ទី​ផ្សារ​ការងារ​ជុំវិញ​ពិភពលោក ។ តើ​អ្នកមាន​ជំនាញ​គ្រប់គ្រាន់​ដែល​អាច​ធ្វើ​ឲ្យ​អ្នក​ត្រៀមខ្លួន​សម្រាប់​ទីផ្សារ​ការងារ​នៅ​ថ្ងៃ​អនាគត​ទេ?ខាងក្រោម​នេះ គឺជា​ជំនាញ​ទន់​មួយ​ចំនួន​ដែល​កាន់តែ​មាន​តម្រូវការ​នៅ​កន្លែង​ការងារ ៖…

ការងារ​ដែល​អ្នក​កំពុង​មាន​សព្វ​ថ្ងៃនេះ ឬ​ការងារ​ដែល​អ្នក​ចង់បាន​ប្រហែលជា​ត្រូវ​បាន​លុប​បំបាត់​ទាំងស្រុង​ក្នុង​កំឡុង​ពេល ១០​ឆ្នាំ​ទៀត ។ មូលហេតុ គឺ​មក​ពី​សេដ្ឋកិច្ច​មានការ​ផ្លាស់​ប្តូរ​យ៉ាង​លឿន​ដែល​បាន​ប៉ះពាល់​ដល់ទី​ផ្សារ​ការងារ​ជុំវិញ​ពិភពលោក ។ តើ​អ្នកមាន​ជំនាញ​គ្រប់គ្រាន់​ដែល​អាច​ធ្វើ​ឲ្យ​អ្នក​ត្រៀមខ្លួន​សម្រាប់​ទីផ្សារ​ការងារ​នៅ​ថ្ងៃ​អនាគត​ទេ?
ខាងក្រោម​នេះ គឺជា​ជំនាញ​ទន់​មួយ​ចំនួន​ដែល​កាន់តែ​មាន​តម្រូវការ​នៅ​កន្លែង​ការងារ ៖

១. ជំនាញ​ចរចារ
មិន​ថា​អ្នកជា​អាជីវករ ឬ​បុគ្គលិក​ការិយាល័យ​ទេ អ្នក​ត្រូវ​តែ​មាន​ជំនាញ​ក្នុង​ការ​ចរចា​ដើម្បី​ទទួល​បាន​អ្វី​ដែល​អ្នក​ចង់បាន ។ វា​ជា​ជំនាញ​ដែល​ទាមទារ​ភាព​អត់ធ្មត់ និង​ការ​ខិតខំ​ប្រឹងប្រែង​ដើម្បី​រៀន ហើយ​វា​ក៏​ត្រូវការ​ការ​ហ្វឹកហាត់​ផង​ដែរ ។

២. ជំនាញ​បញ្ចុះបញ្ចូល
បច្ចុប្បន្ន​នេះ ហឹ​ង្សា​មិន​តែងតែ​អាច​ជួយ​ឲ្យ​អ្នក​ទទួល​បាន​អ្វី​ដែល​អ្នក​ចង់បាន​ទេ ។ ផ្ទុយ​មក​វិញ អ្នក​ត្រូវ​រៀន​បញ្ចុះបញ្ចូល​មនុស្ស​ឲ្យ​យល់​ស្រប​តាម​អ្នក ។ ជំនាញ​នេះ​គឺ​ពិតជា​សំខាន់​ណាស់​សម្រាប់​មនុស្ស​ដែល​ធ្វើការ​ក្នុង​ផ្នែក​ទីផ្សារ និង​សហគ្រិន​ផង​ដែរ ។

៣. ជំនាញ​គ្រប់គ្រង​ជម្លោះ
ជំនាញ​នេះ​មាន​សារៈសំខាន់​ណាស់​ប្រសិនបើ​អ្នក​ចង់​ឡើង​តំណែង​កាន់តែ​ខ្ពស់​ក្នុង​ក្រុមហ៊ុន ។ សហគ្រិន​ក៏​ត្រូវការ​ជំនាញ​នេះ​ដែរ​ក្នុង​កាលៈទេសៈ​ដែល​អ្នក​ជួបនឹង​មិត្ត​រួមការ​ងារ ភ្ញៀវ ឬ​អ្នក​ផ្គតផ្គង់​ដែល​ពិបាក​និយាយ​គ្នា ។

៤. ជំនាញ​គ្រប់គ្រង​ពេលវេលា
ជីវិត​ក្នុង​ជំនាន់​ទំនើប​នេះ​ពោរពេញ​ទៅ​ដោយ​ការងារ​ចាំបាច់​ដែល​ត្រូវធ្វើ​មិន​ថា​ជា​ការ​ទទួល​ទូរស័ព្ទ ឆែក​អ៊ីមែល ឆាត ឬ​ចុច​មើល​ប្រព័ន្ធ​សង្គម​ទេ ។ កត្តា​ទាំងនេះ​សុទ្ធតែ​ជា​ចំណុច​ដែល​ប៉ះពាល់​ដល់​ប្រសិទ្ធិ​ភាព​ការងារ​របស់​មនុស្ស ។ ជាមួយនឹង​ជំនាញ​ក្នុង​ការ​គ្រប់គ្រង​ជំនាញ មនុស្ស​អាច​រុញច្រាន​នូវ​អ្វី​ដែល​ទាមទារ​ចំណាប់អារម្មណ៍​របស់​អ្នក និង​ផ្តោត​ស្មារតី​តែ​លើ​កិច្ចការ​ដែល​សំខាន់​ប៉ុណ្ណោះ ។

៥. ជំនាញ​គ្រប់គ្រង​ស្ត្រេ​ស
ការ​ស្ត្រេ​ស​ព្រោះតែ​ការងារ​អាច​បង្ក​ការ​ប៉ះពាល់​ដល់​សុខភាព​របស់​មនុស្ស​បាន​ដែរ ។ មិន​មាន​នរណា​ម្នាក់​ដែល​អាច​កម្ចាត់​អារម្មណ៍​ស្ត្រេ​ស​ពី​អ្នក​បាន​ទេ ហើយ​អ្នក​មិន​គួរ​អនុញ្ញាត​ឲ្យ​អារម្មណ៍​ស្ត្រេ​សម​កប​បង្ក​ការ​ប៉ះពាល់​ដល់​អ្នក​បាន​ឡើយ ។ ចំណុច​ដែល​ល្អ​មួយ​គឺ​ជំនាញ​ប៉ុន្មាន​ខាងលើ​មាន​ភាព​ប្រទាក់​ប្រ​ទិន​គ្នា ដូច្នេះ​អ្នក​ក៏​អាច​គ្រប់គ្រង​អារម្មណ៍​ស្ត្រេ​ស​របស់​អ្នក​បាន​ដែរ​ប្រសិនបើ​អ្នកមាន​សមត្ថភាព​ក្នុង​ការ​គ្រប់គ្រង​ពេលវេលា និង​ជៀសវាង​ជម្លោះ​ក្នុង​កន្លែង​ការងារ​ជាដើម ៕

អត្ថបទសរសេរ ដោយ

កែសម្រួលដោយ